Ka fao o ka thibelago go ima ga batšwamahlalading

vukuzenzele unnamed

Go nale mekgwa ya go fapafapana ya go thibela go ima ga batšwamahlalagad ing, mekgwa yeo e akaretša go ikgethela go se tsenele thobalano go fihlela o nyetšwe goba ge o itokišeditše go ba le bana.
Batho ba bangwe ba na gana gore go ikilela (go ikgethela go se tsenele thobalano go fihlela ge o nyetšwe) ke dilo tša kgale, mola ba bangwe ba bona e le botho go dira bjalo. Go le bjalo, batšwamahlalading ba swanetše go itšeela diphetho.Batho ba bantši ga ba nyake go leta go fihlela ge ba nyalwa pele ba ka tsenela thobalano. Ebile ga ba nyake go phakiša go dira dilo le go dira diphošo tše kgolo.Gantši ba tšea sephetho sa gore go diegiša go tsenela tša thobalano go fihlela ge e le ba bagolo, ba nale maikarabelo, ba le ka gare ga dikamano tša go se tekateke mo ba ratanago le motho wo tee ebile ba šoma ke kgetho ye kaonekaone ye ba ka e letelago. Ge o ikgethela go ikilela goba go diega go tsenela thobalano, go nale dilo tšeo o ka di dirago go itšhireletša:
• Kgetha bagwera ba gago ka šedi ye kgolo. Ba gwera ba mmakgonthe ba swanetše go go ratela dilo tše botse ebile ba swanetše go hlompha sephetho sa gago sa go se tsenele thobalano.• Hlokomela maemo ao a ka dirago gore o ikwe o sa bolokega, go swana le bagwera ba go nwa goba ba go diriša diokobatši, tšeo di ka dirago gore o fe-letše o tsenetše thobalano ya go se bolokege.• Hlokomela balekani bao ba o botšago gore o swanetše go robala le bona ge o ba rata.• Theeletša le go ithuta go bao ba ilego ba ima e le batšwamahlagading gore ba fetile bjang. Ba tseba diphošo tša gona le ditlamo rago tše mpe.• Theleetša le go ithuta go tšwa batswading ba gago ka maitemogelo a bona a bophelo.
Ge o tšea sephetho sa gore go ikilela le go diega go tsenela thobalano ga se diphetho tše kaone tšeo di go loketšego wa ikgethela gore o ka se kgone go ema, tšea nako go ithuta ka fao o ka itšhireletšago ka gona, go akaretšwa le dithibelapelegi, e lego go šomiša mokgwa (wa setlwaedi goba wa dikhemikhale) go thibela go ima. Go nale dithibelapelegi tša go šoma ka ditsela tša go fapafapana, eupša ka moka di diretšwe go thibela go ima. Tšona di akaretša dithibelapelegi tše ka tšewago go swana le dipilisi; dithibelapelegi tša go hlabelwa; le dikhontomo tša banna le tša basadi.
Nka dira eng ge ke imile?Ge o gonona gore o kaba o imile, sepela le motho yo o mo tshephago go ya kiliniking ya kgauswi gore o dirwe diteko tša go ima.Tlhokomelo ya baimana (go hlokomela masea ao a sa lego ka dipopelong tša bommagobona) e bohlokwa ebile ka setlwaedi e thoma ka dibeke tše seswai. Klini-ki ya kgauswi le wena e ka go thuša ka tlhokomelo ya baimana ebile mošomedi wa tlhokomelo ya maphe-lo o tla go thuša go hlama thulaganyo yeo e loketšego wena le lesea la gago.Ge o imile, go bohlokwa gore o je dijo tše loketšego mmele tša phepo, o itšhidulle, o robale nako ye leka-nego le go efoga diokobatši le madila.
*Tshedimošo ye le e tlišetšwa ke Kgoro ya Maphelo ya KwaZulu-Natal.
GO IMA GE O LE motšwamahlagading go tla ama bophelo ba gago ka moka, eupša go nale mekgwa yeo o ka e latelago gore o seke wa ima o sa ipeakanyetša.