SANDF e lwantšhana le COVID-19

More Matshediso 

Lebotho la Bosetšhaba la Sešole sa Afrika Bo  rwa (SANDF) le gare le thuša go lwantšha leuba la Coronavirus (COVID-19) mo Gauteng, e lego profense ye gona bjale e nago le palo ya godimodimo ya lephoto la boraro la leuba le.
SANDF e thuša go dira diteko tša batho ka bontši, go ba lekola le go lota mehlala ya bao ba fetetšwego, ebile e thuša gape le ka matsogo maokelong.
Bašomedi ba Ditirelo tša Maphelo tša Sešole sa Afrika Borwa ba bileditšwe go tlo šoma ka mo profenseng gore ba thuše go imolla boima bjo bo rwelwego ke bašomedi ba tlhokomelo ya maphelo.
Sehlophatšhomo se sa Dingaka se rometšwe Sepetlele sa Thuto sa Chris Hani Baragwanath gola Johannesburg.
Ka ge profense ya Gau teng e nale le palo ya godimodimo ya diphetelo tša leuba la COVID-19 nakong ye ya le photo la boraro, sepetlele se se tsebagaditšwe bjalo ka bookelo bja maphelo ba profense ye ebile bo tlogeletšwe balwetši ba COVID-19.Pele ba thomiša ka mošomo, maloko a Sehlophatšhomo se sa Dingaka ba ile ba swanela ke go entelwa gore ba bolokege ge ba le gare ba kalokana le palo ye hlatlogetšego godimo ya di tshwaetšo le bao ba amogelwago ka bontši ka maokelong.
Molaodimogolo wa  Sehlophatšhomo se sa Dingaka Mokholonele Fezeka Mabona, yo e lego mooki wa profeše nale, o boletše gore o swarišana mošomo wa ka bookelong le maloko a sehlopha se.
“Sehlopha se se bopša ke  ditsebi tša tlhokomelo ya maphelo, go akaretšwa baoki, dingaka, badirišanimmogo ba tša maokelo le ditsebi tša polokego le tša maphelo mešo mong,” a realo.
Bontši ba baoki sehlo pheng se ba nale mangwalo a thuto ya tša booki mae mong a tikrii, ka magoro a go fapafapana a mešomo ya tša booki, go akaretšwa le tlhokomelo ya maphelo ya motheo.
“Ba bangwe ba baoki ba filwe tlhahlo ya go dira diopareišene.
Ka moka ga rena mo re thomile re šoma bjalo ka baoki ba pholo, baoki ba go belegiša, bahlahli le balaodi ba baoki ka sešoleng le ka dipetleleng  tša mmušo,’’ a realo a tlaleletša seo a se boletšego.
Sehlopha se se arogantšwe ka dihlophatšhomo ebile se šoma mmogo le bašomedi ba ka sepetlele ka go šiedišana go ya ka dinako tša bona tša go theogela mošomong, le go ya ka nyakego ya bašomi bookelong bjo. Ka motsotso wo, sehlopha se se gare ka go aba ditirelo tša tlhokomelo ya maphelo diwateng tše tshela tša bookelo.
“Palo ya bašomedi ba sepetlele se e fase kudu go ka kgona go swaragana le palo ya diphetelo ka motsotso wo. Go bohlokwa kudu go rena gore re leke ka mo re ka kgonago ka gona go ba thuša gore ka moka ga rena re tle re kgone go efoga kgate-lelo ye tšwelago pele go imela peakanyo ya tlhokomelo ya maphelo,” a realo Mabona. Polelong ya gagwe, o boletše gape le gore moya wa go šoma ka sehlopha magareng ga baoki ba go tšwa SANDF le ba sepetlele se sa mmušo  o bile o mobotse kudu go fihla nakong ye.
Ka baka la tlhatlogo ya diphetelo tša COVID-19, go letetšwe gore sepetlele se se amogele mepete ye mentši ya balwetši, nepo e le go oketša mepete ye lego gona gabjale ya go lekana balwetši ba 96 gore balwetši ba bangwe ba bantši le bona ba hwetše mepete.  