Natsa emanti kute ugweme koma

Allison Cooper

Kushisa kakhulu nekunganatsi  ngalokwanele  lokusamanti kungaholela ekomeni kanye nekugu-la lokubangwa kushisa kakhulu, lokungaholela ekufeni.
Ngekusho kweLitiko Le-temphilo laseNshonalanga Kapa, kushisa kwasehlobo kuhamba nebungoti lobusetulu bekoma, lokuyindlela yekulahlekelwa ngemanti lokuyingoti emtimbeni.Koma imvamisa kubangwa kunganatsi lokusamanti lokwanele kuvala sikhala se-manti lalahleka ngenca yeku-juluka. Kungabangwa futsi kugula, lokubanga kuhlanta kanye/nome ngumsheko, nome kujuluka ngenca yemkhuhlane.Kulahlekelwa ngulokusa-manti emtimbeni akwenteki kuphela nangabe wenta imisebenti lematima yemtimba, kodvwa kungaphindze futsi kubangwe kuhamba, kulima engadzini nome ku-gibela ibhayisikili, ikakhulu nakushisa nome nakunetimo letinemswakamo.Nangabe womile, umtimba wakho ngeke ukhone kuse-benta njengalokwetayelekile. Bantfwana labangephasi kweminyaka lesihlanu, bantfu lasebakhulile kanye nebantfu labasebentela ngephandle ikakhulu koma kubahlasela kalula kanye nekugula lokubangwa kushisa kakhulu (simo lesibangwa kutsi umtimba wakho ushisa kwalokwecile).Kugula lokubangwa  kushisa kakhulu simo lesi-phutfumako setemphilo. Tfola lusito lwetekwelashwa ngekushesha nangabe kunaletimphawu letilandzelako:
• Kutiva sengatsi ingcondvo  iphicene nome kutiva sewucala kukhuluma ngekunamula futsi unga-vakali.• Kunyakuka nekuhlanta.• Kuphefumula ngekushe-sha, nekuphefumlela pha-si.• Inhlitiyo icale kushaya ngekushesha.• Kunkenketsa kwenhlokoTimphawu tekwecwayisa ngekomaLetinye tetimphawu tekucala tekwecwayisa ngekoma tifa-ka ekhatsi:
• Komela emanti nekucale-ka.• Koma umlomo.• Kukhatsala.• Kuchama umchamo lofuna kuba mnyama, nalonuka kabi.• Kungachami njalo  kunaloko lokwetayelekile.Kuhlala ungomi kanye nekwegwema kugula lokubangwa kushisa kakhulu kufanele kutsi:
• Unatse emanti lamanyenti kunaloko lovamise kukwenta ngemalanga lashi-sako.• Hlala endlini nome etindzaweni letinemtfunti.• Gcoka sigcoko lesinembenga lenkhulu nome usebentise sambulelo.• Hlala njalo uphetse libhodlela lemanti futsi unatse emanti njalo.• Tsatsa emakhefu njalo nangabe usebentela nge-phandle elangeni. • Tipholise ngekutsi usebentise libhodlela lekuti-fafata.
Tinswane nebantfwanaBatali kanye nebanakekeli bebantfwana kufanele kut-si babanakekele kakhulu bantfwana kanye netinswane, kwenta siciniseko sekutsi bahlala bangakomi. Bomake labamunyisako kufanele kutsi batimunyise njalo tinswane tabo nangabe kushisa kakhulu.Gcina bantfwana basekhatsi etindlini nome ba-semitfuntini, bagcokise tembatfo letilula futsi ubesule ngendvwangu le-manti kubasita kutsi bahlale njalo bapholile. Khumbula kubagcobisa ngemafutsa ekubavikela kutsi bangashiswa lilanga nabaphumela ngephandle.Nangabe bantfwana la-bangephasi kweminyaka lesihlanu babonakala ba-tikhulula emangcoliso abo lamanti, babonakala bahlanta futsi bakhatsele, tfola lusito lwetekwelashwa masinyane. Phindza futsi ufune kunakekelwa ngekwetemphilo nangabe luswane lakho alukhoni kumunya nome lunemehlo lashone ekhatsi futsi nesikhala salo lesisenhloko sishona ekhatsi (sikhala enhloko).Kubantfwana, letinye timphawu tekucwayisa nge-koma tifaka ekhatsi:
• Umlomo lowomile nome lonamatselako.• Tinyembeti letincane nome letingekho nakakhalako.• Kuchama kancane nome emanabukeni lamanti kancane kunalokutayelekile.• Sikhumba lesomile, lesipholile.• Luvelelo.• Kotela nome kushaywa siyeti.
