U livhana na vhuṱungu ha u xelelwa nga ane wa mufuna

Vukuzenzele unnamed

Vhathu vhanzhi vho xelelwa nga vhafunwa vhavho nga mulandu wa dwadze ḽa tshitzhili tsha corona nahone lufu lwa hone lu pfala lu tshi nga a si lwa vhukuma.
“A vha vhoṱhe”, vho ralo muḓivhi wa zwa muhumbulo Vho Zanele Ludziya u bva sibadela tsha Stikland ngei Kapa Vhukovhela.U xelelwa nga mufunwa wau a zwo ngo vhuya zwa leluwa nahone zwi nga ḓisa tshaka dzo fhambanaho dza vhuḓipfi.“Hu na zwiga zwinzhi zwine vha nga zwi limuha musi mufunwa wavho a tshi khou pfa vhuṱungu, fhedzi u sa vha hone ha zwiga a zwi ambi uri muthu ha khou pfa vhuṱungu.“Vhathu vha nga  sumbedza  u sinyuwa, u dinalea, u ṱungufhala kana u sa vha na dzangalelo. Nḓi-la ine vha ita ngayo zwithu na yone i nga kwamea, sa musi vha tshi nga vha vha tshi khou vhilaedziswa nga mihumbulo na ngelelo dza mufu. Vha nga dovha hafhu vha vha na thaidzo ya u thetshelesa kana vha sumbedza vha tshi kanganyisea”, vho ralo Vho Ludziya.Vha eletshedza vhathu uri vha ṱhogomele tshanduko dza vhuḓifari, dzi fanaho na u sokou lila kana u hulela ha tshumiso ya zwikambi na zwidzidzivhadzi. “Vha nga daha u fhirisa zwe vha vha vha tshi dahisa zwone, vha nga ḓibvisa kana u ḓivalela kana vha ṱutshela fhethu kana vhathu. Vha nga ṱoḓa vhudziki kana phosho khulwane. Vha nga pfa vha na mbiti kana vha dinalea nga u ṱavhanya”, vho ralo.Musi vha tshi khou tikedza muthu ane vha mu funa, Vho Ludziya vha ri zwi a thusa u pfesesa maitele a u vha vhuṱunguni na uri vhathu vha pfa vhuṱungu nga nḓila dzo fhambanaho. Vho ṱalutshedza uri u pfa vhuṱungu a si tshiimo, fhedzi ndi maitele, zworalo vhathu vha dzulela u fhira kha maga a u vha vhuṱun-guni.Maga  o ḓoweleaho a sumbedzaho u vha vhuṱunguniMaga o ḓoweleaho a u vha vhuṱunguni  ndi u sa ṱan-ganedza kana u ṱutshela kule na vhaṅwe vhathu (u tshenzhema tshivhevhe kana u hanganea); tsinyuwo (u sinyutshela vhaṅwe vha si na zwe vha tshinya); u ḓiimisela u ita tshiṅwe na tshiṅwe u fhelisa vhuṱungu (u ḓivhona mulandu kha zwithu zwe wa sa zwi ite kana u zwi amba); mutsiko (u ṱungufhala hune ha ḓa musi vha tshi limuwa uri vhutshilo vhu ḓo bvela phanḓa hu si na vhafunwa vhavho); na u ṱanganedza (u wana nḓila ya u isa phanḓa na vhutshilo hu si na honoyo muthu).“Nḓila nthihi ya u kona u tshila na nyimele kana u ṋetshedza thikhedzo ndi u pfesesa uri u kha ḽiga  ḽifhio ḽa vhuṱungu  kana ḽine ane vha mu funa a vha khaḽo. Hezwi zwi nga ita uri muthu a khou pfaho vhuṱungu a pfe uri zwine a khou tshenzhema zwo ḓowelea. Kha vha ḓifare kana u fara muṅwe muthu nga vhuthu, vha sa fheli mbilu na u pfesesa, vha na muhumbulo wa uri zwine vha khou zwi tshenzhema zwi ḓo fhira,” vho ralo Vho Ludziya.
 


