SANDF yi lwisana na COVID-19

More Matshediso 

Vuthu ra Vusirheleri ra Rixaka ra Afrika-Dzo nga (SANDF) ri le ku pfu neteni ku lwisana na ntungukulu wa Vuvabyi bya Khoronavhayirasi (COVID-19) eGauteng, xifundza lexi nga xona xivindzi xa gandlati ra vunharhu.
SANDF yi le ku pfuneteni hi ku kambela mitshungu ya vaaka ndhawu, ku hlahluva na ku lavana na lava nga hlangana, na ku tlhela yi pfuneta eswibedhlele.
Vukorhokeri bya Rihanyu ra Masocha bya Afrika-Dzonga byi rhumeriwile eka xifundzakulu lexi ku hunguta ndzhwalo eka vatirhi va nhlayiso wa rihanyu.
Ntlawa wa Xintirhwana xa Vutshunguri wu vekiwile eChris Hani Baragwanath Acade mic Hospital eJoni.
Leswi Gauteng yi rhekodaka nhlayo ya le henhla ya timhangu ta COVID-19 hi nkarhi wa gandlati ra vunharhu, xibedhlele lexi xi vuri wile ku va ndhawu ya rihanyu ya xifundzakulu naswona sweswi xi nyiketeleriwile eka vavabyi lava nga na COVID-19. Loko wu nga se sungula mitirho ya wona, Ntlawa wa Xintirhwana xa Vutshunguri wu tlhaveriwile ku endlela leswaku wu ta hlayiseka loko wu ri karhi wu tirhana na nhlayo leyi nga engeteleleka ya timhangu ta ku tluleriwa na ku amukeriwa exibedhlele.
Khomandara wa Ntlawa wa Xintirhwana xa Vutshunguri Kolonele Fezeka Mabona, loyi a nga muongori wa xiphurofexinali, u ri u ya laha ku tirhiwaka kona ku ya tirha na swirho leswin’wana swa ntlawa.
“Ntlawa lowu wu katsa tiphuro fexinali ta nhlayiso wa rihanyu to hambanahambana, ku katsa na vaongori, madokodela, vatirhisani va swa xitlilinikali, na tiphurofexinali ta swa rihanyu na vuhlayiseki bya le ntirhweni,” a vula. Vunyingi bya vaongori va na mithwaso ya vuongori eka levhele ya digiri, na vutshila byo hlawuleka byo hambanahambana, ku katsa nhlayiso wa rihanyu wa masungulo. “Vaongori van’wana va leteriwile hi swa vuhandzuri. Hinkwerhu ka hina hi tirhile tanihi vaongori vo angarhela, vasungukati, vadyondzisi va vaongori na vafambisi evuso cheni na le ka sisiteme ya rihanyu ya mfumo,” a engetela. Ntlawa lowu wu avanyisiwile hi swipano swa swintirhwana naswona swi tirha hi ku cincana hi tixifiti na vatirhi va xibedhlele, hi ku ya hi swilaveko swa ndhawu. Eka nkarhi wa sweswi xipano lexi xi nyika vukorhokeri bya rihanyu eka tiwadi ta tsevu.
“Vatirhi va xibedhlele lexi i vatso ngo swinene ku va va nga kota ku tirhana na nhlayo ya timhangu eka nkarhi wa sweswi. I swa nkoka swinene eka hina ku va hi ringeta hilaha hi nga kotaka hakona ku va pfuneta leswaku hinkwerhu ka hina hi papalata ntshikelelo wo yisa emahlweni eka sisiteme ya nhlayiso wa rihanyu,” ku vula Mabona.
U engetela hi ku vula leswaku moya wa ntirhisano exikarhi ka vaongori vo suka eka SANDF na sisiteme ya nhlayiso wa rihanyu a swi ri kahle kufikela sweswi.
Hikwalaho ka ku engeteleka ka timhangu ta COVID-19, xibedhlele xi tlhela xi languteriwa ku va xi kuma mibedo yo tala, ku engetela eka mibedo leyi xi nga na yona ya 96 ku endlela ku kota ku amukela vavabyi vo tala.