Tivoneli hi vadyohi vaswa masangu

Sphelele Ngubane

Endzela Nhlangano wo Rhijisitara Vadyohi va swa Masangu u nga se thola mutirhi leswaku a ku hlayisela vana na lava nga ni vutsoniwa emihleketweni.
 Loko u ri muthori loyi a fambisaka senthara ya nhluvukiso wa tindzumulo, u un’wana wa vanhu lava nawu wu va kombelaka ku kambisisa loko vatirhi va wena va ri eka Nhlangano wo Rhijisitara Vadyohi va swa Masangu (NRSO).
NRSO yi wela ehansi ka Ndzawulo ya Vululami na Nhluvukiso wa Vumbiwa naswona vathorhi va fanele ku yi tshunelela ku kambisisa loko vatirhi lava lavaka ku va thola va xaxametiwile.Muthori ku katsiwa ni mu-tswari loyi a lavaka ku thola mupfuni wa le ndlwini, huvo ya valawuri va xikolo kumbe xibendhlele. NRSO yi tumbu luxiwile hi Nawu wa Pala mende hi 2007.
Ku tsariwa mavito ya vanhu lava voniweke nandzu wa swa masangu eka vana na lava nga ni vutsoniwa emihleketweni.
Ntombizodwa Matjila, Mutsarisi wa NRSO, u vula leswaku rhijisitara ri ni mavito ya vaendli va milandzu vaxi-nuna ni vaxisati Lava i vanhu lava nga endla milandzu eka vana na lava nga ni vutsoniwa emihleketweni, yo fana na:
• Ku pfinyiwa ka vana lavatsongo; • Nkucetelo kumbe ku endla leswaku vana va va timbho ni ta milandzu ya swa masangu ; 
• Migingiriko ya swa masangu; 
• Ku nghenelerisa n’wana eka timhaka ta swa masangu; 
• Ku kurisa n’wana hi tlhelo ra swa masungu hi xiko-ngomelo xo n’wi xanisa; 
• Ku vonisa kumbe ku komba lava nga ni vutsoniwa emihleketweni swifaniso swa vana lava endlaka swa masangu no tirhisa vana kumbe vanhu lava nga ni vutsoniwa emihleketweni ku endla timhaka ta swa masangu.
“Loko muthori a kuma leswaku vito ra mutirhi ri vonaka eka rhijisitara, muthori u fanele a yisa mutirhi eka xivandla xin’wana xa ntirho lexi nga ta ka xi nga n’wi hlanganisi na n’wana kumbe ntswatsi loyi a nga ni vutsoniwa emihleketweni,” Ku vula Matjila.
Loko muthori a nga swi koti ku yisa mutirhi eka xivandla xin’wani, u komberiwa ku herisa kontiraka ya ntirho.
Vuxokoxoko lebyi nga eka NRSO byi katsa; 
• Mavito ni xivongo, vito ro duvulela na phurofexini kumbe  ntirho wa mudyohi; 
• Adirese ya ndhawu ya vuako yo tiveka, na vuxoko xoko bya vutihlanganisi, ku katsa na adirese ya poso ya mudyohi; 
• Nomboro ya pasi kumbe phasipoto ya mudyohi; 
• Muxaka wa nandzu wa swa masangu. Rhijisi-tara a ri voniwi hi mani na mani. Ri voniwa ntsena hi vathori ku kuma xitifikheti xo basisa  mavito ya lava kambisisiweke. I nandzu ku paluxela munhu un’wana vuxokoxoko lebyi nga eka rhijisitara.