Zwa u fheliswa ha Tshiimo tsha Tshiwo zwi tsini fhano Afrika Tshipembe

Vukuzenzele Unnamed

Phresidennde Vho Cyril Ramaphosa vha kha ḓi tou bva u  ḓivhadza kha Mulaedza wavho wa nga ha Tshiimo tsha Lushaka (SoNA) wa ṅwaha wa 2022 zwauri muvhuso wo dzudzanya zwa u fhelisa Tshiimo tsha Tshiwo tsha Lushaka musi shango ḽi tshi khou dzhena kha luṱa luswa kha ndango ya dwadze ḽa Coronavairasi (COVID-19). “Ri na muhumbu lo wa u fhelisa Tshiimo tsha Tshiwo tsha Lushaka musi ri tshi tou fhedza u khunyeledza maṅwe maga nga fhasi ha Mulayo wa Mutakalo wa Lushaka khathihi na miṅwe milayo u itela u langa dwadze iḽi”, Phre sidennde vho amba ngauralo.
Nga ḽa 15 Thafamuhwe 2020, Phresidennde Vho Ramaphosa vho ḓivhadza nga ha Tshiimo tsha Tshiwo tsha Lushaka u ya nga Mulayo wa Ndaulo ya Tshiwo he vha ḓivhadza maga o vhalaho a u langa uhu u ṱaha ha dwadze ḽa COVID-19.
Phresidennde Vho Rama phosa vho amba uri vhunzhi ha nyiledzo dza zwa ikonomi na vhuṱambo ha zwa matshilisano dzo no fheli swa u swika zwino, hune khazwo ra livhuwa zwihulu mbekanyamushu mo ya u ṋetshedzwa ha muhaelo.  Vho humbudza vhadzulapo zwauri khaelo ndi dzone philelo ya khwiṋesa kha u lwa na vhulwadze, lufu na COVID-19 ye ya dzhia matshilo ane a nga swika 100 000 fhano kha shango ḽashu.
 “Ndo ḓi dzulela u amba u bva kha zwe nda ṱangana nazwo uri arali ndo vha ndi songo haelwa nga ṅwedzi wa Nyendavhusiku musi ndo kavhiwa nga COVID19, khamusi ndo vha ndi tshi ḓo vha ndi songo ima hafha ṋamusi”, vha amba ngauralo musi vha tshi humbula zwa murahu.
Phresidennde vho ḓiṋea tshifhinga tsha u ṱuṱuwedza vhadzulapo vha Afrika Tshipembe uri vha dzhie muhaelo u vhulungaho matshilo khathihi na u bvela phanḓa na u tevhedza maga a fhasisa a mutakalo nahone vha dzulele u vha na ṱhogomelo. “Ri ḓo kona u bvela phanḓa na matshilo ashu naho vairasi iyi i tshi kha ḓi vha hone vhukati hashu, “ vho amba ngauralo vha tshi dovha hafhu vha ḓadzisa nga ḽa uri dwadze iḽi ḽo ṋaṋisa tshikhala vhukati ha avho vha no shuma na avho vha si na mishumo”.
Tshikwama tsha Vhuthihi
Phresidennde Vho Rama phosa vho ḓivhadza zwauri Tshikwama tsha Vhuthihi tsho kuvhangaya masheleni a fhiraho R3.4 biḽioni yo bvaho kha vhathu vha Afrika Tshipembe vha fhiraho 300 000 na kha dzikhamphani, ngeno vhathu vha fhiraho 400 na khamphani dza 100 vho ṋetshedza tshifhinga na tshumelo dzavho nga mahala.
“Tshikwama tsho ita mushumo muhulwane vhukuma kha u tikedza maga a zwa mutakalo wa lushaka na u fhungudza tshiwo tshi kwamaho vhathu tshe tsha vha tsho wela shango ḽashu na vhathu vhashu”.
Vho livhuwa muṅwe na muṅwe we a shela mulenzhe kha tshikwama, hu tshi katelwa na miṅwe Miraḓo ya Phalamennde khathihi na maṅwe maga a u tikedza avho vhe vha kwamea nga dwadze.
Phresidennde vho dovha hafhu vha livhisa ndivhuwo kha vhashumi vha ndondolamutakalo na avho vhane vha tou shuma vho livhanan nazwo  vhe vha shuma mu shumo muhulwane vhukuma kha nndwa ya u lwa na dwadze ḽa COVID-19.
“Lushaka lu koloda zwihu lwane u isa ndivhuwo dza lwo kha vhashumi vha mutakalo vho ḓiṋetshedzelaho vhukuma khathihi na kha vhaṅwe vhashumi vhane vha tou shuma vho livhanan nazwo vhe vha vhea mitakalo  na matshilo avho  khomboni vha tshi itela u ṱhogomela avho vhe vha vha vha tshi khou lwala vhukuma khathihi na avho vha songo tsireledzeaho nga tshene tshi tshifhinga”, vho amba ngauralo  – SAnews.gov.za