Ijima i-Operation Vulindlela Lihlahla Indlela Yokukhulisa Umnotho

Vukuzenzele Unnamed

Umnotho weSewula Afrika, njengewamanye amazwe, angeze wasebenza, namkha ukhule, ngaphandle kwamathungelelwano wamabubulo asebenze kuhle nangepumelelo. Amabubulo la – okufaka hlangana igezi, amanzi, iinthuthi nezokuthintana – amithambo yokukhambisa umnotho.
Iinkinga zomthangalasisekelo kilemikhakha sekukade zatshwaywa njengeenqabo zokukhula komnotho weSewula Afrika. Ubutjhapha kezamasebenzo neendleko eziphakemeko zezenzelwa zethintanoliqha kuqaba amahlelo wokuvula amabubulo ngelizweni lekhethu.
Ukuze kuqalanwe neentjhijilwezi, sahloma ijima iOperation Vulindlela ngoSewula wee-2020 njengomzamo we-Ofisi kaMengameli neweZiko leeMali leliZweloke ukurhabisa amatjhuguluko kilemithangalasisekelo yamabubulo. Nanyana iminyango namabubulo karhulumende athintekako adosa phambili ngamatjhuguluko la, ijima iOperation Vulindlela litjheja belitshwaye iintjhijilo neenqabo. Lapho kutlhogeka khona, lisiza iminyango ngesekelo lobuqharhaqharha.
Umbiko wamhlapha wekota uhlathulula iragelophambili esele yenziwe lijima iOperation Vulindlela  neminyango ethintekako ngamatjhuguluko la.
Kurhulumende ngokuphelela kwakhe, umnqopho wethu usematjhugulukweni aqakathekileko naletha  umehluko; layo abumba indlela umnotho welizwe lekhethu osebenza ngayo.
Lokhu kufaka hlangana ukuthengiswa efandisini kwethungelelwano lezinga eliphezulu lezokuthintana, okwariyada ngeminyaka engaphezu kelitjhumi kodwana kwaphethwa ngoNtaka. Ukukhutjhwa kwethungelelwano lezokuthintana kuzokuthuthukisa ukuthintana kwehlise neendleko zokurhatjha ngommoya.
Ukuhlonywa nyakenye kweBandla eliLawula amaDoyelo leliZweloke njengebubulwana elizijameleko le-Transnet kuriyade ngeminyaka engaphezu keli-15. Leli bekuligadango lokuthoma elifaneleko ukusiza amabubulo wangeqadi ukuzibandakanya nokukhulisa ukusebenza ngefanelo kwamatheminali wamadoyelo wethu.
Sivuselela godu ihlelo iBlue Drop, iGreen Drop neleNo Drop system okungekokuthoma ukusukela ngomnyaka wee-2014 ukuqinisekisa ukutjheji-siswa ukuhlolwa ngefanelo kwekhwalithi yokuhlwengiswa kwamanzi. Sikhuphele emphakathini irhelo iCritical Skills List, nakho okungekokuthoma ukusukela ngomnyaka wee-2014.
Lezi ziimbonelo lapho, ngokunqophisisa kumatjhuguluko amaQalontanzi, lelihlandla lombuso elikghone ukuletha ngalo iragelophambili.
Ngejima iOperation  Vulindlela, sikghonile ukusebenzisa indlela yokwenza enqophileko yokuletha amatjhuguluko, Ukuqinisekisa Ukusebenzisana ngokuhlanganyela okungcono lapho iminyango ehlukahlukileko namabubulo athinteka khona.
Isibonelo esihle salomkhakha wezamandla, lapho isibalo esithile samatjhuguluko aqakathekileko kuragwa nawo ukutjhugulula indlela esiphehla nesisebenzisa ngayo igezi.
Ipumelelo ifaka hlangana ukukhuliswa kwesibalo samalayisensi wamaphrojekthi amatjha wokuphehla igezi ukufikela kumaMamegaWatsi ali-100,  okuvumela amaphrojekthi la ukuhlanganyela kusiphehligezi selizweloke nokuthengisela umphakathi igezi. Sivuselele iHlelo elizijameleko lokuThenga nokuKhiqiza iGezi ngokuvulwa kwethuba lokukhangisa elitjha.
Amatjhuguluko wemileyo mayelana nekghonakalo etja yokuphehla igezi avumele abomasipala ukuzithengela igezi ngokwabo okungekokuthoma. Ama tjhuguluko wezomthetho azokuvulela imakethe etja yokuphalisana ngokuthengisa igezi, okusekelwa kukhutjhwa komThethomlingwa wokuLawulwa kweGezi.
Umsebenzi wokutlharulula i-Eskom uyaraga, lapho ibubulweli lizokufikelela isikhathi esabekwako sikaNobayeni wee-2021 sokuHloma iKhampani yokuPhakela iGezi yeliZweloke. NgoNobayeni wanonyaka, sithemba ukuthi kuzabe sekutlharululwe amaphiko we-Eskom wokuphehla nokusabalalisa igezi.
Umbiko wekota utshwaya ipumelelo eqakathekileko, kunye neengcenyana lapho umsebenzi ongeneleleko usaraga khona.
Emkhakheni wamanzi, ijima iOperation Vulindle la gade inikela isekelo lezobuqharhaqharha emNyangweni wezaManzi nokuHlwengisa ukuletha isikhathi sokusebenza kweqhinga ngokunikelwa kwamalayisensi wokusetjenziswa kwamanzi, ngomnqopho wokutjheja iimbawo ezima-80% ngamalanga ama-90.
Uyaraga umsebenzi wokuhloma i-Ejensi yeenSetjenziswa zaManzi yeliZweloke ezokuqinisekisa ukuphathwa ngcono kwamanzi elizweni lokeKezeenthuthi, ukusebenza butjhapha emadoyelweni nemizileni yeentimela kuthinte khulu ikghono lethu lokuthumela ipahla ngaphandle kwemikhawulo. Umsebenzi uyaraga netjhebiswano namabubulo wangeqadi ukusisa kumthangalasisekelo wokuthuthukisa ukuphathwa kwamatheminali weemumathi edoyelweni le-Durban neleNgqura.
IPhephamibono lomThethomgomo wesiPoro, elavunyelwa yiKhabinethi ngoNtaka, lihlathulula amaqhinga wokuvuselela umthangalasisekelo wesiporo nokusiza amanye amakhampani ukufikelela ithungelelwano lemithwalo ekhanjiswa ngeentimela. Ikambiso yesiPoro sesiTimela semiThwalo se-Transnet isebujameni bokuvula amathuba wamakhampani azijameleko ukungena kilelithungelelwano.
Irherho elizeleko lokuse benza ie-Visa lihlonywe emazweni ali-14, kufaka hlangana kamanye athandwa ziimvakatjhi.
Ukubuyekeza okupheleleko kwerherho ie-Visa liyaraga ukusisiza ukukhanga amakghono atlhogwa mnotho welizwe lekhethu.
Amatjhuguluko la aphunyeleliswe kusebenzisana ngcono hlangana kwemikhakha karhulumende ngehlelo lamatjhuguluko elinqotjhiweko.
Sikhombela abasisi namabhizinisi bona bazibandakanye ematjhugulukweni aragako batjhugululele iinthembiso nokusisa kwabo ebujameni bokuvula imisebenzi.