I-SANDF Ilwisana neCOVID-19 

More Matshediso 

IButho lezokuVikela le liZweloke leSewula  Afrika (i-SANDF) lisiza epini yokulwisana nomabhubhisa oyiNgogwana ye-coro na (i-COVID-19) e-Gauteng, ekukulapho irhagele khona ehlandleni lesithathu lokwehla kwayo.
Amasotja wakwa-SANDF asiza ngokuhlola umphakathi, ukupopola nofana ukukha nyisa iingulani, nokulandela umtlhala walabo ekungenzeka bona bathelelekile begodu aya siza neembhedlela.
IPhiko lezePilo lamaSotja weSewula Afrika lathunyelwa esifundeni se-Gauteng khona lizayokuphungula umthwalo osemahlombe wabasebenzi bezepilo.
IsiQhema sezokweLapha sibekwe e-Chris Hani Baragwanath Academic Hospital eseJwanisbhege. Njengombana i-Gauteng inenani eliphezulu labantu abangenwe yi-COVID-19 kile lihlandla lesithathu lokwehla kwengogwana le, isibhedlelesi sesikhonjwe besathiywa bona  siliziko lezepilo lesifunda ele lapha iingulani ezine-COVID-19.
Ngaphambi kokuthoma imisebenzabo, isiQhema sezokweLapha sahlabela ingogwana ukuze baphephe ngesikhathi baqalene nokukhuphuka kwenani labantu abangenwa yingog wana i-COVID-19 nabalaliswa eembhedlela.
UmPhathi wesiQhema sezo-kweLapha uKholonel Fezeka Mabona, olinesi elineziqu, uthi naye usebenza namanye amalunga wesiqhema.
“Isiqhemesi sinehlanganisela yabosiyazi bezepilo, ekubalwa hlangana nabo amanesi, abodo rhodere, abasebenzi bemtholapilo nabosiyazi bezepilo nokuphepha emsebenzini,’ ubeke watjho.
Inengi lamanesi lina madigri wobunesi, abani kela ilungelo lokwelapha emikhakheni ekhethekileko ne libandakanya ukutlhogomela kezepilo esisekelo.
“Amanye amanesi abandule lwe ukusebenza emkhakheni wokwelapha ngokuhlinza. Soke sisebenza njengabonesi abajaye lekileko, ababelethisi, ababa nduli babonesi kunye nabaphathi bemikhakha yomibili, wamasotja newehlelo lepilo yomphakathi,” ungezele bunjalo.
Isiqhema sihlukaniswe ngokwe enqhenyana zomsebenzi begodu sisebenza ngokudlhegana  nabasebenzi besibhedlela balawulwa sidingo sangaleso sikhathi. Njenganje isiqhe mesi sinikela isizo lezokwe lapha emawadini asithandathu.
“Inani labasebenzi besibhe dlela lincani khulu bona  lingaqalana nenani labantu abatheleleka ngengogwana esikhathini esikiso. Kuqaka thekile bona silinge ngakho koke ukubasiza ukukha ndela ukugandeleleka kwerherho lezepilo,” kutjho uMabona.
Ungezelele ngokuthi umoya wokusebenzisana phakathi kwamanesi we-SANDF nebe zepilo yomphakathi muhle begodu utjengisa ithemba lepumelelo.
Ngonobangela wokungezeleleka kwenani labantu abangenwa yi-COVID-19, kulindeleke bona isibhedlelesi sithole eminye imibhede, khona isibhedlela sizakwandisa inani leengulani ezamukelwako njenganje esi ngesemibhede ema-96 yokulalisa ezinye iingulani.


