Vha SANDF vha khou lwisana na COVID-19

More Matshediso

 Vha Mmbi ya  Vhupileli ha  Lushaka ya Afrika Tshipembe (SANDF) vha khou thusa kha u lwa na Vhulwadze ha Tshitzhili tsha corona vunḓuni ḽa Gau-teng, ḽine zwazwino ḽa vha tshivhilela tsha tshivhumbeo tsha vhuraru tsha vhulwadze.
Vha SANDF vha khou thusa nga ndingo dza vhunzhi ha vha dzulapo, u ṱhaṱhuvha khathihi na u londa vhathu, nahone vha khou dovha hafhu vha longa tshanḓa na maongeloni.
Vha Tshumelo ya Mutakalo wa Maswole a Afrika Tshipembe vho tholwa u itela u fhungudza mutsiko kha vhashumi vha ndo ndolamutakalo vunḓuni.
Tshigwada tsha Mushumo wa Dzilafho tsho rume lwa ngei vhuongeloni ha  Chris Hani Baragwa nath Academic Hospital kha ḽa Johannesburg.
Musi vunḓu ḽa Gauteng ḽo  rekhoda tshivhalo tsha nṱhesa tsha zwiwo zwa COVID-19 nga tshifhinga tsha tshivhumbeo tsha vhuraru tsha vhulwadze, vhuongelo ho ḓo vhidzwa tshiimiswa tsha mutakalo tsha vunḓu tshine zwazwino tsho ḓiimisela kha vhalwadze vhane vha vha na vhulwadze ha COVID-19. Phanḓa ha musi hu tshi tiwa mishumo yavho, Tshigwada tsha Mushumo wa Dzilafho tsho fanela u haelwa uri vha vhe vho tsireledzea musi vha tshi livhana na zwiwo zwo engedzeaho zwa u kavhiwa khathihi na u valelwa vhuongeloni.
Mulangammbi wa Tshigwada tsha Mushumo wa Dzilafho Vho Fezeka Mabona, vhane vha vha muongi makone, vho amba zwa uri vha shuma mavuni na miṅwe miraḓo ya tshigwada. “Tshigwada tsho dzudzanya vhaḓivhi vha ndondolamu takalo vho fhambanaho, hu tshi katelwa vhaongi, madokotela, vhaṋetshedzi vha ndondolamu takalo vha vhukati khathihi na vhaḓivhi vha mutakalo na tsire ledzo,” vho ralo.
Vhunzhi ha vhaongi vha na ndalukanyo dza vhuongi dza ḽeveḽe ya digirii, dzine dza vha na vhuḓifhinduleli ho fhambanaho, hu tshi katelwa na ndondolamutakalo ya fhasi.
“Vhaṅwe vhaongi vho pfumbu dzelwa zwa miaro. Roṱhe ro shuma sa vhaongi vha u ṱhogomela vhalwadze,  vhabebisi, vhadededzi na vhalanguli vha vhaongi kha sisiṱeme ya mutakalo ya vhuswoleni na ya muvhuso,” vho ḓadzisa.
Tshigwada tsho khethekana tsha bva zwigwada zwa mushumo zwe zwa shuma na vhashumi vha vhuongeloni u ya nga zwifhinga zwavho zwa u shuma, zwi tshi ya nga ṱhoḓea kha tshiimiswa. Tshigwada tshi khou ṋetshedza tshumelo dza ndondolamutakalo kha wadi dza rathi.“Vhashumi vha vhuongeloni vha khou kundelwa u langa tshivhalo tsha zwiwo nga tshino tshifhinga. Ndi zwa ndeme kha riṋe u lingedza u vha thusa nga nḓila ine ra nga kona u itela u thivhela mutsiko u khou bvelaho phanḓa kha sisiṱeme ya ndo ndolamutakalo,” Vho ralo Vho Mabona. Vho ḓadzisa nga ḽa uri muya vhukati ha tshigwada tsha vhaongi u bva kha SANDF na sisiṱeme ya ndondolamutakalo ya muvhuso wo no takulea u swika zwino.Nga mulandu wa u engedzea ha zwiwo zwa COVID-19, vhuongelo vhu khou lavhe lelwa u ṱanganedza miṅwe mimbete minzhi, u itela u engedza vhukoni haho ha u dzhenisa mimbete ya 96 u itela u dzudza vhaṅwe vhalwadze vhanzhi. 
