Luhlelo lwekudla esikolweni lucinisekisa kutsi bantfwana abalambi

Vukuzenzele Unnamed

Bantfwana labangetulu kwetigidzi letiyimfica batfola kudla lokunemsoco esikolweni ngenca yeLuhlelo Lwahulumende Lekudla Etikolweni Tavelonkhe (i-NSNP), lolwacala kusebenta ngemnyaka we-1994.
Loluhlelo luhlose kutfutfukisa likhono lebantfwana lekufundza, ngekunciphisa indlala nekungondleki kahle naseku khuliseni kuta esikoleni, kakhulu  etikolweni lebetincishwe ema tfuba.
“Loluhlelo lumcoka ekuchubekiseni emalungelo ebafundzi lakumtsetfosisekelo ekutfola kudla lokusisekelo newekutfola imfundvo lesisekelo,” kuchaza Lisekela Lendvuna Yemfundvo Lesisekelo Dkt Reginah Mhaule.
Ngenca yale-NSNP, banyenti bantfwana labaya ngesikhatsi esikolweni futsi labaya njalo esikolweni, futsi kugcila kwengcondvo etifundvweni kuyatfutfuka.
Ngekuya kweLitiko Lete mfundvo Lesisekelo (i-DBE) bafundzi bafundziswa kudla kahle kanye nangendlela yeku phila lekahle.
Tikolwa futsi tiyagcugcutelwa kutsi titisungulele tingadze tato tekudla kute tingete kulokudla kwe-NSNP. Bafundzi, bothi  shela nebatali bayafundziswa kutsi batilimele kudla kwabo.
Imiklomela ye-NSNP 
Sikolwa semabanga laphasi i-Thabang Primary School saseBethlehem, singulesinye setikolwa lesizuzako ku-NSNP.
Lesikolwa sisandza kuwina Umklomela We-NSNP Wesi kolwa Lesihamba Embili.
Lemiklomela ibungata luhlelo lwekudla lwetikolo ngekubuka kuhlanteka netekuphepha, kudla lokunemsoco, tingadze tekudla netemfundvo yetekudla.
“Ngibonga kakhulu kutsi lesikolwa siwine lomklomelo,” kusho Seyanokeng Sejake, longuThishelanhloko we-Thabang Primary School kuleminyaka lema-24 leyengcile.
Sikolo i-Thabang Primary School besisebentisa loluhlelo lwetekudla kusukela nge mnyaka we-1994. Namuhla, sicinisekisa kutsi bafundzi baso laba-1 065 batfola sidlo sasekuseni lesinemphilo onkhe malanga kubosomabhizinisi balendzawo.
Lokudla kuphekwa malunga emmango langasebenti, lacashwe ngumtimba Lolawula Sikolwa (i-SGB).
“Bantfu labasitfupha labatinikele kusebenta ngalokudla (ema-VFH) benta lokudla lokuvela kuLitiko Letemfundvo ngekusebentisa lwabiwomali lwalesikolwa,” kusho Sejake.
Ngilelo nalelo-VHF litfola inkhokhelo ngekupheka lokudla.
Sikolo i-Thabang Primary School sahamba embili kulomci  mbi wekuklonyeliswa ngenca yekusebenta ngekutikhandla nekutibophelela kwe-SGB, kwelicembu leliphetse kanye nekuba nekomiti ye-NSNP lesebentako, kusho Sejake.
“Kugcina sikhatsi yintfo lelandzelwa njalo. Asivumi kutsi kube nalabalovako, bangenaso sizatfu lesivakalako, futsi site bafundzi labayekela sikolwa. Kugcila kwetindco ndvo kwebafundzi betfu kanye nekusebenta kwabo jikelele nako kunyukile,” wangeta washo njalo lomake.
Njengoba umklomelo wekuwina kulikhishi lelisezingeni lelisetulu lelakhiwa yi-Tiger Brands Foundation, loluhlelo lwekudla lwesikolo lwentiwe kutsi lube ngulelincono.
Lesikolo futsi sicinisekisa kutsi kunekudla lokwanele lekulawulwa kahle, kucinisekisa kutsi kuhlala kunekudla lokwanele kuloluhlelo.
“Sibonelo, sinengadze yekudla lesiphakela ngemifino kute si ngete kulolwabiwo lwe-NSPN,” kusho Sejake.
Labatfole Imiklomelo
Kulesigaba, Sikolo i-Grootdrink Intermediate, lesiseSigodzini iMgcawu eNyakatfo neKapa, satsatsa indzawo yesibili; kwatsi Sikolwa Semabanga Laphasi i-Aaron Gqedu Primary School, lesise-Nelson Mandela Bay eMpumalanga Kapa, sona satsatsa indzawo yesitsatfu.
Batawutfola imphahla yasekhishini levela kuLitiko Letemfundvo Lesisekelo.
Umklomelo weSigodzi Lesihamba Embili watsatfwa yiUmzinyathi (KwaZulu-Natal).
Sigodzi I-ZF Mgcawu (eNyakatfo Kapa) satsatsa indzawo yesibili kwatsi i-Metro North (eNshonalanga Kapa) yona yatsatsa indzawo yesitsatfu.
Sigodzi ngasinye saklonyeli swa ngemphahla yasehhovisi neyekhompuyutha.
Ngemnyaka we-2021, i-NSNP yaphekela bantfwana kudla etikolweni leti-21 189.