Go ihlokomela bathong ba go roba melao ya thobalano

Sphelele Ngubane

LEKOLA RETŠISTARA ya Bosetšhaba ya Basenyi ba Thobalano(NRSO) go hwetša lesedi la gore batho ba o nyakago go ba thwala mošomong wa go hlokomela bana le batho ba go ba le bogolofadi bja monagano ba na le melato goba aowa.
Ge o le mongmošo mo yoo a sepetša go sekolo sa digo tlane, o magareng a batho bao molao o nyakago gore ba lekole ge eba bašomi ba bona ga ba na melato ka gare ga retšistara ye.
NRSO e wela ka fase ga Kgoro ya Toka le Tlhabollo ya Molaotheo gomme bengmo šomo ba swanetše go ya gona go lekola ge eba batho bao ba nyakago go ba thwala ba hlagelela goba ga ba hlagelele ka retšistareng ye.
Mongmošomo gape o akaretša motswadi yo a nyakago go thwala mothuši wa ka gae, lekgotlataolo la sekolo goba sepetlele. NRSO e hlomilwe ke Molao wa Pala mente ka 2007.
Retšistara ye ke rekote ya maina a bao ba bonwego molato wa bosenyi bja thobalano kgahlanong le bana le batho ba go ba le bogolofadi bja monagano.
Ntombizodwa Matjila, Moretšistara wa NRSO, o bolela gore retšistara ye e na le maina a basenyi ba banna le ba basadi ka bobedi. Ba ke batho bao ba dirilego bosenyi kgahlanong le bana le go batho ba go ba le bogolofadi bja monagano, bjalo ka:
• Go tsenela thobalano le ngwana; 
• Go gapeletša goba go dira gore bana ba bogele ditiragalo tša bosenyi bja tho balano; 
• Ditiro tša thobalano; 
• Go tlaiša ka thobalano; 
• Go ruta bana e sa le ba bannyane ka thobalano ka mogopolo wa go ba lokišetša thobalano; 
• Go bontšha bana goba batho ba go ba le bogolofadi bja monagano diswantšho tša maponapona le go šomiša bana goba batho ba go ba le bogolofadi bja monagano go dira ditiro tša maponapona.“Ge mongmošomo a utulla gore leina la mošomi le a tšwelela ka retšistareng, mongmošomo o swanetše go šutišetša mošomi yoo mošomong wo mongwe woo o ka se dirego gore a be kgauswi le ngwana goba motho yo mogolo wa go ba le bogolofadi bja monagano,” go bolela Matjila.
Ge mongmošomo a sa kgone go šutišetša mošomi mošomong wo mongwe, o nyakega gore a fediše ko nteraka ya mošomo.
Tshedimošo ye e lego ka gare ga NRSO e akaretša: Sefane le maina ka botlalo a basenyi, leina la mekwero le profešene ya bona goba mošomo;  Aterese ya bodulo ye e tsebjago ya basenyi, le dintlha tše dingwe le tše dingwe tša kgokagano, go akaretšwa aterese ya poso;  Nomoro ya phase pote goba nomoro ya boitsebišo ya mosenyi;  Mohuta wa bosenyi bja thobalano. Retšistara ga se ya swanelwa go balwa ke maloko a setšhaba. Bengmošomo ke bona fela ba loketšego go kgopela go leko lelwa maina a bašomi go hwetša ditifikeiti tša go bontšha gore bašomi ba bona ga ba na melato ka retšistareng ye. Ke molato go utullela motho mang le mang tshedimošo ye e lego ka gare ga retšistara ye.
