I-Israeli ne-Palestine bacelwe kutsi balingisele iNingizimu Afrika  ngekulandzela kuthula

vukuzenzele unnamed

Lesihlangabe tene nako ngalo luntjintjo  lwentsandvo yelinyenti kusifundvo mayelana nemandla eluvelo, kubonisana kanye nekuvumelana.
Lesimo lesikhulako e-Israeli nasePalestine sicinisekisa loku tsine baseNingizimu Afrika lesikwati kahle kakhu-lu, kutsi kucabana lokungalungiseki sikusombulula ngekubonisana ngekuthula.

Kukhombisa futsi kutsi ngaphandle kwekutsi kubukwane netisusa tengcabano, kuloku kuhlala ngalokungekho emtsetfweni kweIsraeli eveni lasePalestine nekwalela bantfu basePalestine lilungelo lokutibusa, angeke kute kube khona kuthula.Ludlame lwakamuva lubangwe sincumo senkantolo yaka-Israeli sekucosha licembu lemindeni emakhaya awo lasendzaweni yase-Sheikh Jarrah eMphuma-langa  neJerusalema kute kuvuleke tindzawo tekuhlala taka-Israeli. Kubona emadvodza, ba-fati nebantfwana bacoshwa emakhaya imindeni yabo lehlale kuyo titukulwane netitukulwane kubuyisa tinkumbulo letibuhlungu telinyenti lebantfu baseNingizimu Afrikatekususwa nekumukwa umhlaba ngekucindzetelwa. Bekubuhlungu nekululateka umndeni wami lowabu-kana nabo, kanye nemindeni  leminingi yaseNingizimu Afrika. Umndeni wami wa-hanjiswa ngekucindzetelwa wayiswa etindzaweni lete-hlukene talelive emahlandla lamabili. Kukhishwa ekhaya lakho ngekucindzetelwa ukhonjwe ngesibhamu kukuhlu-kumeteka ngokwengcondvo lokungakhohlwakali kalula. Njengelive, sisaphila ne-tinsayeya temiphumela ye-tento tebudlabha letentiwa egameni lekuhlela indzawo ngekubandlulula.Kubo bonkhe labakholelwa ekulinganeni, bulungiswa, nemalungelo ebuntfu, asikwati kungashukunyiswa futsi sitfukutseliswe cobo, ngebuhlungu nekululateka lokwentiwa kubantfu base-Palestine; ngoba kuvusa kwetfu.Tento te-Israeli tikwephula umtsetfo wemave emhlaba. Bakhombisa kungatina-ki tincumo teMkhandlu Wetekuphepha Wetive Letihlangene letenta lubito lokutsi akuphele kutsatfwa kwemhlaba wasePalestine futsi kugcwaliseke emalungelo ebantfu basePalestine. Solo mibutfo yeteku-vikela yaka-Israeli yacala kuhlasela labakhontako eAl Aqsa Mosque eJerusalema kuleliviki leliphelile, loludlame seluvimbetele iGaza  Strip, tincenye letinkhulu te-West Bank kanye nemadolobhakati lamaningana ka-Israeli. Kutsetse timphilo tebantfu labaningi, lokufaka ekhatsi bantfwana.Kuyakhatsata kakhulu futsi kutsi mibutfo yaka-Israeli idzilite sakhiwo lesinetitezi letinyenti lebesisetjentiswa mibutsano yebetindzaba, kutfunyelwa umlayeto losabisako kulabetindzaba lababika ngaloludlame.  Lokuchubeka kweku-chunyiswa kwemabhomu lokungenangcondvo lokwentiwa ka-Israeli lokubheki-swe eGaza kutoba nemtselela lophula umoya ebantfwini  labangetulu kwetigidzi letimbili labebahlupheka ngaphansi kwekuvinjelwa lokungekho emtsetfweni iminyaka le-14.
 Senta lubito kuwo onkhe emacembu latsintsekako kutsi akhombise kutibamba, ahloniphe imphilo yebantfu futsi ayekele lobutsa lobukhona njengamanje.
 SiyiNingizimu Afrika, siti-bophelele ekubeni yincenye yemitamo yemave emhla-ba lehlose ekuvuseleleni  inchubo yetepoliki letoholela ekusungulweni kwembuso ePalestine lotohlala usebentisana ngekuthula ne-Israeli, kanye nangekhatsi kwemi-ncele leyatiwa ngumhlaba wonkhe.  Sisombululo semibuso lemibili sihlala siyindlela lesebentako ebantfwini ba-ka-Israeli nebasePalestine, futsi kufanele sichubeke nekusekelwa. Njengoba mibutfo ye-tekuvikela yaka-Israeli beyihlasela labakhontako e-Al Aqsa Mosque, tsine eNingizimu Afrika besi-lungiselela kukhumbula iminyaka lelikhulu ye-Bulhoek Massacre esizeni setenkholo iNtabelanga eMphu-malanga Kapa. Mhlaka 24 Inkhwekhweti 1921, mibutfo yetekuvikela yebukoloni lebeyihlome ngemishini yetikhali netibhamu yavulela ngenhlavu kulabebakhonta yabulala bantfu labangetulu kwe-160 futsi kwalimala cishe labange-130. Lokubulala ngebunyenti kwebantfu kwabeka ebaleni sihluku lesentiwa hhayi kuphela ngumbutfo wemaphoyisa we-Union of South Africa, kodvwa nange-luhlelo lwekubandlulula ngebuhlanga leyabekwa licala lekukusekela. Njengembango esigodzini lesiseSheik Jarrah, lolunya eBulhoek belungasimayela-na nembango wesigodzi kuphela; belusisekelo lesi-phatselene nekutsatselwa umhlaba ngekucindzetela, kusebentisa kutfumba, kubandlulula ngebuhlanga kanye nekucindzetelwa kwebantfu labanembono wokungavumelani. Njengoba sibuka si-mobucayi sase-Middle  East ikakhulukati ngeku-hlupheka kwebantfu  basePalestine, kungaba kuhle kukhumbula emavi aSelby Msimang, lilungu lelasungula i-African National Congress.Ngemuva kwalesibhicongo saseBulhoek sekubulawa kwebantfu ngebunyenti wabhala watsi, “Umlandvo ukhombisile kutsi umphe-fumulo wemuntfu ngekwemvelo uvukela kungabi nebulungiswa.” Mibhikisho kanye neku-vukela kutfunjwa nekubandlululwa bantfu lebe-bacindzetelekile baseNingizimu Afrika kufakazela buciniso balesiprofetho. Njengebatsandzi benkhu-luleko nebebulungiswa, sima nebantfu basePalestine emitameni yabo yekutimela, kodvwa futsi nase-kumelaneni nekuncishwa kwabo emalungelo ebuntfu nekuphika sitfunti sabo. Njengetakhamuti telive lelakwati kufulatsela indzondo yebuhlanga nekucitseka kwengati siphindze sakhe umphakatsi lobandzakanya bantfu bonkhe logcile emalungelweni ebuntfu awonkhewonkhe, kulitsemba letfu sonkhe kutsi bantfu ba-ka-Israeli nebasePalestine ba-tolandzela indlela lefanako; batfolane nanekutsi batotfola kuthula.