CGE e thuša batho go fihlelela ditirelo tša toka

Dale Hes

Batšwasehlabelo ba Dikgaruru tšeo di Ikadilego ka Bong (GBV) bao ba palelwago ke go hwetša thušo le thekgo yeo ba e nyakago ba hlohleletšwa go ikgo kaganya le Khomišene ya Tekatekano ya Bong (CGE).
CGE e ka thuša ka ditirelo tša toka ditshekong tša tlho komelo ya bana, tša tlhorišo ka thobalano, tša go kgetho llwa ka bong le go tša GBV , e bile e aba maele le ditirelo tša molao tša go se lefelwe go batšwasehlabelo.
Mofihli Teleki wa  Khomišene o re wo mongwe wa mešomo ya CGE ke go thuša batšwasehlabelo go bula melato ya kgorotsheko.
“Karolo ya Boramolao/Mmamolao e tla felegetša bangongoregi go dikgoro tsheko tša masetrata go bula melato ya dikgaruru tša ka malapeng le go ba thuša ka go tlatša difomo tšeo di hlokegago. CGE e kgatha gape tema ya go lekola me lato, go akaretšwa ya kato le melato ya thobalano le dipo lao tša basadi ke banna”.
CGE e thuša gape  motšwasehlabelo go  hwetša taelo ya tšhireletšo gomme gantši e šomišana le Setheo sa Bosetšhaba sa Bosekiši go kgonthiša gore motšwasehlabelo o hwetša tsheko ya toka. “Ka tsela ye, CGE e dira Pego ya Tekolo le go dira mošomo wa yona wa tekolo ya melato le go lekola dintlha tša bohlokwa, go swana le maitshwaro a go se amogelege a mohlankedi wa tshepedišo, go hloriša bao ba phologilego lekga la bobedi le dipotšišo tša boramolao/mmamolao tšeo di se nago le taba le maikutlo a batšwasehlabelo,” gwa hlaloša Teleki.
Ge batšwasehlabelo ba palelwa ke go fihlelela toka ka Dikgorotshekong tša Dikgaruru tša ka Malapeng, CGE e ka ba emela, ya ba emela ka semolao.
E kgona gape go romela batšwasehlabelo go hwetša thekgo ya thobamatswalo.
Tirelo ye bohlokwaCGE e dutše e šoma bjalo ka tirelo ye bohlokwa nakong ka moka ya go dula ka gae.
“Le ge melato ye mengwe ya kgorotsheko e šutišitšwe ka lebaka la go dula ka gae, ditsheko tša tšhoganetšo tšeo di lebanego le dikgaruru tša ka malapeng le tša GBV di tšwela pele go hwetša thušo ka lenaneong la toka,”gwa realo Teleki.
CGE e kgonthiša gore ditokelo tša setšhaba di a šireletšwa. “Afrika Borwa ke temokrasi yeo e sa khutišego selo, yeo e ikgafetšego di tokelo tša batho tša motheo, go akaretša tokelo ya tekate kano le seriti se bohlokwa sa batho, go ya ka dinyakwa tša Molaotheo.”  
Bula molato Batšwasehlabelo ba GBV le tlhorišo ba ka leletša nomoro ya go se lefelwe ya CGE ya 0800 007 709 go bula molato. Ba ka romela gape molaetša letlakaleng la Facebook: Gender Co mmission of South Africa.

