Thuša go phološa maphelo 

Allison Cooper

Ba Sunflower Fund, ba ipiletša go Ma Afrika Borwa ka moka go tshegetša leano la bona la go neelana ka ma sole a madi go ya ka merafe gore ba phološe maphelo a banaGo ya ka Palesa Mokomele, hlogo ya papatšo le dikgoka ganyo ya Sunflower Fund, ke balwetši ba dikete bao ba hwetšwago ba e na le malwetši a go amana le madi ngwaga ka ngwaga.
Mengwageng ya go feta, bolwetši bjo bo be bo bolaya.
Lehono seo ga se sa direga gobane molwetši o tsentšhwa masole a madi ao a sa foko lego go thuša a gage ao a fokolago.
Ka manyami go boima go hwetša motho yo a nago le masole a madi a swanago le a gago, gomme se se dira gore go be boima gore bontši ba balwetši ba hwetše kalafi.
“Balwetši ba mmala ba hloka mahlatse ka lebaka la nomoro ya go ba fase ya baabi bao ba ingwadišitšego go tšwa go setšhaba sa bathobaso, bathommala le maIndia,” a realo Mokomele.
Monyetla wa bobedi wa bopheloBophelo ba Zyaan Makda wa dinyaga tše 19 bo ile bja fetoga ge ka ngwaga wa 2007 a hwetša gore o na le bolwetši bja heterozygote haemoglo binopathy , e lego bolwetši bja madi bja go ba kotsi bja go se alafege.
Go re a phologe o be a hloka go hwetša moabi wa masole a madi a go swana le a gagwe, eupša wa go swana le yena ga se a hwetšagala. Ka gona, o ile a swanelwa ke go tšhelwa madi nako le nako morago ga dibeke tše pedi.
"Ditšhika tša ka tša matso gong di ile tša emiša go šoma gomme ka swanelwa ke go lokelwa phote kgareng ya ka.
Ke ile ka itemogela molapo kgafetša kgafetša, ka ntšhwa santlhoko le letlapana la nyooko le go swarwa ke bolwetši bja kgolokgolo yeo e sa šomego gabotse. Ke be ke phela ke lofile sekolong ka lebaka la kalafo e bile ke be ke sa tšee karolo go tša dipapadi. Go phela nako ye telele ka sepetlele go be go le boima, “a realo.
Bolwetši bja Makda bo ile ba mo dira gore a lahlegelwe ke kgopolo le go swarwa ke bolwetši bja go idibala gomme o ile a swanelwa ke go fetša mengwaga ye me raro a sa ye sekolong. Le ge a be a le ka gare ga ditšhitišo tše, ga se a ka a felelwa ke tshepo. Mafelelong Makda o ile a hwetša moabi wa masole a madi a go swana le a gagwe, eupša seo se be se sa re gore mathata a gagwe a fedile. O ile a swanelwa ke go dira kalafo ya bobui bja bjoko go tloša lebadi bjokong bja gagwe.
“Gonabjale ke na le mengwaga ye meraro ke tsentšhitšwe masole a madi gomme ke phela bophelo bjoo ke se a kago ka nagana gore nka bo phela, ke leboga ditiro tša setho le botho tša moabi wa masole a madi a go swana le a ka wa Mojeremane”.
Eba Tshepo ya motho yo mongweNaledi Senamela yoo a nago le mengwaga ye 14 o hweditšwe a e na le bolwetši bja leukaemia (kankere ya madi) ka kgwedi ya Mopitlo ngwageng wa 2020. O tsene palong ya balwetši ba bantši ba letetšego go hwetša baabi bao ba nago le masole a madi a go swana le a bona.
Sa le ke lwala, ga ke sa kgona go diragatša gabotse ka sekolong. Ga ke sa kgona go kgatha tema dipapading goba go dira dilo tšeo ke bego ke di rata,” a realo Senamela, yoo a nyakago go ba ngaka.
Bao ba ratago go ba baabi ba go ba magareng ga mengwa ga ye 18-55 ba ka thuša Se namela le ba bangwe ba bantši bao ba hlokago baabi ka go ingwadiša go wepo saete ya Sunflower Fund.
Seo se hlokagalago fela ke semoni sa khothone le me tsotso ye mennyane ya nako ya gago. Kgopela khiti ya semoni go tšwa go Sunflower Fund ka go etela  www.sunflowerfund.org  goba o leletše 0800 12 10 82. 

