Go ketekwa Letšatši la Lefase la Dikgopolo tša Meswahla

Kgaogelo Letsebe

Setheo sa Boditšha batšhaba sa Dikgo polo tša Meswahla se netefaditše letšatši la 21 Hlakola bjalo ka Letšatši la Lefase la Dikgopolo tša Meswahla go keteka bao ba lwelago gore go akaretšwe magagabobona bao ba phelago ka bolwetši bo.
Kgopolo ya Moswahla (DS) ke bolwetši ba go amana le di agammele bjo bo tšwelelago nakong ya pelego. Setsebi sa tša bongaka seo se šomelago Mpumalanga Ngaka Midah Maluleka o bolela gore "go nale tlhamego ya seagamme le sa tlaleletšo sa bo21 ( Trisomy 21) seo se hlolago go diega kgolong ya mmele le ya kgopolo. Ga gona lebaka le lego pepeneneng la go hlola seagammele se sa tlaleletšo.
Go hlatsetšwe gore ga bo amane felo le seemo sa motho sa bophelo, morafe goba bo dumedi. Ebile ga se leabela."Maluleka o boletše gape le gore DS ke bolwetši bja go  tlwaelega kudu bja diaga mmele mo maseeng. "Lesea le tee godimo ga masea a sekete la go belegwa dinageng tše hlabologilego le lesea le tee godimo ga masea a 650 la go belegwa dinageng tšeo di hlabologago go swana le naga ya gaborena, ba angwa ke se. Palo ya go lekana 80% ya bana bao ba angwago ke bolwetši bja DS ba belegwa ke bommagobana ba ka fase ga mengwaga ye 35, le ge ba -sadi ba mengwaga ya go feta 35 e le bona bao ba bonwago ba le kotsing ye kgolo ya go ba le bana ba go belegwa ka DS."O bolela gore ka ge bolwetši bjo bo ka bonwa go tloga ge lesea le belegwa, go nale dika tše dingwe tšeo ka setlwaedi go tsebagalago gore ke tšona tšeo di ka lebelelwago. "Mo dikgatong tša mathomo tša go ima, bommagobana ba eletšwa go šomiša sekene sa go fetleka lesea le sa le ka mpeng le na le dibeke tše 12 go iša go tše 13. Sekene se se fetleka ka nepagalo bokoto ba diela tša ka morago ga molala wa lesea, tšeo di bitšwago gore ke nuchal translucency .
Gantši tšona diela tše e ba tše  kgolo go masea a go ba le DS.
Diteko tše dingwe tša go dirwa ge mmagongwana a sa imile di bitšwa amnioce ntesis . Diteko tše ke ge kelo ye nnyane ya amniotic fluid  e tšewa ya romelwa gore se fetlekwe diagammele. Teko ye e nepagetše ka 98% the kolong."Maluleka a re bana ba go ba le DS ba kgona go phela maphelo a bona ka botlalo, ba phele gabotse le go phela lebaka le le telele.
Le ge e le gore ga gona kalafo, batho ba go ba le DS ba ka holega ka go ba ka magaeng a lerato le borutho, ba fiwa tlhokomelo ye maleba ya bongaka, ba hwetša thušo e sale ka pela, le go abelwa ditirelo tša thuto le tša thute latiro. Ka baka la tlhokomelo ya maphelo ye gatetšego pele, batho ba bantši bao ba matšatšing a lehono ba be legilwego ka bolwetši bja DS ba ka phela tekano ya me ngwaga ye 55. Batho ba go ba le DS le bona ba nale maikutlo le dinyakwa tša go swana le tša motho mang le mang ebile ba swanelwa ke menyetla le tlhokomelo ya go swana le ya batho ba bangwe," a realo Maluleka.
Morutiši yo a lego pro fenseng ya Leboa Bodikela Tshepo Kekana o re, "Ga se barutwana ka moka ba dinyakwa tša go ikgetha bao go nyakegago gore ba išwe dikolong tša go ba phošolla mafokodi a bona a tlhago le tša go ikgetha. Go nale ba bantši bao ba kgonago go ithuta dikolong tša se tlwaedi. Ka go tšwelela go ba ruta, go ba thekga le go ba le bopelotelele, barutwana ba ba ka kgona go tšwelela.”  

