
Vha thanyele vhatshinyi vha zwa vhudzekani phanḓa ha u thola vhashumi vha u ṱhogomela vhana na avho vha re na vhuholefhali ha ngelekanyo.

Sphelele Ngubane

KHA VHA ṰOLE Ridzhisiṱara ya Lushaka ya Vhatshinyi vha zwa Vhudzekani phanḓa ha u thola vhashumi vha u ṱhogomela vhana na avho vha re na vhuholefhali ha ngelekanyo.
Arali vha mutholi ane a tshimbidza senthara ya mveledziso ya nyaluwo ya ṅwa na vhuhanani, vha muṅwe wa vhathu vhane nga mulayo vha tea u sedzulusa arali vhashumi vhavho vha kha Ridzhisiṱara ya Lushaka ya Vhatshinyi vha zwa Vhudzekani (NRSO).
NRSO i wela nga fhasi ha Muhasho wa zwa Vhulamukanyi na Mveledziso ya Ndayotewa nahone vhatholi vha tea u sedza arali vhathu vhane vha khou ṱoḓa u vha thola vha kha mutevhe.
Mutholi u dovha a katela mubebi ane a khou ṱoḓa u thola muthusi wa nḓuni, kha khorombusi ya tshikolo kana vhuongeloni. NRSO yo tho-miwa nga Mulayo wa Phala-mennde nga 2007.Ndi rekhodo ya madzina a avho vho wanalaho vhe na milandu ya vhutshinyi ha  zwa vhudzekani kha vhana  na vhathu vha re na vhuhole fhali ha ngelekanyo.Vho Ntombizodwa Matjila, Muṅwalisi wa NRSO, vha ri ridzhisiṱara i na madzina a vhatshinyi vha vhanna na vha vhafumakadzi.Vhathu avha ndi vho itaho vhutshinyi kha vhana na vhathu vha re na vhuholefhali  ha ngelekanyo vhu fanaho na; 
• U ita zwa vhudzekani kana u binya ṅwana; • U kombetshedza kana u ita uri vhana vha lavhelese zwi ito zwa vhutshinyi ha zwa vhudzekani,• Nyito dza zwa vhudzekani; 
• U fhura ṅwana u itela u ita zwa vhudzekani nae; 
• U ḓiḓowedza na ṅwana u itela u ita zwa vhudzekani nae; 
• U ṱana kana u vhonisa phonogirafi ya vhana (zwifanyiso na vidio zwa vhana vha songo ambaraho kana vha tshi khou binyiwa) kha vhana kana vhathu vha re na vhuholefhali ha ngelekanyo na u shumisa vhana kana vhathu vha re na vhuhole-fhali ha ngelekanyo u itela bveledza phonogirafi.
“Arali mutholi a wana uri dzina ḽa mutholiwa ḽi hone kha ridzhisiṱara, mutholi u tea u pfulusa mutholiwa onoyo a ya kha muṅwe mushumo une wa sa ḓo ita uri a vhe na vhukwamani na ṅwana kana mualuwa a re na vhuholefhali ha ngelekanyo” vha no ralo ndi Vho Matjila.
Arali mutholi a sa koni u pfulusa mutholiwa u ya kha muṅwe mushumo, vha tea u fhelisa khonṱhiraka yawe ya mushumo. Mafhungo a re kha NRSO a katela; 
• Madzina nga vhuḓalo na zwifani na madzina a miswaswo, phurofesheni kana mushumo zwa vhatshinyi; 
• Ḓiresi ya vhudzulo i ḓivheaho, zwidodombedzwa zwa vhukwamani, hu tshi katelwa ḓiresi ya poswo ya mutshinyi; 
• Nomboro dza bugundaula (ID) kana phasipoto dza vhatshinyi; 
• Lushaka lwa vhutshinyi ha zwa vhudzekani. Ridzhisiṱara a i vhoniwi nga nnyi na nnyi. I nga ṱolwa fhedzi nga vhatholi u itela u wana ṱhanziela dza khwaṱhisedzo dza avho vhane madzina avho a khou sedzuluswa.
Ndi mulandu u bvisela kha gala vhathuni mafhungo a re kha ridzhisiṱara.