Iindawo Ezihlala Imihlobo Yoke Yabantu Ziqakathekile Epumelelweni YeSewula Afrika 

vukuzenzele unnamed

Ngaphandle komo nakalo owenzi we miguruguru nokugirizwa kwepahla neendleleni zokuziphilisa kwabantu okukhe kwa sahlela iindawo ezithi leko zaKwaZulu-Natala ne-Gauteng, imiguruguru leyo ibuye yaba namaca phazela amambi eku hlalisaneni kwabantu be lizwe lekhethu eendaweni abakhe kizo. Lokhu kuzibonakalise kuhle khulu ezehlakalweni zebangamatlhuwo ezenzeke e-Phoenix neendawo eziyibhodileko eThekwini.  Nabekusahlele lemi g u r u g u r u  e n g e m i n y e yemiguruguru emimbi khulu ilizwe lekhethu elakhe  layibona, nemmoyeni ebesele ugcwele iinsolo nokunga thembi, abantu abakade bakhe ndawonye ngokuthula soke isikhathesi bajikelene bodwa.

 K u s e s e  k u n e n g i  k h u l u  ekusamele sikurhubhulule ngalezizehlakalo ezenzeki leko.  Ukwanda kweendaba ezingasilo iqiniso, imifanekiso efakelelweko kunye nemilayezo engasiyo, koke kwenze kwaba budisi ukuhlukanisa iqiniso ezintweni zokuzitho mela. Kodwana siyazi ngemibiko nangokuzibonela ukuthi abantu bebahlukaniswa ngokombala eendaweni lapho bekuvinjwe khona iindlela ngokungasi semthe thweni, abanye abantu bebarhudulelwa ngaphandle kweenkoloyi ebebakhamba ngazo babetjhwe, abanye behliswa isithunzi ngokurhubutjhwa. Banzunzwana abantu ababhubhileko.

  O k u n e n g i  k w a l o k h u  okwenzekileko kumphumela ongeze wawubalekela lo khuya abantu nabazithathela umthetho ezandleni zabo.
Umukghwa wokuba boma zelusela angeze ubekezelelwe kilelilizwe. Isenzo leso sibu lelesi obuyingozi.

 Njengoba sekuthulile kilezii ndawo lapho bekuguruzelwa khona, abathobelisimthetho belizwe lekhethu baphenya zoke izenzo zobulelesi.
Isiqhema sabofokisi sesithunywe ukusebenza ngemilandu yokubulala kilemiguruguru begodu sise benzisana ngokubambisana nabantu bendawo. Kukhona ababotjhiweko begodu labo abenze okuphambene noku lunga bazokuqalana nesandla somthetho esiqinileko. Ezehlakalweni ze-Phoenix zizwakala ngobunengi  iindaba zokuthi bekunemi zamo yokulinga ukuraranisa/ukuhlanganisa abantu bombala ongafaniko. Imizamo le-ke iphehlwe babantu abangaziwako eenkundleni zokuthintana neenqhemeni ezithumelelana imilayezo ebezisenza izwangobatjho embi, zifuna nokuthi abantu bazibuyiselele.

 Kunomzamo olinga uku veza lokhu njengesitjengiso sokuwohloka kobudlelwana hlangana kwabaNtu aba  Nzima namaNdiya. Njengoba kunabantu aba -sizakala ngokuthatheka lula kwabantu bese batjharaganisa izinto, kukhona-ke nalabo abembathisa ubulelesi ingubo yobutjhaba, ngoba baqothele ukuphumelelisa yabo iminqopho.
  A n g e z e  b a p h u m e l e l a .  ISewula Afrika inomlando ezikhakhazisa ngawo wokuse benzisana ngokuzwelana ngekambisolawulo yayo enganabandlululo.  AbaNtu abaNzima namaNdiya babe bumbene emzabalazweni wokulwa nombuso webandlululo (iapartheid), begodu nanamhlanje, bona nabanye abantu basazibophelele emphakathini obumbeneko newentando yenengi. Ngokwethuka nango kungathembi, abantu be-Phoenix nabomakhelwana babo beBhambayi, beZwe lithsa kunye nebe-Amaoti basebenzela ukulungisa lapho konakele khona.
Ngokusizwa yikundla yezo kuthula esungulwe liButho lamaPholisa wakwaSAPS ngokubambisana nabarholi bomphakathi, abantu bendawo bahlangene basekela labo abathintwe mguruguru okhe waba khona lo, bavula neendlela zokukhulumisana kubonisanwe.
Le akusikuphela kwengcenye yelizwe eqalene naleziintjhijilo ezinje.
 Imizamo yethu yokwakha umphakathi obumbeneko inyefiswa mazubela wehlelo le-apartheid  nokuphikelela kokutjhiyana komphakathi ngendima yezomnotho. Amadorobha wethu – amakhulu namancani – kunye neendawo zethu zemakhaya, nanamhlanje zisahlukaniswe ngokobutjhaba/ngokombala wabantu/ngokomhlobo wabantu nangezinga lokuphila.
Lokhu-ke kukuqeda amandla ukusebenzisana noku zwana, kuliye nomsebenzi esiwuthomileko wokwakha umphakathi ongabandlulu laniko. Njengendlela yokulungisa lokhu kuphanjaniswa nokuhlanakelwa kwezinto ngokuhlaliswa kwabantu kumele kube yingcenye yomsebenzi wethu wokwakha umnotho oqalelela umuntu woke nozakwenza indlela yokuphila yawo woke amaSe wula Afrika ibe ngcono.
Ngikho-ke sisebenzela ukwakha umnotho ophu phuma ngepumelelo  emalokitjhini neendaweni zemakhaya, siqalelele nekuhlumeni kwamabhizinisi amancani.  Ngikho siqinisa umthangalasisekelo kileziindawo sisebenzela nokuzenza zibe ngcono izenzelwa kileziindawo. Kusenjalo, kufanele sililwise ibandlululo emphakathini welizwe lekhethu. Kumele sikhulumisane ngeqiniso, hayi kwaphela ngommoya esinawo omunye komunye, kodwana nangezinto ezipha thekako ezisihlukanisako.
Angeze sikghone ukwakha isizwe esibumbene mbala umnotho namathuba eSe wula Afrika nakulawulwa  khulukhulu kukuthi  umbalabani nokuthi umumu ntubani. Izehlakalo ezenzeke e-Phoenix zisikhumbuzo esibuhlungu sokuthi sisa salelwe msebenzi onga ngani wokwakha iindawo ezihlala umuntu woke  eziphumeleleko ukuyigiriza yoke imithangala yayizolo ehlukanisa abantu.

 Lezizehlakalo godu zitjengisa nokuthi abanye abantu bakuncamele kangangani ukusihlukanisa, nokuthi kufuze senze koke esinga kukghona ukukhandela ukuhlukaniswa.

  Sibopho sethu soke uku sekela abantu beThekwini nebezinye iindawo ekhambeni labo lokubuyisana nokuphola.

 Ihlelo lethu lentando yene ngi lakhiwa balethi boku thula nabakhi bobuhlobo.
Izazi zokwakha zekululeko yelizwe lekhethu kwakuba baNtu abaNzima, amaNdiya, amaKhaladi namaKhuwa, abaduna nabasikazi, boke ababenesibindi kodwana benyula indlela yokubu yisana kunendlela yokuzi buyiselela nendlela yokuthula kunepi.
  Njengoba sisiphalazela ukuphola kilamahlungu asembethe soke sisisizwe, asijame ndawonye. Asehlule ukungezwani kwethu silime indima yokufunisana oku zakuba kuhle kithi soke.

Asisebenzisane ukwakha ingomuso linye, lapho woke umuntu azaku ba nesabelo esifanako khona.