Landza Likhadi lakho lelayisensi yekushayela

Vukuzenzele Unnamed

Bashayeli betimoto labafake ticelo telikhadi lelisha noma lekuvuselela ilayi sensi yekushayela noma imvume yekushayela ngekwemsebenti iprofessional driving permit (i-PrDP) emkhatsini kweMphala neNgongoni lomnyaka lowengcile bayacelwa kutsi balandze emakhadi abo.
Ngekusho kweNhlangano Lelawula Titfutsi Emgwa ceni (i-RMTC), kulandvwe kuphela emakhadi ekushayela la-42% kulalangu-32 748 lakhicitiwe ngalesikhatsi.
Indvuna Yetekutfutsa Fikile Mbalula uvule tikhungo temalayisensi teRMTC eMidrand nase-Eco Park lomnyaka lophelile, kute alwe kucedza lokusalela emuva kwemalayisensi lasaphelelwe sikhatsi ngenca yeCOVID-19.  I-Akhawunti Yelikhadi Lelayisensi Yekushayela, lephrinta lamalayisensi, isebenta busuku nemini kukhulisa kukhicita futsi itibophelele kucedza lokusalela emuva ngasekupheleni kweNhlaba.
I-RMTC itsi bantfu  bangahlola simo seticelo tabo ngembi kwekuya kutikhungo tekuhlolwa bayolandza emalayisensi abo.
Loku kungentiwa ye-SMS noma nge-inthanethi.
Imibuto ye-SMS lemayelana nemalayisensi ekushayela
Uma unembuto ngelayisensi yekushayela, labafake ticelo bangatfumela i-SMS kanye nenombolo yabo yamatisi ku-33214. Batawubese batfola yinye yalama-SMS lalandzelako:
• Application received: The application was received, but has not yet been processed.
• Production queue: The card is still being processed and manufactured.
• Produced and ready for collection: The card will be ready  for collection in 21 days. However, due to the high number of cards being processed, the RTMC advises you to wait 35 days before going to collect.
• Problem card: There is a pro blem with the production of your card. Please return to the testing centre.
Uma unembuto nge-PrDP, tfumela inombolo yakho yamatisi nge-SMS ku-44220.
Imibuto ye-inthanethi lemayelana nemalayisensi ekushayela
Ungakhona futsi kutfola simo sesicelo sakho mahala ku-inthanethi.
• Vakashela ku online.natis.gov.za.
• Takhele iphrofayili bese uyangena.
• Cafata simo sesicelo sakho kudeshibhodi.
Labo emalayisensi abo  aphelelwe sikhatsi emkhatsini kweNdlovulenkhulu 2020 nangemhla we-31 iNgci 2021, labangatange basibambe sikhatsi lesibekiwe lesimncamula jucu samhla ti-5 Inkhwekhweti, bayacelwa kutsi batfole ilayisensi yekushayela yesikhashana uma bafaka ticelo tekuvuselela kute bahlale bahambisana nemtsetfo.
Nanoma tikhungo teRMTC tivulwa kusuka ngeMsombuluko kute kube Lisontfo kusuka ngensimbi ye-7 ekuseni kuya kuye-9 entsambama, emalunga emmango ayagcugcutelwa kutsi atsetse lelitfuba lelinemalayini lamancane langaLesihlanu nangeMphelasontfo.