Luhlelo Lolungumvusa Lwetemisebenti LikaMengameli ligcugcutela kwakhiwa Kwematfuba Emsebenti

vukuzenzele unnamed

Lesigaba sesibili lesisandza kusu ngulwa Selu hlelo Lolungumvusa  Lwetemisebenti lika Mengameli simelele  imphumelelo lenkhulu emitameni yetfu yekuvula ematfuba emsebe nti ebantfwini labaningi baseNingizimu Afrika lebangasebenti.
Sisungule lendlela yesi-khutsati kulomnyaka lowengcile kute sakhe ematfuba emisebenti lamanyenti lesingawakhona esikhatsini lesincane kakhulu. Loku kwente kutsi kudzingeke tindlela letinsha tekusebenta kute kusetjentiswe tinhlelo ngesivinini nangelinani lelingakaze libonwe.
Loluhlelo lwekucasha bantfu labanengi lebebanga sebenti lusebentise tinkhundla letidijithali kute lufinyelele ebantfwini labanengi labafanelekile. Sibonelo, balimi labasafufusa bakhona kufaka ticelo tekwesekelwa ngekuse bentisa i-USSD bese batfola emavawusha latawufakwa kubomakhalekhikhini babo.
Kusukela Litiko Letemfundvo Lesisekelo lavula kutsi kufakwe ticelo telicembu lelilandzelako lekuba basiti babothishela muva nje, bantfu labasha labangetulu kwe-940 000 bafaka ticelo ngekusebe-ntisa inkhundla yekucashwa ye-inthanethi yamahhala lebitwa ngekutsi yi-SAYouth.mobi, leyincenye yavelonkhe ye-Pathway Management  Network.
Kusetjentiswa kwebucwepheshe lobusha ekuniketeni ematfuba emisebenti kwenta kutsi kucashwa kube malula kakhulu, kusheshise futsi kuvuleleke kuwo wonkhe umuntfu.
Luhlelo lolungumvusa Lwetemisebenti likaMe-ngameli lwenta kutsi kube nekubambisana kumkhakha wahulumende. Tinhlelo letisesigabeni sekucala tasetjentiswa matiko avelonkhe lali-11. Imisebenti yawo yacondzaniswa kute kugwenywe kutsi kube nekuphindvwaphindvwa nekumoshwa kwemise benti futsi kutfutfukiswe kufundza ngekusebentisa sipiliyoni salabanye.
Lendlela yekukhutsata kucashwa futsi ikhombise kubaluleka kwekusebenti sana kutenhlalo. Hulume nde, bosomabhizinisi, base benti kanye nemmango babambisene kute baletse  labo labangasebenti kutemnotfo.
Bantfu baseNingizimu Afrika labangetulu kwesigamu sesigidzi sevele bazuzile kulesigaba sekucala, lapho khona tinhlelo letehlu-kahlukene tisetawulandzela.
Labo lebayincenye yaloku banikwa litfuba lekutsi bakhone kutiphilisa, lekufundza emakhono lamasha nelekutsi batfutfukise lamatfuba lavele akhona, nelekutsi basebentise sipiliyoni sabo njengendlela yekutfola lomunye umsebenti noma yekutsi batisebente bona ngekwabo.  Sibonelo, labaningi kulabo bebayincenye yaloluhlelo lebebacashwe Litiko Letemisebenti Yahulumende Nelesakhiwonchanti  kuletinhlelo talo tesigaba sekucala bakhona kutsi batfole umsebenti kumkhakha lotimele ngasekupheleni  kweNdlovulenkhulu ngemnyaka we-2021.
Labaningi kulelicembu lebasiti babothishela, ngalokufanako, nabo bayitfolile imisebenti, batfola sipiliyoni, kucecesheka nangekutfola emareferensi.
Letinhlelo lebetisetje ntiswa ngekulandzela Luhlelo Lolungumvusa Lwetemi sebenti LikaMengameli tiphindze tasita imimmango ngalokubanti kakhulu. Betigcile kakhulu ekuvuleni ematfuba emisebenti kumikhakha lenemtselela locondzene netenhlalo lefana netemfundvo, kutfolakala kwekudla, kunakekela sakhiwonchanti sahulumende kanye nekuvikela simondzawo.
Ngekulandzela Luhlelo Lolungumvusa Lwetemise benti LikaMengameli bantfu labasha bacashelwa kusekela nekuba basiti babothishela etikolweni tetfu. Labanye bacashelwa kutsi bakhe emabhuloho emimangweni yasemakhaya.
Tikhungo letinengi  Tekutfutfukisa Bantfwana Labasesebancane tasitakala kute tikhone kumelane neku phindza tivulwe. Balimi labasafufusa basekelwa kute bakhulise kukhicita, kantsi imphahla yemvelo lefana nemifula netitete kwasima miswa futsi kwanakekelwa.
Njengencenye yesi gaba sesibili, sisasungula Sikhwama Sekucashwa Kwemmango lesitawusekela umsebenti lotawuzuzisa wonkhe umuntfu lotawube uholwa tinhlangano te-mmango etindzaweni  letehlukahlukene letifana netekulima emadolobheni, tebuciko emmangweni, kutfutfukisa tindzawo tekuhlaliswa kwebantfu letingakahleleki kanye nete kuphepha kwemmango.
Emkhatsini walesehlakalo lesimbi setemnotfo lesibangwe ngulobhubhane Wesifo Seli gciwane leKhorona, kucashwa kuhulumende nakutenhlalo kunikete sikhutsati lesimcoka sekuvula ematfuba emsebenti.
Loku kukucala kwekusebenta kwekutibophelela kwetfu kwekutsi hulumende kufu neka asekele ngemandla kucashwa ngalesikhatsi imakethe yetisebenti isavu selelwa.
Ngekulandzela loLuhlelo Lolungumvusa Lwetemise benti LikaMengameli sikhone kufaka bantfu labasha ku-mkhakha wetebasebenti lokwaba linani lelikhulu ngendlela lengakaze ibonwe ngesikhatsi lesincane. Labo lebaba yincenye yesigaba sekucala laba-84% bekubantfu labasha labaneminyaka le-ngaphasi kwe-35, kwatsi linani lelingukubili kulokutsatfu kwaba bomake.Esigabeni sesibili silindzele kutsi lelinani libe setulu, nje-ngoba lesikhutsati sitasinika imali lecishe ibe ibhiliyoni yinye yemarandi letawuba Yindlela YaMengameli Yekungenelela Ekucashweni Kwelusha.  Njengencenye yeku-ngenelela, bantfu labasha labahlukahlukene batawucashwa Kutemisebenti Yavelonkhe Yelusha levuselelwe kabusha. Bantfu labasha batawuceceshwa kumakhono ladijithali  kantsi emabhizinisi laphetfwe lusha wona atawutfola kwesekelwa kutsi akhule futsi acashe.
Kuswelakala kwemisebenti eveni lakitsi kuyinhlekelele.
Angeke sikhone kuhlala sine kubambeleleka lokungapheli ekubukaneni nalenkinga ngenca yetinchubo tekugcwalisa emafomu langapheli, tekuswelakala kwemakhono nekuhlela, noma tetinhlelo tesikhashana noma letingenakusimama.
Kuphumelela Kwale Luhlelo Lolungumvusa Lwetemisebenti LikaMenga meli kukhombise kutsi uma sisebentisana, sisebenta nge sivinini lesisetulu, sicabange imibono lemisha futsi siphatse tinsita tetfu kahle, singenta kube nemtselela lomkhulu.
Luhlelo Lolungumvusa Lwetemisebenti LikaMe-ngameli lukhombise kutsi singayakha imisebenti uma sisebentisana njenge-mkhakha wahulumende, wetebasebenti, wemmango nahulumende.
Anginako kungabata kutsi sigaba lesilandzelako Saloluhlelo Lolungumvusa Lwetemisebenti LikaMenga meli sitasenta kutsi sibe sedvute nekufinyelela kunhloso yetfu sisonkhe yekuba nemsebenti lonesizotsa nematfuba lancono kitsi sonkhe.
