Letsholo la ho Bopa Menyetla ya Mesebetsi la Boporesidente le kgothaletsa tlhahiso ya mesebetsi

vukuzenzele unnamed

Ho thakgolwa ha moraorao ha mo kgahlelo wa bobe di waLetsholo la ho Bopa Mesebetsi la Boporeside nte ho bontsha kgatelopele e kgolo morerong wa rona wa ho bopa menyetla ya mesebetsi bakeng sa ma Afrika Borwa a hlokang mosebetsi.
Re thehile Letsholo la ho Bopa Mesebetsi la Boporesi dente gwahola bakeng sa ho hlahisa menyetla e mengata kamoo ho ka kgonehang ka nako e kgutshwane kamoo ho ka kgonehang. Sena se qositse ditsela tse ntjha le tsa ntjhafatso tsa ho sebeletsa ho kenya tshebetsong mananeo ka lebelo le bongata bo so kang bo bonwa.
Motjha wa ho thaotha batho ba bangata ba sa sebetseng o ne o sebedisa mapatlelo a dijithale bakeng sa ho fihlella bankakarolo ba tshwanele hang ba bangata kamoo ho ka kgonehang. Ka mohlala, dihwai tse nyane di kgonne ho etsa dikopo tsa tshehetso ka ho romela SMS le ho fumana divaotjhara tsa ho sebedisa diselfounu tsa tsona.
Esale Lefapha la Thuto ya Motheo le bulela dikopo tsa lebotho le latelang la bathusi ba matitjhere haufinyana tjena, batjha ba fetang 940 000 ba entse dikopo ka ho sebe disa lepatlelo la ho thaotha le sa lefellweng le bitswang SA Youth.mobi, le bopang karolo ya naha ya Marangrang a Motjha wa Bolaodi.
Tshebediso ya dithekenoloji tse ntjha mabapi le ho fana ka menyetla ya khiro e entse hore ho thaotha ho be bonolo, ho potlake le ho ba le ponaletso.
Letsholo la ho bopa Mese betsi la Boporesidente le thusitse le ho akofisa tshebedi sano ka hara lekala la mmuso.
Mananeo a mokgahlelo wa pele a ile a kenngwa tshe betsong ke mafapha a naha a 11. Mesebetsi ya ona e ne e momahantswe bakeng sa ho phema ho iphetapheta le tshenyo le ho matlafatsa ho ithuta ka boiphihlelo ba a mang.
Letsholo la ho Bopa Mese betsi la Boporesidente le boetse e bontshitse bohlokwa ba ho sebedisana ha baahi se tjhabeng Mmuso, dikgwebo, mekgatlo ya basebetsi le se tjhaba ka kakaretso di ipopile mmoho bakeng sa ho thusa ba hlokang mesebetsi ho ba le seabo moruong.Se ka fetang halofo ya milione ya maAfrika Borwa e se e kgotse molemo mokgahlelong wa pele, moo ho ntseng ho na le mananeo a mang a mo tjheng. Bankakarolo ba ile ba nehwa monyetla wa ho una boiphediso, ho ithuta maitse belo a matjha le ho ntlafatsa a ntseng a le teng, le ho sebedisa boiphihlelo ba bona jwaloka motheo wa ho thola mesebetsi e meng kapa ho itshebetsa.
Ka mohlala, palo e ngata ya bankakarolo ba hirilweng ke Lefapha la Mesebetsi ya Setjhaba le Infrastraktjha mokgahlelong wa lona wa pele wa mananeo a lona ba ile ba hirwa lekaleng la poraefete mafelong a Tlhakubele 2021.
Bongata ba lebotho la pele la bathusi ba matitjhere, le bona, ba kgona ho thola mesebetsi, ba hlometse ka boiphihlelo, thupello le ditshupiso.
Mananeo a kentsweng tshe betsong ka Letsholo la ho Bopa Mesebetsi la Boporesidente a boetse a tswetse badudi ka bophara molemo. Tjantjello e ne e le hodima tlhahiso ya mesebetsi makaleng a nang le kgahlamelo e otlolohileng hodima setjhaba a kang thuto, kanetso ya dijo, tokiso ya infrastraktjha ya setjhaba le tshireletso ya tikoloho.
Ka Letsholo la ho Bopa Mese betsi la Boporesidente batjha ba ile ba hirelwa ho tshehetsa le ho thusa matitjhere diko long tsa rona. Ba bang ba ile ba hirelwa ho aha marokgo metseng ya mahae.
Ditsi tse ngata tsa Dikolo tsa Dikonyana di ile tsa thuswa ho phela le ho bula botjha. Dihwai tse sebeletsang ho iphedisa di ile tsa tshehetswa mabapi le ho ntlafatsa tlhahiso, mme dithepa tsa tikoloho tse kang dinoka le mekgwabo di ile tsa tsosoloswa le ho baballwa.
Jwaloka karolo ya mo kgahlelo wa bobedi, re theha Letsholo la ho bopa Mesebetsi la Boporesidente le tla tshe hetsa mosebetsi molemong wa bohle le eteletsweng pele ke mekgatlo ya badudi dibakeng tse fapafapaneng tse kang temo ya metse ya ditoropo, bonono ba setjhaba, ntlafatso ya dibaka tsa mekhukhu le boipaballo ba badudi.
Hara bothata bo matla ba moruo bo bakilweng ke sewa sa Lefu la Kokwanahloko ya Corona, khiro ya setjhaba le kahisano di fanne ka tlhasi mollo ya bohlokwa mabapi le tlhahiso ya mesebetsi. Sena ke ho kenngwa tshebetsong ha boitlamo ba rona ba hore puso e lokela ho tshehetsa khiro ka mafolofolo ha mmaraka wa basebetsi o ntse o hla phohelwa.
Ka Letsholo la ho bopa Mesebetsi la Boporesidente re kentse palo e ngata ya batjha ka hara lebotho la basebetsi ka tsela e so kang e bonwa ka nakwana e nyane. Se ka etsang 84% ya bankakarolo mokgahlelong wa pele e bile batjha ba ka tlasa dilemo tse 35, mme nngwe tharong ebile basadi.Mokgahlelong wa bobedi re lebeletse hore palo ena e batle e phahama, kaha letsholo le tla fana ka se ka etsang R1 bilione ya thuso ya matlole bakeng sa Boitshunyako ba Khiro ya Batjha ke Boporesidente.
Jwaloka karolo ya boi tshunyako, batjha ba seng bakae ba tla thaothelwa ka hara Tshebeletso ya Naha ya Batjha e hlabolotsweng botjha.
Batjha ba tla fumana thu pello ya maitsebelo a dijithale mme dikgwebo tseo e leng tsa batjha di tla thola tshehetso ya ho hola le ho hira.
Tlhokeho ya mesebetsi ka hara naha ya bo rona ke tlokotsi. Re keke ra kgona ho mamella ditiehiso tse sa feleng mabapi le ho tobana le bothata bona ka lebaka la melao e mengata, metjha ya ho thaotha e siilweng ke nako, kgaello ya bokgoni le meralo, kapa mananeo a sa re iseng pele kapa ao e seng a moshwelella.
Katleho ya Letsholo la ho bopa Mesebetsi la Boporesi dente le bontshitse hore ha re sebetsa mmoho, re potlaka, re nahana hantle le ho laola mehlodi ya rona ka nepo, re ka ba le kgahlamelo e matla.
Letsholo la ho bopa Mese betsi la Boporesidente e bontshitse hore re ka hlahisa mesebetsi haeba re sebetsa mmoho jwaloka lekala la mmuso, mekgatlo ya basebetsi, badudi le mmuso.
Ha ke na qeaqeo ya hore mokgahlelo o latelang wa Letsholo la ho Bopa Mesebetsi la Boporesidente le tla re atametsa haufi le ho fihlella morero wa rona o kopane tsweng wa mosebetsi o nang le seriti le monyetla bakeng sa bohle.
