Vikela Kusha Kulobusika

Allison Cooper

Njengoba nje busi ka buta nesidzi ngo sekutigcina ufutfumele, kuphindze kukhuphule netingoti  tekulimala ngekushiswa ngemakhandlela, mililo, titofu, tifutfumeti nemanti labilako.
“Kulimala ngekusha  kwandza kakhulu ebusika kantsi batali nebanakekeli kudzingeka kutsi bacaphele kakhulu kucinisekisa kuphepha kwabo nekwe-bantfwana babo," kusho Dokotela Gary Dos Passos.UyiNhloko yeNgcenye Yalabashile esibhedlele i-Red Cross War Memorial Children's Hospital (i-RCWMCH) futsi ulilungu lelikomidi lelisetulu le-Burn Society of  South Africa.Nanoma mililo leyenteka ngengoti ingeke igwemeke, kulimala ngekusha lokuningi kungavinjelwa ngekugadza, kubhasobha kwalabadzala ngendlela lefanele kanye nekulandzela tindlela teku-phepha.“Tilondza tekusha ngelilangabi tikulimala lokukhu-bako emphilweni yonkhe  lokunemiphumela lebonakalako emtimbeni nasengcondvweni yebantfu labasindzile kanye nemindeni yabo,” kusho Dkt Dos Passos.
Ungakuvikela njani kushaKulimala ngekusha kungavinjelwa ekhaya. Nawa lamanye emathiphu:
• Beka umetjiso, kweku-lumeka, tivutsisi (iphethroli naphalafini), emakhandlela, tibani tegesi netaphalafini kanye netifutfumeti lapho bantfwana bangafikeli khona. • Ungajikijeli tivutsisi ema-langabini. Loko kuyingoti lenkhulu kabi. • Ungavumeli bantfwana kutsi badlale edvute na-phalafini kumbe tibani tegesi kumbe tifutfumeti. • Ungaphatsi umntfwana uma upheka kumbe ushiye bantfwana bangakabhasojwa ekhishini noma edvute nalo. • Ciniseka kutsi ligedlela alikho lapho bangafika khona. Tsenga ligedlela lelite intsambo nangabe uyakhona.• Ungaphatsi sibilisimanti kumbe emabhodo lanemanti labilako lapho kunebantfwana khona.• Gucula tibambo temabhodo tingabi phambili esitofini.• Faka emakhandlela ebhodleleni lengilazi lelinenhla-batsi phasi ngekhatsi kwa-lo kuze kutsi emakhandle-la atocisha uma awa.• Ungavali mlilo ngenhla-batsi. Kushisa kuhlala sikhatsi lesidze enhlabatsini. • Faka emanti labandzako ebhavini kucala, bese ungeta emanti lashisa-ko. Sonkhe sikhatsi yiva emanti lasebhavini ngengcoza kucala.Uma utfola kulimala ngekushiswa malangabi, yima, tiwise phasi ugicike kuze ucime lamalangabi.“Kushisa kwemlilo, emanti lashisako kumbe kushiswa ngugezi kutochubeka nekushisa ticubu temtimba sikhatsi lesidze sekususiwe loku lokukushisako. “Cedza lokusha ngekugcina lencenye yemtimba leshile ngaphasi kwemanti labandzako empompi imi-zuzu lenge-20. Ungasebentisi i-ayisi, emanti layi-ayisi, bho-tela noma umkhicito longe-mafutsa lapho ushe khona,” kusho Dkt Dos Passos.  vLOKUVAMILETHE PEBBLES PROJECT  and UK-based tea company Twinings have teamed up help farmworkers stay healthy.
