Ditirelo le tlhahlo ya mahala tša dikgwebo

Vukuzenzele Unnamed

Makala a mararo a mmušo a swaragane ka thata le go kgontšha gore kgwebo e dirwe bonolo ka Afrika Borwa go godiša ikonomi.
Kopano ya malobanyana ya Vuk Talks , ye e bego e swerwe ke lekala la Dikgokagano tša Mmušo le Mekgwa ya Tshedi  mošo, ya go dirwa ka intha nete e swerwe go kwala kwatša temošo ya taelo, di pholisi le ditirelo tša go abja ke Khomišene ya Thoto ya Kelelo le Dikhamphani (CIPC), Kgorotsheko ya Dikha  mphani (CT) le Khomišene ya Matlafatšo ya Ikonomi ya Bathobaso ka Kakaretšo (B-BBEE). Makala a ka moka ke a Kgoro ya Kgwebišano, Intasteri le Phadišano.
Go ya ka Ofentse Shakung, Molaodi wa Boihlamelo le Tšhomišano wa CIPC le Molaodimogolo wa E-Learni  ng, CIPC e na le mešomo ya go fapana, go akaretšwa ngwadišo ya dikhamphani, dikgwebo tša mohlakanelwa le ditokelo tša thoto ya kelelo (maswao a kgwebo, dipa tente, meakanyetšo le ditokelo tša ngwalollo).
CIPC e tšweleditše polatefomo ya yona ya BizPortal ya go aba ngwadišo ya dikha mphani ka onelaene le ditire lo tše di amegago go nolofatša tshepedišo ya go ngwa diša kgwebo le go latela di nyakwa.
BizPortal e fa bao ba nya kago go thoma kgwebo lefelo le letee la go aba tshedimošo ka  moka go ngwadiša khamphani, go ngwadišetša motšhelo, go ngwadiša leina la wepsaete ya kgwebo, go dira kgopelo ya setifikeiti sa B-BBEE, go ngwadišetša Sekhwama sa Phumulameokgo ya Dikgobalo tša Mošomong le Sekhwama sa Inšorentshe ya go Felelwa ke Mošomo, le go bula akhaonte ya panka ya kgwebo.
“Ke tshepedišo ya go se šomiše pampiri gomme khamphani e tla ngwadišwa mo letšatšing le le tee morago ga go dira kgopelo. Gape re okeditše ditirelo tša kgwebo  tša Google, yeo e kgontšhago dikhamphani go swara pro faele ya kgwebo le wepsaete ya khamphani ye e sa fetogego mo go Google mahala,” go boletše Shakung.
Go šomiša ditirelo tše, etela www.bizportal.gov.za gomme o kgotle ‘register’ wepsaeteng yeo. Go bonolo go šomiša phothale gape e fa tshedimošo ya kgato ka kgato mabapi le ka fao kgwebo e ngwadišwago.
Tlhahlo ya mahala
Gape CIPC malobanyana e thakgotše polatefomo ya tlhahlo ya onelaene ya mahala ye e bitšwago Learn-iBiz go thuša borakgwebo le balaodibagolo ba kgwebo ye nyane, ya magareng le ye nyanenyane go aga bokgoni bja bona go sepetša dikgwebo tše di atlegago, mola di kgo nthiša gore di latela dinya  kwa tša semolao.
“Polatefomo ke pukutlhahli ya ditšitale gomme e akaretša dithutwana tša bideo tša wo mongwe le wo mongwe wa dimotšule tše šupa,” go boletše Shakung.
Dimotšule di akaretša tlha hlo ka ga seo khamphani le Molaodimogolo di lego sona,  batho ba bohlokwa ka gare ga khamphani, maikarabelo a molaodimogolo, dikgahle  go tša motho go tša matlo  tlo le thulano ya dikgahlego, moputso wa balaodibagolo le dikabelano le boto ya balaodi bagolo.
Go ngwadišetša tlhahlo, etela www.elearning@cipc.co.za.
Kgorotsheko ya Dikhamphani 
Ngaka Mohammed Chicktay, Modulasetulo wa CT, o hlalositše gore lekala le thuša go fa tharollo ya ka pela go diphapang tša khamphani, tša go amana le dikgopelo le dingongorego tša go dirwa go ya ka Molao wa Dikha mphani wa 71 wa 2008.
Diphapang tše di akaretša tša go amana le maina a khamphani, maemo a bolaodi le tokollo kgahlanong le go hloma dikomiti tša leago le maitshwaro. Gape di seka seka ditsebišo tša kobamelo ye e ntšhitšwego ke CIPC, ya go amana le dikatološo tša nako gore go beaka  nywe ditatamente tša matlo tlo tša ngwaga ka ngwaga le go swara dikopano tša kakaretšo tša ngwaga ka ngwaga.
“CT e šogana le dikgopelo tša go fapana. Nakong ya  COVID-19, mohlala, re amogetše dikgopelo tše ntši tša katološo ya letšatšikgwedi la go swara kopano ya kakaretšo ya ngwaga ka ngwaga,” go boletše Chicktay.
Tirelo ye nngwe ya mahala ye e abjago ke CT ke tharo  llo ya diphapang. Motho a ka tliša taba gore e rarollwe ka bolamodi, poelanyo goba boahlodi, ka bjako ka go kgetha go ya kgorotsheko. CT e šoma bjalo ka mophethagatši gare ga bakgathatema.  “CT e hlohleletša tšhomi šo ya bolamodi go boloka mešomo, kudu nakong ya COVID-19, gomme batho ba swanela go thoma go e šomiša kudu,” go boletše Chicktay.
Go hwetša tshedimošo mabapi le ditire lo tša go abja ke CT, etela www.companiestribunal.org.za
Khomišene ya  B-BBEE
Go ya ka Lindiwe Mado nsela, Molaodimogolo wa Kobamelo, taelo ya lekala ke go laola, go hlokomela le go kwalakwatša tatelo ya Molao wa B-BBEE wa 46 wa 2013.
Gape e nyakišiša mekgwa ya go forantiša; e na le maikemišetšo a go oketša tsebo le kwalakwatšo ya temošo ya setšhaba mabapi le B-BBEE, ka go phethagatša thuto le magato a temošo; le go eletša setšhaba.
Motho mang le mang yoo a gononwago goba a lemogago go tshelwa ga Molao, go swana le fao bathobaso ba šomišwago bjalo ka bafora  ntišwa go fihlelela dintlha tša B-BBEE, a ka bega ngongore go khomišeneng.
Mohlala, bašomi ka gare ga lekala ba ka lemoga gore lekala le šomiša forantišo ka go laetša bathobaso bjalo ka bengdišere goba baetapele ba bagolo, mola go se bjalo, go boletše Madonsela.