Go tliša dingongorego go GEPF go nolofaditšwe

vukuzenzele unnamed

Maloko, bašomi bao ba tšwelego phenšene le ba holegi ba Sekhwama sa Phenšene sa Bašomi ba Mmušo (GEPF) bjale ba na le mo ba ka llelago gona ge e le gore ga se ba thabišwa ke tirelo ye ba e hwetšago.
Go netefatša gore maloko a GEPF le ba malapa a bona ba swarwa gabotse, lekgotlataolo mo nakong ye e sa tšwago go feta le sa tšwa go hloma kantoro ya go rarolla dingongo rego. Maditsela wa Phenšene ya Bašomi ba Mmušo (GEPO) ke kantoro ya ka gare yeo e ikemego ya GEPF.
GEPF ke ye nngwe ya di khwama tša phenšene tše kgolo kudu mo lefaseng, gomme yona e na le maloko a go feta a 1.2 milione le batho bao ba tšwelego phenšene le baholegi ba go feta ba  450 000. Sekhwama se hlo -milwe le go laolwa ka go latela Molao wa Phenšene ya Bašomi ba Mmušo.
Moatbokheiti Makhado Ramabulana o thwetšwe bjalo ka Maditsela wa Sekhwama sa Phenšene. O bolela gore ka ntoro ye e hlomilwe go thuša batho bao ba sego ba thabišwa ke ditirelo tša GEPF.
E tla ba mohola kudu go batho bao ba sa kgonego go lefela baemedi ba molao. Pele ga ge batho ba ka iša dingo ngorego tša bona go Kantoro ya Mošireletši wa Setšhaba goba go dikgorotsheko, ba ka kgopela go hwetša bonamodi go Maditsela wa Sekhwama sa Phenšene.
Maditsela wa Sekhwama sa Phenšene o tla tsena gare merero yeo ditefelo di dite legago go lefelwa ka lebaka la mabaka a a sa kwagalego.
O kgona go namola fela go dingongorego tšeo di diri lwego mo mengwageng ye e fetilego ye meraro.
Merero ye mengwe yeo e šongwago ke GEPO e akaretša:
• Go palelwa ga bahla nkedi go dira mešomo ya bona go latela molao le melawana ya Sekhwa ma; 
• Go se phethagatše tumelelano ka ntle le go fa lebaka leo le kwagalago le; • Tshedimošo ye e phošagetšego goba yeo e timetšago batho yeo e fiwago ke bašomi ba GEPF.
Pele ga ge a ka tliša ngonngo rego go GEPO, motho o swanetše go romela ngongo rego ye e ngwadilwego go GEPF, go Setheotshepedišo sa Diphenšene tša  Mmušo (GPAA) goba go mongmošomo wa gagwe, a mo fe sebaka sa go rarolla bothata bjoo.
“O swanetše go ba fa matšatši a 30 go phošolla phošo ye o e bonego. Ge, ka morago ga matšatši a 30, bothata bja gago bo tšwela pele go se rarollwe, o ka romela ngongorego ya gago go Maditsela,” gwa hlaloša Ramabulana.
Maditsela a ka se amogele taba yeo ge e le gore go šetše go na le diphatišišo tša semmušo tšeo di dirwago go gongwe mabapi le yona.
“Mo dibekeng tše pedi go tloga ka letšatšikgwedi leo ngongorego e amogetšwego ka lona, GEPO e tla šoma [taba yeo] gomme ya tsebiša mongo ngoregi ge eba e tla kgona go dira diphatišišo le go tšea sephetho ka ga taba yeo.”Ge Mmaditsela a ka gana go dira diphatišišo ka ga ngo ngorego yeo, mongongoregi a ka ngwalela kantoro ya GEPO mo matšatšing a 21 gomme a fa mabaka a gore ke ka lebaka la eng a dumela gore ngongorego yeo e wela ka fase ga mošomo wo o filwego GEPO.  



