Go ba motswadi wa ngwana wa go ba le bolwetši bja go hwa dithunthwane

Allison Cooper

Mola e ka ba  semaka mo  go ba lapa  go tseba gore ka la-peng go na le ngwana wa go ba le bolwetši bja go hwa dithunthwa-ne, o le motswadi o ka dira gore ngwana wa gago a golele mo lapeng leo le amogetšego, leo le nago le lerato le kwešišo go dira gore ngwana wa gago a gole ka tumelo ya gore o na le bokgoni bja go atlega.
Go ya ka Epilepsy South Africa, gare ga tše dingwe batswadi ba ka tshwenyega ge ba nagana ka bokamoso bja ngwana wa bona, gomme  se se ka dira gore go be boima go bolela ka bona goba go amogela gore bana ba bona ba na le bolwetši bja go hwa dithunthwane. O ka kwa o befetšwe, o gatelegile monagano, o inyatša le go itshola, eupša o ka fola mo maikutlong le go emiša go ba mo tlalelong ka go ithuta ka bolwetši bjo.Bolwetši bja go hwa dithunthwane ke bolwetši bja go idibala gantšhi, gomme  se se direga ge go na le to-kollo ya mohlagase ya go se tlwaelege ka bjokong.Gobaneng ngwana wa ka?Go kwešiša bolwetši bja go hwa dithunthwane le gore gobaneng motho a idibala gantšhi ga go hlalose lebaka la gore se se diragaletšeng go ngwana wa gago.Mo dipegong tša go ba-lelwa go tše 66%, mabaka a tlholo ya dithunthwane ga a tsebege. Se se bitšwa dithunthwane tša go se tsebege. Mo dipegong tša go šala mabaka a tlholo a ka hlaolega, gomme a tsebja bjalo ka dithunthwane tša go ba le dika. Go ka ba le mabaka a go fa-pana a go bo hlola go swana le kgobalo ya hlogo, yeo e ka diregago mo mengwageng efe goba efe; kgobalo ya pe-lego, go swana le tlhaelelo ya oksitšene nakong ya pelego; dithunthwane tša letadi, go ruruga bjoko, menentšaethisi goba mooko wa bobjana; le go se lekane ga dikhemikhale tša mmele.Ngaka e tla fana ka dihlare a lebeletše mengwaga, seemo sa mmele le ka fao ngwana wa gago a idibalago ka gona. Gopola, dihlare tša go thibela go idibala ga di fodiši bolwetši bja go hwa dithunthwane eupša, gantši di fokotša bontši le bogale bja go idibala.
Maele a mangwe mabapi le go ba motswadi wa ngwana wa go ba le bolwetši bja go hwa dithunthwane:
• Lemoša ngwana wa gago ka bolwetši bjo. Bana ba bonnyane bja mengwaga ye meraro ba ka kwešiša gore bjoko bo laola mme-le. Bana ba bagolwane ba swanela go fiwa tlhalošo ka botlalo.• Tsebiša maloko a kgauswi le bagwera ba ngwana wa gago, barutiši le bahlanke-di ba bangwe ba sekolo ba maikarabelo. • Kgonthiša gore ngwana wa gago o amogela tshekatsheko ka botlalo ya kalafo ya go dirwa ke setsebi sa go ba le mangwalo a maleba, gabotse ngaka ya bjoko le methapo.• Gatelela bokgoni bja  ngwana wa gago le me-diro ye mengwe yeo e tlogo kaonafatša boika-mogelo bja gagwe, boitlhompho le boitshepho. • Kgonthiša gore go ba le tlhokomelo ka motho yo mogolo mo medirong ye mengwe, go swana le go rutha.• Kgonthiša gore dihlare di šomišwa le go nwewa ka mehla bjalo ka ge go laeditšwe.• E ba le lenaneo la ditiro tše di swanetšego go dirwa ka mehla, go be le nako ye ntši ya go khutša, go be le dijo tša phepo ye botse gararo ka letšatši le boitšhudullo bja ka mehla.• Ge o hlalosa bolwetši bja go idibala šomiša mantšu ao ngwana wa gago a tlo-go a kwešiša.• Se tsoge o dumeletše ngwana wa gago go šomiša bolwetši bja go idibala go širela gore a se dire mešongwana ya ka gae goba go amogela maika-rabelo. 