Mbekanyamushumo ya Woza Matrics  yo rwelwa ṱari

Dale Hes  

MBEKANYAMUSHUMO YA WOZA MATRICS  yo ḓiimisela u thusa vhagudiswa vha Gireidi 12 vhoṱhe uri vha phase milingo yavho ya u fhedzisela.
Vhagudiswa vha maṱiriki vha ṋaṅwaha vho ṱangana na khaedu vhukuma nga ṅwambo wa tshitzhili tsha corona (COVID-19).
Muhasho wa Pfunzo ya Mutheo wo vhona uri u vula zwikolo nga nḓila yo tsireledzeaho ndi tshiṅwe tsha zwipikwa zwawo zwihulwane, khathihi na u tikedza vhagudiswa nga mbekanyamushumo dzo fhambanaho u itela u vha thusa uri vha khunyeledze ṅwaha wa ngudo nga nḓila yavhuḓi. Tshiṅwe tsha hezwi ndi mbekanyamushumo ya Woza Matrics , ye ya rwelwa ṱari nga ḽa 01 Khubvumedzi nga tshumisano na vhunzhi ha vhashumisani vha nyanḓadzamafhungo na vhaḓivhi vha zwa pfunzo. Sa tshipiḓa tsha mbeka-nyamushumo, ngudo dza u ita mushumo wo salelaho murahu kha thero dza rathi dza maṱiriki dza ndeme dzi khou hashiwa muyani kha SABC, DSTV na kha  Openview  (Channel 122) ḓuvha ḽiṅwe na ḽiṅwe lwa vhege dza 12, u bva nga awara ya 8 u swika nga 10 nga matsheloni na nga awara ya 1 u swika 3 nga masiari. Tshipikwa ndi u thusa vhagudiswa u ḓilugisela milingo ya u fhedzisela. Tshikhala itshi tshi ṋetshedza hafhu na ngudo dzi no itwa thwii, dzine vhagudiswa vha nga vhudzisa vhagudisi mbudziso. Tsivhudzo dza mulingo na dzone dzi a ṋetshedzwa. Woza Matrics  yo vhona uri musi vhagudiswa vhoṱhe vho xelelwa nga tshifhi-nga tsha tshikolo, vha gireidi 12 ndi vhone vho kwameaho nga maanḓa, saizwi maraga dzavho dzi dza ndeme vhukuma kha buḓo ḽa mushumo ḽavho na u ṱanganedzwa yunivesithi.  Minisṱa wa Pfunzo ya Mutheo Vho Angie Motshekga vho amba uri mbekanyamushumo iyi ndi ya ndeme, ho sedzwa u thithiswa ha vhugudisi ho vhangwaho nga COVID-19 . Vho amba uri: “murole wa maṱiriki u dzulela u vhilaedza, fhedzi 2020 yo vha yo ḓala mi-tsiko i songo ḓoweleaho. Ndi tama u fhululedza vhagudiswa vhoṱhe vha gireidi 12 na miṱa yavho kha u konḓelela na vhuḓiimiseli. Zwi tou vha khagala zwauri thikhedzo iṅwe i khou ṱoḓea kha vhagudiswa nahone ri ḓo isa phanḓa na u i ṋetshedza. Hu tou vha na miṅwedzi i si gathi yo salaho musi ṅwaha u sa athu fhela, zwo ralo Woza Matrics  i ḓo ṋetshedza vhagudiswa thikhedzo ine vha i ṱoḓa u itela u lugisela milingo ya u fhedzisela.Mbekanyamushumo iyi yo khethea ngauri i thusa vhunzhi ha vhagudiswa vha Gireidi 12 kha shango vhane vha sa kone u swikela inthanethe na zwishumiswa zwa didzhithala zwi ṱuṅwaho. U hasha muyani zwi ḓo vha hone u itela u swikela nga vhunzhi vhagudiswa vha 1.2 miḽioni vhane vha ḓo ṅwala milingo ya Maṱiriki nga Lara. Khoro ya Minisṱa dza zwa Pfunzo yo humbela vhagudiswa na vhabebi vhoṱhe u shumisa tshikhala hetshi. CEO wa SABC Vho Madoda Mxakwe vho amba uri muhashi u a ḓihudza nga u vha tshipiḓa tsha vhurangeli uhu. “Ri a takala u vha muṅwe wa vhashumisani vha ndeme kha u phulusa ṅwaha wa Maṱiriki wa 2020. Sa muhashi wa tshumelo dza vhathu, ri a vhofhea nga mushumo u vhona uri mbekanyamushumo dzi katele tshivhalo tsha mbekanyamushumo dza zwa pfunzo dzo teaho, nga maanḓa nga tshifhinga tshine zwa vha zwa ndeme vhukuma.”Mbudziso dzavho dzo fhundulwaNdi thero dzifhio dzine dza ḓo itwa?• Maths• Geography• Life sciences • Physical sciences • Accounting • Maths literacy.
Ndi ngani zwifhinga izwi zwo nangiwa, ngauri vhagudiswa vha nga kha ḓi vhe tshikoloni?• Zwifhinga zwa u dzhena tshikolo zwi a fhambana u ya nga zwiṱiriki na mavundu, nga mulandu wa maga a tshikhala vhukati ha muthu na muṅwe. Vhunzhi ha vhagudiswa vha maṱiriki vha ḓo vha vhe hayani nga tshifhinga tsha u hasha.
• Phesenthe ṱhukhu ya vhagudiswa vha khou dzhena tshikolo vhe hayani.
• Khasho khulwane dzi ḓo dovhololwa musi awara ya 4 nga masiari yo no fhira kha Openview na kha DSTV Catch-Up .Ndi ngani zwi tshi khou itelwa vha maṱiriki fhedzi?• Vhagudiswa vha maṱiriki vha fhasi ha mutsiko muhulu wa ndugiselo ya matshilo avho nga murahu ha u fhedza tshikolo.
• Vhagudiswa vha maṱiriki vho ṱangana na u thithisea huhul wane vhukuma kha  zwa tshikolo u bva nga Ṱhafamuhwe 2020 ngauri kharikhuḽamu yavho a yo ngo pfufhifhadzwa.
• Vhagudiswa vha maṱiriki vho salelesa murahu kha ngudo ya kharikhuḽamu.Ndi nga wana ngafhi shedulu ya u vhona mbekanyamushumo?Shedulu ya u vhona mbekanyamushumo i wanala kha ndaedzi ya TV na kha webusaithi ya Woza Matrics  kha wozamatrics.co.za . Ndovhololo ya khasho i ḓo wanala.  Thikhedzo i khou ṋetshedzwa vhabebi na vhadededzi?Ee. Shedulu ya khasho i ḓo vha na zwiṅwe zwifhinga zwa tsivhudzo dza vhabebi dzi ambaho nga nḓila dza u tikedza vhana vhavho vha maṱiriki. Zwiṅwe zwifhinga zwi ḓo sedza kha vhadededzi nahone tshipiḓa tsha Teacher Connect WhatsApp tsha Muhasho wa Pfunzo ya Mutheo tshi ḓo ḓivhadza vhadededzi milaedza ya ndeme. Hu ḓo vha ndingedzo dza u sedzana na mitsiko ine vhagudiswa vha maṱiriki vha ṱangana nayo?Ee. Hu ḓo vha na zwifhinga zwinzhi zwo sedzaho kha u ṋetshedza tsivhudzo nga ha mutakalo wa matshudeni, u kona u tshila na mutsiko na u kona u langa mbilaelo.
U wana mafhungo nga vhuḓalo, kha vha dalele webusaithi ya Woza Matrics  kha: wozamatrics.co.za  kana vha rumele imeiḽi kha:  info@wozamatrics.co.za