Kwakha kabusha timphilo netindlela tekutiphilisa emva kwetikhukhula

Vukuzenzele Unnamed

Sekusikhatsi lecishe sibe tinyanga letimbili kusukela kwabanetikhukhula letinemandla letabanga tinkinga kuyo yonkhe iKwaZuluNatali, iMphumalanga Kapa kanye neNyakatfo Nshonalanga, letibange kutsi kube nekulahleka lokukhulu kwemphilo kanye nekulimala kwempha hla nesakhiwonchanti.  Ngisandza kuvakashela eThekwini KwaZuluNatali kuyohlangana nabosomabhizinisi balelidolobhakati kute sendlulise kubasekela kumitamo yabo yekuphindza babuyisela kusebenta kwetintfo.
Ngesikhatsi kwenteka lenhlekelele yemvelo, kube nekukhatsateka kutsi baphatsi abanawo emandla noma sifiso sekuphe ndvula ngendlela lefanele nalesebentako kulesimo salabo labalahlekelwe ngiko konkhe bebanako.
Uma sengiya kwesibili kulelidolobhakati kusukela kwaba naletikhukhula, kwangicacela kutsi lokukhatsateka bekungakafaneli.
IKwaZulu-Natali, njengoba kunjalo naseMphumalanga Kapa naseNyakatfo Nshonalanga, bonkhe labadlala indzima bebasebenta ngekutikhandla kute balulame kulesehlakalo lesibuhlungu.
Sikhungo Savelonkhe Sekulawula Inhlekelele besichumanisa yonkhe imikhakha yahulumende kumitamo yaso yekuletsa lusito lwetebuntfu emindenini leminengi letsintsekile.
Kube yintfo lejabulisako kubona tinhlangano letitimele tingenelela tisebentisana nahulumende kute tinikete lusito loludzingeka kakhulu.
Bonkhe laba labadlala indzima bebanika bantfu kudla, timphahla tekugcoka, tingubo tekulala, tekunakekela mtimba kanye netimphahla tesikolo emindenini lebutsakatsaka kute ikhone kumelana netidzingo letisisekelo.
Tinsita tekuhlala kungu  nyalo tisaniketwa ebantfwini labangetulu kwe 7 000 kuletigodzi letine letishayeke kakhulu KwaZulu-Natali. Umsebenti wekwakha tindlu tesikhashana sewucalile kumindeni letsintsekile nemhlaba wahulumende sewukhonjiwe KwaZulu-Natali kute bahlaliswe kabusha kuwo.
Litiko Letasekhaya,  Letemphilo neLekutfutfukiswa Kwetenhlalo nawo bewancedza imindeni letsintsekile kute ikhone kufinyelela kutinsita leti mcoka. Sibonelo, emahhovisi labomahamba nendlwane ancedza labo labalahlekelwa madokhumenti abo labucayi ngaletikhukhula kute bakhone kutfola emakhadi lamasha ema-ID nangekuphindza kukhishwe letinye titifiketi tekutalwa. Tinsita letingumahamba nendlwane tetemphilo, letifaka kugomela iCOVID-19, nato tiyabonelelwa ebantfwini etindzaweni lapho khona takhiwo tingasebenti ngalokuphelele. Tindlela tekukhokhela tibonelelo tahulumende tilungisiwe kulabo labatsintsekile.   Tindlu tekufundzela letingumahamba nendlwane titsengiwe kute kufundza nekufundzisa kungaphatamiseki sikhatsi lesidze etikolweni letitsintsekile ngaletikhukhula.  Umsebenti wekulu ngisa tindzawo tekuhlanta emanti, titeshi temaphayiphi netekuhanjiswa kwemanti utawentiwa.
Imigwaco leyalimala iyalungiswa. Kuhlelwe kutsi kwakhiwe emabhuloho lamasha lalishumi nesiphohlongo njengencenye yeluhlelo iWelisizwe Rural Bridges.
Kube khona futsi inchubekela embili lenkhulu ekulungiseni sakhiwonchanti lesimcoka lesisekela Lichweba laseThekwini.
Ngenca yekubaluleka kwalelichweba kumnotfo wavelonkhe nowevekati, kuhamba kwemikhumbi sekubuyele esimeni, kusebenta kwetikhumulo nako kubuyela kusebenta ngalokuphelele futsi umsebenti wekulungisa imizila yetitimela leyalimala nawo uyachubeka.
Kunetindlela letengetiwe letibekiwe tekunika kusekela ngetimali kuwo omabili emabhizinisi lamancane nalamakhulu latsintsekile.
Loku kufuneka kwenteke masinyane kute kucinisekiswe kutsi emabhizinisi ahlala asebenta nekutsi ematfuba emisebenti ahlala asimeme.
Etikhatsini letehlukene temlandvo wentsandvoyelinyenti, sihlangabetane netigameko netimo leti nkhulu letilinga kutibophelela kwebantfu bakitsi kanye nekusebenta ngalokufanele kwetikhungo tetfu.  Sibone kubambisana lokungakajwayeleki nekusekelwa kwemindeni kwemimmango yaKwaZulu-Natali, yaseMphumalanga Kapa neyaseNyakatfo Nshonalanga. Bomasipala bendzawo nabohulumende betifundza bebasebentisana nematiko avelonkhe kanye nema-ejensi awo kute asite bantfu bakhe kabusha timphilo tabo nekwenta kutsi umnotfo wendzawo uphindze ubuyele usebente futsi.  Bebaloku basebentisana nabo bonkhe labadlala indzima kuto tonkhe tindzawo kucinisekisa kutsi sihlanganisa ngemphumelelo imitamo yekuvuselela neyekutsi sihlele futsi sakhe kabusha ngendlela lecinile kakhulu kutigameko letinjengaleti esikhatsini lesitako.
Kubeketela kwemimango letsintsekile, kutibophe lela kwabo ekuphemeleleni kanye nelikhono lekusebentisana etikha tsini tenhlekelele kube yintfo legcugcutelanako.
Sibatfulela sigcoko bonkhe labo bebayincenye yalomtamo wekusita bantfu baletifundza letitsintsekako.
Njengahulumende, sihlanganisa tonkhe tinsita futsi senta yonkhe imitamo yekucinisekisa kutsi, njengoba sakha kabusha, akekho lesimshiyako.