Maga a Ṱhuṱhuwedzo ya Vhusikamishumo na Tsireledzo ya Mishumo zwa Muphuresidennde a bveledza tsiko ya mishumo

vukuzenzele unnamed

U rwelwa ṱari ha zwinozwino ha ḽiga ḽa vhuvhili ḽa Maga a Ṱhuṱhuwedzo ya Vhusikamishumo na Tsireledzo ya Mishumo zwa Muphuresidennde hu  imela mvelaphanḓa khu  lwane kha u lwela hashu u sika zwikhala zwa mishumo u itela vhadzulapo vha  Afrika Tshipembe vha si na mishumo.
Ro thoma maga a thuṱhu wedzo ya vhusikamishumo na tsireledzo ya mishumo zwa ṅwaha wo fhelaho nga u  sika zwikhala zwinzhi zwinzhi nga tshifhinga tshipfufhisa. Hezwi zwo ṱoḓa nḓila ntswa dzi bvele  dzaho dza u shuma u itela u thoma u shumisa mbekanya mushumo nga luvhilo lu songo ḓoweleaho na tshikalo tshi mangadzaho.
Maitele a u thola vhathu vhanzhi vhe vha vha vha sa shumi o shumisa pulatifomo dza dzidzhithala u swikelela vhadzheneli vho lugelaho vhanzhi. Sa tsumbo, vhora bulasi vhaṱuku vho kona u ita khumbelo ya thikhedzo nga kha USSD na u wana voutshara dza u wana tshu melo dza zwa vhulimi kha ṱhingothendeleki dzavho.
U bva tshe Muhasho wa Pfunzo dza u Mutheo wa vulela khumbelo dza mute vhe u tevhelaho wa vhathusi zwikoloni zwenezwino, vhaswa vha fhiraho 940 000 vho ita khumbelo nga kha pulatifomo dza u thola dzi sa badelwi dzi no pfi  SAYouth.mobi, zwine zwa vha tshipiḓa tsha Netiweke dza tikedza Vhaswa u wana gondo ḽa u dzhena kha zwa ikonomi.Tshumiso ya thekhinoḽodzhi ntswa kha u ṋea zwikhala zwa mishumo yo ita uri u thola zwi leluwe, zwi ṱavhanye na u vha  khagala.
Maga a Ṱhuṱhuwedzo ya Vhusikamishu mo na Tsireledzo ya Mi shumo zwa Muphuresi dennde o konisa na u le ludza tshumisano kha sekhithara ya muvhuso. Mbekanyamushumo dza kha ḽiga ḽa u thoma dzo shumiswa nga mihasho ya lushaka ya 11. Mishumo yayo yo konanywa u thi vhela ndovhololo na tshi nyalelo na u khwaṱhisedza u guda kha tshenzhemo dza vhaṅwe.
Maga a Ṱhuṱhuwedzo ya Vhusikamishumo na tsireledzo ya Mishumo o sumbedza ndeme ya tshumisano ya matshilisano. Muvhuso, mabindu, vhashumi na tshitshavha  tsha vhadzulapo vho ṱangana u itela u dzhenisa avho  vha sa shumi kha ikonomi.
Vhadzulapo vha Afrika Tshipembe vha fhiraho hafu ya miḽioni vho no vhuelwa kha ḽiga ḽa u thoma, hu tshi kha ḓi vha na mbekanyamushumo  dzo vhalaho dzine dza kha  ḓi ḓa. Vhadzheneli vho ṋewa tshikhala tsha u ḓitshelela, u guda zwikili zwiswa na u khwiṋisa zwine vha vha nazwo, na u shumisa tshe-nzhemo yavho sa muratho wa u wana muṅwe mushumo kana u ḓisikela mushumo.
Sa tsumbo, vhunzhi ha vhadzheneli vho tholwa ho nga Muhasho wa Mishumo ya Tshitshavha na Themamveledziso kha mbe -kanyamushumo dzawo dza ḽiga ḽa u thoma vho kona u wana mushumo kha sekhithara dza phuraivethe mafheloni a Ṱhafamuhwe 2021.Vhunzhi ha avho ndi vha mutevhe wa u thoma wa vhathusi tshikoloni, nga u ralo, vho wana nḓila ya u dzhena mishumoni, vha wana tshenzhemo, vhugu disi na ndaedzi.
Mbekanyamushumo  dzo thomiwaho nga kha Maga a Ṱhuṱhuwedzo ya Vhusikamishumo na Tsireledzo ya Mishumo zwa Muphureside nnde dzo dovha dza vhuendza vha nga u angaredza. Ho vha ho se dzeswa kha tsiko ya mishumo kha sekithara dzine dza kwama tshitshavha u fana na ya pfunzo, tsire ledzo ya zwiḽiwa, ndondolo na themamveledziso ya tshitshavha na tsireledzo ya mupo.
Nga  Maga a Ṱhuṱhuwedzo ya Vhusikamishumo na Tsireledzo ya Muphuresi dennde aya vhaswa vho tholwa u tikedza na u thusa vhadededzi zwikoloni zwashu. Vhaṅwe vho tholwa u fhaṱa maburoho kha zwi-tshavha zwa mahayani. Senthara nnzhi dza Mveledziso ya Nyaluwo ya Vhana ya Vhuhanani (ECD)dzo thuswa u bvela phanḓa na u shuma na u vula hafhu.
Vhorabulasi vhaṱuku vho tikedzwa u ṱanḓavhudza mveledzo na ndaka ya mupo u fana na milambo na maro roma zwo vusuludzwa na u londotwa.
Sa tshipiḓa tsha ḽiga ḽa vhuvhili, ri khou thoma Tshikwama tsha thikhedzo ya Mishumo ya Tshitsha vha tshine tsha ḓo tikedza mishumo mivhuya ine ya rangelwa phanḓa nga madza-ngano a tshitshavha kha masia a fanaho na vhulimi ha dziḓoroboni, vhutsila ha tshitshavha, khwiṋiso ya vhudzulo ha mishashani na tsireledzo ya tshitshavha.
Vhukatini ha vhuleme vhuhulu ha ikonomi ho vhangwaho nga dwadze ḽa tshitzhili tsha Corona, mishumo ya tshitshavha yo ṋekedza thikhedzo ya vhuṱhogwa kha tsiko ya  mishumo. Hezwi ndi u thoma u shuma ha vhuḓikumedzeli hashu ha uri muvhuso u tea u tikedza wo khwaṱha u sikwa ha mishumo musi maraga wa zwa mishumo u khou vusuludzea.Nga kha Maga a Ṱhuṱhu wedzo ya Vhusika mishumo  ya Tsireledzo ya Mishumo zwa Muphuresidennde ro dzhenisa vhaswa kha mutevhe wa vhashumi nga vhunzhi vhukuma nga nḓila i songo lavhelelwaho kha tshifhinga tshipfufhisa.
Vhaṅwe vha vhadzhe neli vha 84% kha ḽiga ḽa u thoma vho vha vhe vhaswa vha vhukale ha fhasi ha miṅwaha ya 35, nahone vha mbili tshararu vho vha vhe vhafumakadzi.
Kha ḽiga ḽa vhuvhili ri lavhelela tshivhalo itshi  uri tshi gonye, thikhedzo ya mishumo i ḓo ṋekedza R1 biḽioni ya ndambedzo u itela lambedza Thusedzo ya U tholwa ha Vhaswa u bva kha ofisi ya Muphuresidennde.
Sa tshipiḓa tsha thusedzo, hu ḓo tholwa vhaswa vho vhalaho kha Tshumelo ya Vhaswa ya Lushaka yo vusuludzwaho.
Vhaswa vha ḓo wana vhugudisi ha zwikili zwa didzhithala na mabindu o farwaho nga vhaswa a ḓo wana thikhedzo ya u aluwa a thola vhathu.
Vhushayamushumo kha shango ḽashu ndi thaidzo khulwane vhukuma. Ri nga si tsha vha na zwilengisi zwi sa gumi kha u tandulula thaidzo dza mai tele a ndangulo a konḓaho, maitele a u thola a si tsha shumaho, u shaya vhukoni , kana mbekanyamushumo dzi fhelelaho muyani kana dzi sa koni u bvela phanḓa lwa tshifhinga tshilapfu.
U bvelela ha Maga a Ṱhuṱhuwedzo ya Vhusika mishumo na Tsireledzo ya Mishumo zwa Muphuresi dennde zwo sumbedza uri musi ri tshi shumisana, nga u ṱavhanya, u vha na mihumbulo i bveledzaho vhukoni na u langa zwiko zwashu zwavhuḓi, ri nga swikelela mvelelo dzavhuḓi khulwane vhukuma.
Maga a Ṱhuṱhuwedzo ya  Vhusikamishumo na  Tsireledzo ya Mishumo zwa Muphuresidennde o sumbedza uri ri a kona u sika mishumo arali hu  na tshumisano sa seki thara ya lushakai, vha-shumi, tshitshavha na  muvhuso.
A thi timatimi uri ḽiga ḽi tevhelaho ḽa Maga a Ṱhuṱhu wedzo ya Vhusikamishumo na Tsireledzo ya Mishumo zwa Muphuresidennde ḽi ḓo  ri sendedza tsini na u swikelela zwipikwa zwa shu roṱhe zwa mishumo yavhuḓi na zwikhala zwa vhathu vhoṱhe.
