U swikisa mbilahelo kha GEPF zwazwino zwo no leluwa

vukuzenzele unnamed

Miraḓo, vhano thi khathihi na vhathu  vhane vha wana mbuelo u bva kha Tshikwama tsha Phe ntsheni tsha Vhashumeli Vha Muvhuso (GEPF) zwa zwino hu na hune vha nga wana hone thuso arali vha sa khou fushea nga tshu melo ine vha khou i wana.
U itela u vhona uri miraḓo ya GEPF na vha miṱa yavho vha khou farwa zwavhuḓi, bodo yo ḓo vula ofisi ine ya ḓo sedzana na mbilahelo. Mulamukanyi wa  Phentsheni dza Vhashu meli vha Muvhuso (GEPO) ndi ofisi ya nga ngomu fhedzi yo ḓiimisaho nga yoṱhe ya GEPF.
GEPF ndi tshiṅwe tsha zwikwama zwa phentsheni zwihulwanesa ḽifhasini tshine tsha vha na miraḓo i fhiraho 1.2  miḽioni khathihi na vhano thi hu tshi katelwa na vhaḽaifa vha linganaho 450 000. Tshi kwama itshi tsho thomiwa na u langwa u ya nga Mulayo wa Phentsheni dza Vhashumeli vha Muvhuso.
Muambeli Vho Makhado Ramabulana vho tholwa sa vhone Mulamukanyi. Vho amba uri ofisi iyo yo itelwa u thusa vhathu vhane a vha khou takadzwa nga tshumelo dza GEPF.
I ḓo vhuedza vhathu vhane vha sa kone u swikela mba delo dza thuso ya zwa mulayo.
Phanḓa ha musi vhathu vha tshi swikisa mbilahelo dzavho kha Ofisi ya Mutsireledzi wa Tshitshavha kana khothe, vha nga humbela u wana thuso ya vhulamukanyi kha ofisi iyi ya Mulamukanyi.
Ofisi ya Mulamukanyi i ḓo dzhenelela kha mafhungo ane a itisa uri hu vhe na tshi lengo kha u dzudzanywa ha mbadelo dzine dza khou tea u badelwa kha vhaiti vha mbilo dzenedzo. Ofisi iyi i nga dzhe nelela fhedzi kha mbilahelo dze dza vha hone kha tshif hinga tsha miṅwaha miraru yo fhiraho.
Maṅwe mafhungo ane a wela nga fhasi ha ofisi ya GEPO a katela:
• U kundelwa ha vha ofisiri u ita mushumo wavho u ya nga milayo na maitele a Tshi kwama; 
• U sa sumbedza vhu ḓikumedzeli ho teaho ngeno hu si na tshiitisi tshi pfalaho, khathihi na • Mafhungo ane a si vhe one kana a kanganyi saho e a ṋetshedzwa nga mushumeli wa GEPF.
Phanḓa ha musi vha tshi swikisa mbilahelo kha GEPO, vha tea u rumela mbilahelo nga u tou ṅwala kha GEPF, Zhendedzi ḽa Ndangulo ya Phentsheni ya Muvhuso (GPAA) kana kha mutholi wavho, vha vha ṋee tshifhinga tsha uri vha tandulule thaidzo yavho.
“Vha tea u vha ṋea maḓuvha a 30 u tandulula thaidzo yavho ye vha i sumbedzisa. Arali, nga murahu ha maḓuvha a 30, mbilahelo dzavho dza vha dzi sathu tandululea, vha nga konaha u swikisa mbilahelo kha ofisi ya Mulamukanyi,” hu ṱalutshedza Vho Ramabulana.
Ofisi ya Mulamukanyi i nga si kone u ṱanganedza mulandu arali ho no vha na dziṅwe ṱhoḓisiso dzi re kati huṅwe fhethu.
Nga murahu ha vhege mbili u bva ḓuvha ḽe mbilahelo ya ṱanganedzwa ngaḽo, GEPO i ḓo dzhia mulandu ya kona u ḓivhadza uyo muvhigi wawo arali i tshi nga kona u bvela phanḓa na ṱhoḓisiso khathihi na u ṋea khaṱhulo kha fhungo ḽeneḽo.
Arali ofisi ya Mulamukanyi i tshi nga hana u ṱoḓisisa mbilahelo, muvhigi wa mbi lahelo yeneyo a nga konaha u ṅwalela ofisi ya GEPO hu sa athu fhela maḓuvha a 21 a tshi ṋea na mbuno dza uri ndi ngani a tshi vhona uri mbilahelo iyo i wela kha vhuḓifhinduleli ha GEPO. 


