Ditšhaba tše di kopanego di bohlokwa go katlego ya Afrika Borwa

vukuzenzele unnamed

Le ge dikgaruru le tshe nyo tšeo di phulegi lego dikarolong tša KwaZulu-Natal le Gau teng kgauswanyana di hlotše tshenyo ye kgolo go thoto le mešomo, di bile gape le khuetšo ye kgolo go kopano ya ditšhaba tša rena.
Se se hlatsetšwe ka diti ragalo tša masetlapelo tšeo di diragatšego Phoenix le eThekwini.
Nakong ya dikhuduego tše mpe le go feta ka temokra sing ya rena, le klaemete yeo e šetšego e tletše ka dikgo nono le matšhogo, batho bao ba bego ba phela mmogo ka khutšo ba hlanogelane.
Go sa na le tše ntši tšeo re swanetšego go di utolla ka ditiragalo tšeo di diragetšego.
Koketšego ya ditaba tša maaka, phetošo ya diswantšho le tshedimošo ya maaka di dirile gore go be bothata go aroganya ditaba tša nnete le tša maaka.
Eupša re a tseba go tšwa go dipego tša semmušo le maikarabelo a batho gore batho ba be ba thiba ditsela ka lebaka la semorafe, batho ba bangwe ba be ba ntšhwa ka difatanageng tša bona gomme ba bethwa, gomme ba bangwe ba tlontlolotšwe le go nyatšwa. Batho ba mmalwa ba bolailwe.
Bontši bja tše di diragetšego ke dipoelo tšeo di bego di se a letelwa tšeo batho ba e tšeelago molao matso gong. Go itšeela malao matsogong go ka se kgo-tlelelwe ka mo nageng ye. Ke bosenyi gape go kotsi.
Bjale ka gore go okobetše mo mafelong ao a amegilego, mekgatlo ya rena ya phethagatšo ya molao e nyakišiša ditiro  ka moka tša bosenyi.
Sehlopha sa banyakišiši se filwe mošomo wa go šogana le babolai gomme ba šomi šana kudu le badudi lefe long leo.
Go na le bao ba swe rwego gomme bao ba rwelego maikarabelo ba tla lebane  le molao.
Bontši bja dipolelo tša ditira galo tša Phoenix bo tletše ka maitekelo a go lwa ka semo rafe. Go tiišetšwa ke batho ba go se tsebege go bobegaditaba bja leago le melaetša ya sehlopha yeo e dirago ditatofatšo tša go tšhoša le go ipiletša gore batho ba ipušeletše.
Go bile le maitekelo a go tšweletša se bjalo ka dintwa tša semorafe gare ga maAfrika le Maindia.
Go no swana le ge go bile le batho bao ba lekilego go šomiša bošaedi batho bao ba hlokago go hlola hlakahlakano, go na le bao ba nyakago go tšweletša ditiro tša bosenyi go fihlelela dinepo tša bona gomme ba khuta ka gore ke ditiro tša semorafe.
Ba ka se atlege. Afrika Borwa e na le histori yeo e ikgantšhago ka yona ya maitshwaro a mabotse a go se be le semorafe le tšhomišano ya batho ba go šoma. Ditšhaba tša maAfrika le maIndia di dutše di swaragane mo ntweng ya mmušo wa kgate -lelo le, mmogo le ditšhaba tše dingwe, ba dula ba ikgafile go ba setšhaba sa go swaragana sa temokrasi.
Go arabela letšhogo le go se tshepane, batho ba Phoenix le mafelo a kgauswi elego a Bhambayi, Zwelitsha le Amaoti ba šomana le go bošetša maemo sekeng.
Ba thušwa ke mekgatlo ya khutšo yeo e hlomilwego ke Tirelo ya Maphodisa a Afrika Borwa ka tirišano le baeta pele ba setšhaba, ditšhaba di kopane go thekga bao ba amilwego ke dikhuduego le go bula ditsela tša dipoledišano.
Ye ga se karolo e le tee ya naga yeo e kopanego le ditlhohlo tša mohuta wo.
Maitapišo a rena a go aga ditšhaba tše di kopanego a gakantšhwa ke bohwa bja mmušo wa kgatelelo le go se lekalekane mo go tšwelago pele.
Ditoropokgolo tša rena, dotoropo le mafelo a magaeng ka moka a sa arogantšwe ke bobedi morafe le maemo.
Se ga se hlohleletše tirišano le kwešišano, gomme se thi bela mošomo wo re o dirilego wa go aga setšhaba sa go  se be le semorafe.
Go lokiša go se lekalekane mo e swanetše go ba karolo ya go aga ekonomi yeo e akaretšago batho ka moka le go kaonafatša maemo a go phela a maAfrika Borwa ka moka.
Ke ka lebaka leo re šomago go aga diekonomi tša metse setoropo le metsemagae, le go nepiša kgolo ya dikgwebo tše dinyenyane. Ke ka lebaka leo re beeletšago go infrastraktšha mo mafelong a le go šoma go kaonafatša kabo ya ditirelo.
Ka nako ye tee, re swanetše go lwantšha semorafe mo ditšhabeng tša rena. Re swanetše go ba le dipoledišano tša nnete e sego fela ka maitshwaro a rena go ba bangwe, eupša le gape ka maemo a dilo tšeo di re kgaoganyago.
Ge fela lehumo le dibaka ka Afrika Borwa di sa laolwa kudu ke gore motho ke wa morafe ofe le gore ke wa  bong bofe, re ka se kgone go aga setšhaba sa nnete se se kopanego.
Ditiragalo tša Phoenix ke kgopotšo ye bohloko ya ka moo re sa nago le mošomo wo montši wo re swanetšego go o dira go aga ditšhaba tše di kopanego tšeo di tlošitšego ka katlego mellwane ya nako ya go feta.
Ditiragalo tše di bontšha gape ka moo batho ba bangwe ba ikemišeditšego go re aroganya, le ka moo re swanetšego go dira tšohle go ba ganetša.
Ke maikarabelo a rena ka moka go thekga ditšhaba tše tša eThekwini le tše dingwe mo leetong la bona la poelano le go fodišana.
Temokrasi ya rena e agilwe ke batho ba go rata khutšo le bao ba ratago go kopantšha setšhaba. Baagi ba tokologo ya rena ke bagale ba bagolo ba banna le basadi ba maAfrika, Maindia, Makhalate le Bathobašweu bao ba kge thilego gore re boelanya go na le go ipušeletša, le gore go be le khutšo sebakeng sa ntwa.
Bjale ka ge re thomile ka di kgato tša go thobana matswalo go latela ditiragalo  tšeo di re tšhošitšego re le setšhaba ka moka, a re beng selo  se tee.
A re se dumeleleng gore diphapano tša rena di re thibele gore re fihlelele selo seo re se nyakago ka moka.
A re šomišaneng go aga bokamoso bjo ka moka ga rena re bo nyakago bjoo bo tla holago batho ka moka ka go lekana.