Letšatši la mafelelo la go dira dikgopelo tša thekgo ya NSFAS le a batamela

Sphelele Ngubane 

Baithuti le bafsa go tšwa malapeng a go hloka le ba a go gola megolo ya fase ba hlohlele tšwa go dira dikgopelo tša thekgo go Setlamo sa Thušo ya Ditšhelete tša Thuto sa Setšhaba (NSFAS).
Go ya ka Kgoro ya Thuto ya Godimo le Tlhahlo, thekgo ya NSFAS e hwetšwa ke baithuti bao ba šetšego ba feditše sekolo goba ba šetše ba ithuta legatong le lengwe le le lengwe institušeneng ya thuto ya godimo.
Ba ka dira kgopelo ya thekgo go NSFAS go ithuta yunibesithing ya mmušo goba kholetšheng ya go ithutela tša theknolotši le mešomo ya diatla (TVET), eupša ba swanetše go dira seo pele ga letšatšikgwedi la go tswalela ka la 7 Pherekgong, 2022. 
Bakgopedi ba swanetše go ba: 
• Badudi ba Afrika Borwa goba badudi ba go ya go ile bao ba nyakago go ngwadiša goba ba šetše ba ithuta yunibesithing ya mmušo goba khole tšheng ya TVET; 
• Bao e bego e le baamogedi ba mphiwafela wa Mokgatlo wa Tšhireletšo ya Leago wa Afrika Borwa; 
• Ba etšwa lapeng leo letseno la bona ge le hlakane le sa fetego R350 000 ka ngwaga.
Bokamoso bja go phadima
Nhlakanipho Mkhize (26) ke ramehlagase yo a dumeletšwego, re leboga thekgo ya NSFAS yeo e lefetšego dithuto tša gagwe mo Umfolozi TVET College ka KwaZulu-Natal.
Mkhize, go tšwa Richards Bay, o hweditše National Certificate (Vocational) Electri cal Infrastructure Construction ka 2017.
Go tlaleletša go ithuta ka khamphaseng, o ile a swanela ke go dira tlhahlo ya mošomong gomme a tšwelele go teko ya mošomo.
Mathomong mo dithutong tša gagwe, Mkhize o bile le sebaka sa go diriša seo a ithutilego sona mošomong, a kgonthiša gore o ba le boi tshepo ka mabokgoni a motheo ao a ithutago.
“Bjalo ka moithuti wa ngwaga wa mathomo, ke be ke šetše ke lokišana le mathata a mohlagase mo setšhabeng sa gešo. Umfolozi TVET College e re file bobedi teori le tirišo.
“Kholego yeo baithuti ba TVET ba nago le yona ga se fela maitemogelo, eupša  gape ke karolo ya kgapeletšo ya go ithuta mošomo lefelong la mošomo go kgonthiša gore ba na le bokgoni pele ba amogela mangwalo a bona a thuto,” a realo.
Go swana le bafsa ba bantši ba maAfrika Borwa bao ba tšwago malapeng a go hloka, Mkhize o tsebile gore o nyaka go latela mošomo wa boentšenere, eupša go be go se na yo a ka kgonago go mo lefela ditefo tša kholetšheng ka lapeng la gabo.
“Ge ke se na go tseba ka thekgo ya NSFAS, ke ile ka tseba gore e tla nkiša moo ke nyakago go ya gona – go ba moentšenere,” a realo.
Thekgo ya NSFAS ya Mkhize ya mengwaga ye meraro e lefetše dipuku, dithuto le senamelwa, gomme o amogetše tšhelete ya go ithekela tša go hlokomela mmele.