Zwitshavha zwi katelaho tshaka dzo ṱhe ndi zwa ndeme kha u bvelela ha Afrika Tshipembe

vukuzenzele unnamed

Musi khakhathi na tshinyadzo ya  ndaka zwe zwa kwama zwipiḓa zwa vunḓu ḽa KwaZulu-Natal na ḽa Gauteng zwezwino zwo vhanga mu tshinyalo muhulwane kha ndaka na vhuḓitshidzi ha vhathu, zwo dovha hafhu zwa vha na masiandaitwa mahu lwane kha tshumisano ya zwitshavha zwashu.
Hezwi zwo vhonala kha zwiwo zwi pfisaho vhuṱungu zwe zwa itea vhuponi ha Phoenix na u mona naho ngei eThekwini.
Nga tshifhinga tsha dziṅwe khakhathi khulwane kha demo kirasi yashu, na kha kilima ine yo no dzula yo khwaṱha kha u humbulelwa na nyofho, vhathu vhe vha tshila nga mulalo kha zwoṱhe vho ḓo shandukelana.
 Hu kha ḓi vha na zwinzhi zwine ra fanela u zwi bvisela khagala nga ha zwiwo zwe zwa itea. U engedzea ha mafhungo ane a si vhe a ngoho, zwinepe zwo lulamiswaho na mafhungo o khakheaho zwo ita uri hu vhe na vhukonḓi kha u khetha ngoho kha mazwifhi.
 Fhedzi ri a zwi ḓivha u bva kha mivhigo i re mulayoni na akhaunthu dza muthu nga muthu uri vhathu vho vha vha tshi khou khethululwa nga muvhala fhethu ho thivhiwaho dzibada zwi siho mulayoni, vhaṅwe vhathu vho tsitswa goloini dzavho vha rwiwa, ngeno vhaṅwe vho shoniswa na u tsitswa tshirunzi. Vhunzhi ha vhathu vho vhulawa.
 Vhunzhi ha zwe zwa itea ndi mvelelo i sa thivhelei ya musi vhathu vha tshi dzhia mulayo vha u vhea zwanḓani zwavho. U dzhia mulayo wa u vhea zwanḓani zwau nga nnḓa ha thendelo a zwi nga ḓo tendelwa kha ḽino shango.
Ndi vhugevhenga nahone zwi khombo.
 Zwazwino nga uri vhudziki ho vhuedzedzwa kha vhupo ho kwa meaho, vha mazhendedzi ashu a khombetshedzo ya mulayo vha khou ṱoḓisisa zwiito zwoṱhe zwa vhugevhenga.
 Tshigwada tsha mafogisi tsho ṋewa mushumo wa u shumana na mabulayo nahone tshi khou shuma tshi tsini na zwitshavha zwapo. Ho vha na u farwa ha vhathu nahone avho vhane vha vha na vhuḓifhinduleli vha ḓo livhana na tshanḓa tsho fhelelaho tsha mulayo.
 Mafhungo manzhi nga ha zwiwo ngei Phoenix o sumbedza zwo vha ndingedzo dza u ita uri luṅwe lushaka lu ṱanutshele luṅwe. Zwo khuṱhedzwa nga vhathu vha sa ḓivhei kha vhuda vhidzani ha kha inthanethe na nga kha zwigwada zwa u rumelana milaedza hu tshi itwa mbilo khulwane na u ita khuwelelo ya ndifhedzo.
 Hu na ndingedzo ya u sumbedza izwi sa tshiga tsha u balanganya vhushaka vhukati ha tshitshavha tsha vharema na tsha maindia.
 Zwenezwo musi hu na vhathu vhe vha lingedza u sa fara nga nḓila yone vhathu vha sa ḓikoneli na u vhanga nndwa, huna avho vhane vha khou ṱoḓa u sumbedza zwiito zwa vhugevhenga sa nḓila ya phambano vhukati ha dzi tshaka hu u itela zwipikwa zwavho.
 A vha nga bveleli. Afrika Tshipembe ḽi na ḓivhazwakale yavhuḓi ya zwitshavha zwa mulayo u si na tshikhetho na wa vhuthihi. Tshitshavha tsha vharema na tsha maindia zwo vha zwo farana kha nndwa ya u lwa na tshiṱalula, na uri musi zwo ṱangana na zwiṅwe zwitshavha, zwi dzula zwo ḓiimisela u vha tshitshavha tsho faranaho na u vha tshitshavha tsha demokirasi.
 Kha u fhindula kha nyofho na u sa thembea, vhathu vha ngei Phoenix na kha vhuṅwe vhupo ha tsini ha Bhambayi, Zwelitsha na Amaoti vha khou lugisa tshinyalelo.
Nga thusedzo ya muṱangano wa mulalo we wa thomiwa nga vha Tshumelo ya Mapholisa ya Afrika Tshipembe nga tshumisano na vharangaphanḓa vha tshitshavha, zwitshavha zwo ṱangana hu u itela u tikedza avho vhe vha kwamea nga khakhathi na u vula nḓila dza u ambedzana.
 Hetshi a si tshone tshipiḓa tshi tshoṱhe tsha shango tshe tsha livhana na khaedu dzo raliho.
 Ndingedzo dzashu dza u fhaṱa zwitshavha zwo ṱanganelaho dzo hanganea nga mulandu wa ifa ḽa tshiṱalula tsho dzudzanywaho na tshayandingano i khou bvelaho phanḓa.
Vhupo hashu ha dziḓoroboni na ha mahayani vhu kha ḓi vha ho khethekana nga mbeu na nga tshiimo tsha muthu. Hezwi zwi kula nungo tshumisano khathihi na kupfesesele, zwa dovha hafhu zwa khakhisa mushumo we ra u ita kha u fhaṱa tshitshavha tshi si na khethululo nga lushaka.
 U khakhulula zwikhakhisi izwi hu fanela u vha tshipiḓa tsha mushumo washu wa u fhaṱa ikonomi i katelaho na u khwiṋisa nḓila  dza u tshila dza MaAfrika Tshipembe vhoṱhe.
Ndi nga zwo ri tshi khou shuma u itela u fhaṱa vhupo ha ḓoroboni vhu bvelelaho khathihi na ikonomi dza mahayani, na u lavhelesa kha nyaluwo ya mabindu maṱuku. Ndi nga zwo ri tshi khou bindudza kha the mamveledziso kha vhupo uvhu na u shuma u khwiṋisa nḓisedzo ya tshumelo.
Nga tshenetshi tshifhinga, ri khou fanela u livhana na khethu lulo nga muvhala tshitshavhani tshashu. Ri khou fanela u vha na nyambedzano dza ngoho hu si nga ha mavhonele ashu kha vhaṅwe vhathu fhedzi, na nga ha zwiimo zwa matshilisano zwine zwa ri khethekanya.  Arali phambano ya lupfumo na zwikhala fhano Afrika Tshipembe i kha ḓi langwa nga muvhala na mbeu, a ri nga koni u fhaṱa shango ḽo faranaho zwa vhukuma.
 Zwiwo zwa ngei Phoenix ndi tshihumbudzi tshi vhaisaho tsha mushumo munzhi une ra kha ḓi fanela u u ita u itela u fhaṱa zwitshavha zwi katelaho zwe zwa ṱhukhukanya mikano ya zwe zwa itea kale.
Zwiwo izwo zwi dovha hafhu zwa sumbedza nḓila ine vhaṅwe vhathu vho ḓiimisela ngayo u ri khethekanya, na uri ri nga zwi itisa hani u ita zwoṱhe zwa u hanedzana navho.
 Ndi vhuḓifhinduleli hashu ho ṱanganelaho u tikedza zwitsha vha izwi zwa ngei eThekwini na huṅwevho kha lwendo lwavho lwo livhaho kha vhupfumedzani na phodzo.
 Demokirasi yashu yo sikwa nga vhadziamulalo na vhasiki vha vhukonani vhukati ha vhathu. Vhaḓivhi vha zwa u fhaṱa  vha mbofholowo yashu vho vha  vhe vharema, maindia, makha ḽadi na vhanna na vhafuma kadzi vha vhatshena vhane  vha vha na ṱhuṱhuwedzo khulwane vhe vha nanga gondo ḽa vhupfumedzani u fhira ḽa  ndifhedzo, na ḽa mulalo u fhira ḽa nndwa.
Musi ri tshi khou lwela  u fhola kha vhuṱungu uvhu  ho ṱanganelaho vhu sa konḓe lelei, kha ri ime ri tshithu  tshithihi. Kha ri kunde  phambano dzashu ri tshi khou  lwela zwivhuya zwo ḓowe leaho.
 Kha ri shumisane roṱhe kha  u lwela vhumatshelo ha khwiṋe vhune muṅwe na muṅwe a  vha na mukovhe wa u lingana na wa muṅwe.
