Yewuzokuthatha Ikarajana Lakho Lelayisense Yokutjhayela   

Vukuzenzele Unnamed

Abatjhayeli abenza iimbawo zamalayisense wokutjhayela nabenza iimbawo zokuvuselela amalayisense amakarada namkha abenza iimbawo zemvumo yokutjhayelela umsebenzi (i-PrDP) hlangana kwakaSewula noNobayeni nyakenye bakhonjelwa bona bazowathatha.
Ngokutjho kweHlangano eLawula iiNthuthi eziKhamba eNdleleni (i-RTMC), ama-42% kwaphela amakarada wamalayisense esele athethwe, emalayisensini azii-32 748 abekafakelwe iimbawo  ngalesisikhathi.           UNgqongqotjhe wezokuThutha uFikile Mbalula uvule amaziko wamalayisense wakwa-RTMC e-Midrand ne-Eco Park  nyakenye, ngenca yokusalela emva komsebenzi wokwenza nokuvuselela amalayisense aphelelwe sikhathi, ngenca yeCOVID-19.                      I-Akhawundi yeLayisense yokuTjhayela yeKarada, eyona iphrintha/igadangisa amalayisense la, isebenza ubusuku nemini ukusunduza ukugadangiswa nokukhutjhwa kwamalayisense lawa begodu ikhamba kuhle ukuthi kuzakuthi kuphela inyanga kaMgwengweni ukube seyiyivale yoke indima ekusalelwe ngayo emva.                      I-RTMC ithi abantu bangahlola ku-inthanethi nange-SMS ukuthi amalayisense wabo selanendima engangani ngokulungiswa ngaphambi kobana baye  emaziko wamalayisense bayowathatha.
Lokhu-ke kungenziwa ngokubuza nge-SMS namkha ngokuhlola ngeinthanethi.  
Nawulandelela Ilayisense Yokutjhayela Nge-SMS
Umfakisibawo nakabuza ngelayisense yomtjhayeli angathumela inomboro yakhe kamazisi/ye-ID ngeSMS ku-33214.  Ngemva kwalokho uzakuthola enye yalama-SMS angenzasi:      
• Application received: The application was received, but has not yet been proces sed.
• Production queue: The card is still being processed and manufactured.
• Produced and ready for collection: The card will be ready for collection in  21 days. However, due to the high number of cards being processed, the RTMC advises you to wait 35 days before going to collect.
• Problem card: There is a problem with the produc tion of your card. Please return to the testing centre.
Nawubuza ngesibawo se-PrDP, sikhombela bona uthumele inomboro yakho kamazisi/ye-ID nge-SMS ku-44220.
Nawulandelela Ilayisense Yokutjhayela Ngeinthanethi
Ungalandelela nangeinthanethi simahla ukuthi isibawo sakho sijame njani.
• Vakatjhela i-inthanethi kuonline.natis.gov.za
• Yakha iphrofayili bese ungena ku-inthanethi.
• Qhwarhaza ubujamo  besibawo sakho kudashboard.
Labo amalayisensabo aphelelwe sikhathi hlangana kwakaNtaka 2020 noRhoboyi 2021, abaphundwe lilanga lokuvuselela lomhla wesi-05 kuMrhayili balimukiswa ukuthi bathole amalayisense wokutjhayela wesikhatjhana lokhuya nabenza iimbawo zokuvuselela amalayisense.
Nanyana amaziko weRTMC ahlala avuliwe ukusukela ngoMvulo ukuyokufika kuSondo ukusukela nge-awa le-7 ekuseni ukuyokufika nge-awa le-9 ebusuku, umphakathi ukhuthazwa ukuthi usizakale ngemijeje emifitjhani eba ngaboLesihlanu nangepelaveke.
