Woza Matrics  e tsebagaditšwe

Dale Hes 

LENANEO LA WOZA MATRICS le ikemišeditše go thuša baithuti ka moka ba Kreiti ya 12 go atlega ditlhahlobong tša bona tša mafelelong a ngwaga.
 Baithuti ba Mare matlou ba ngwa ga wo ba tla leba na le mathata a magolo ka lebaka la coronavirus  (COVID-19).
Kgoro ya Thuto ya Motheo e netefaditše gore go bulwa ga dikolo ka fao go bolokegilego ke ye nngwe ya dilo tšeo e di beilego pele, gotee le go thekga baithuti ka mananeo a mehuta-huta go ba thuša gore ba phete ngwaga wa bona wa dithuto ka katlego. Ye nngwe ya tše ke lenaneo la Woza Matrics , leo le tse-bagaditšwego semmušo ka la 1 Lewedi ka tirišano le badi-rišanimmogo ba mmalwa ba kgašo le ditsebi tša thuto. Bjalo ka karolo ya lenaneo le, dithutwana tša tlaleletšo ka ga dithuto tše bohlokwa tše tshela tša Marematlou di gašwa go SABC, DSTV le go Openview (Channel  122) letšatši le le-ngwe le le lengwe mo dibe-keng tše 12, go thoma ka iri ya seswai mesong go fihla ka iri ya lesome mesong le ka iri ya pele mosegare go fihla ka iri ya boraro mathapama. Mai-kemišetšo ke go thuša baithuti go itokišetša ditlhahlobo tša mafelelong a ngwaga. Ditšhanele tše di fana ka di-thutwana tša kgašothwii, tšeo go tšona baithuti ba ka botšiša-go barutiši dipotšišo. Go fiwa gape le dikeletšo ka ga ditlhahlobo. Woza Matrics e lemoga gore le ge baithuti ka moka ba lahlegetšwe ke nako ya sekolo, baithuti ba Kreiti ya 12 ke bona bao ba amegilego gampe kudu, ka ge meputso ya bona e le bohlokwa kudukudu gore ba hwetše mešomo le go amogelwa ka diyunibesithing.Tona ya Kgoro ya Thuto ya Motheo Angie Motshekga o bolela gore lenaneo le le bohlokwa, ka lebaka la ge go ithuta go šitišitšwe ka lebaka la COVID-19 . “Marematlou ka mehla o tliša kgatelelo ya menagano, eupša ngwaga wa 2020 o tletše ka dikgatelelo tša menagano tše di sego tša tlwaelega. Ke rata go lebogiša baithuti ka moka ba Kreiti ya 12 le ba malapa a bona ge ba kgotleletše le ka ga maikemišetšo a bona. Go tloga go le nyanyeng kudu gore thekgo ya tlaleletšo e a nyakega go baithuti gomme re tla tšwela pele go fana ka yona. Go šetše dikgwedi tše mmalwa pele ga ge ngwaga o fela gomme Woza Matrics e tla fa baithuti thekgo ye ba e hlokago gore ba itokišetše ditlhahlobo tša mafelelong a ngwaga,” a realo.Lenaneo le le swana le nnoši ka gore le nepišitše bontši bja baithuti ba Kreiti ya 12 ka mo nageng bao ba sa kgonego go fihlelela inthanete kgafetša-kgafetša le go ditlabelo tša titšithale tše di kgokaganywa-go le inthanete. Dikgašo di tla bogelwa ke bontši bja baithuti ba 1.2 milione bao ba ngwalago ditlhahlobo tša Marematlou ka Dibatsela. Lekgotla la Di-tona tša Thuto le ipileditše go baithuti ka moka le batswadi go šomiša ditšhanele tše. Mohlankedimogolophethiši (CEO) wa Lekgotlakgašo laAfrika Borwa Madoda Mx akwe o bolela gore mogaši wa setšhaba o a ikgantšha ge e le karolo ya lesolo le. “Re thabile go ba yo mongwe wa bakgathatema ba bohlokwa bao ba bolokago ngwaga wa Marematlou wa 2020. Bjalo ka mogaši wa ditirelo tša setšha-ba, re tlamega go netefatša gore tšeo re gašago ka tšona di akaretša palo ye kgolo ya mananeo a thuto, kudukudu ka nakong ye yeo e hlokegago kudu.”Dipotšišo tša gago di a arabiwaNaa ke dithuto dife tšeo di tla rutwago?•	Maths•	Geography•	Life Sciences •	Physical Sciences •	Accounting •	Maths Literacy . Naa ke ka lebaka la eng dinako tše tša kgašo di kgethilwe ka gore baithuti ba tla be ba le sekolong?•	Dinako tša go ya sekolong di a fapana go ralala le dilete le diprofense, ka lebaka la magato a go tlogela sekgoba magareng ga batho. Baithuti ba bantši ba Marematlou ba tla be ba le ka gae ka nako ya kgašo ya mananeo a. •	Persente ye nnyane ya baithuti le yona e tsenela dithuto tša sekolo ba le ka gae. •	Dikgašo tše kgolo tša mananeo a di tla bušeletšwa ka morago ga iri ya bone mathapama go Openview gomme di tla gašwa gape go DSTV Catch-Up.  Naa goreng go gašetšwa baithuti ba Marematlou fela?•	Baithuti ba Marematlou ba ka fase ga kgatelelo ye kgolo gore ba beakanyetše maphelo a bona a ka morago ga ge ba feditše dithuto tša sekolo.•	Baithuti ba Marematlou ba lebane le tšhitišo ye kgolo go dithuto tša bona tša sekolo go tloga ka Hlakola 2020 ka gobane lenaneothuto la bona ga se la kopanafatšwa.•	Baithuti ba Marematlou ba šaletše morago kudu ka ga go ithuta lenaneothuto la bona.
Naa nka hwetša kae dinako tša kgašo?

 Dinako tša kgašo di hwetšagala go dišetule tša mananeoa thelebišene le go wepsaete ya Woza Matrics  gowozamatrics.co.za . Dipušeletšo tša kgašo di tla hwetšagala.
Naa	go	na	le	thekgo	ye	e	fiwago	batswadi	le	barutiši?Ee. Dinako Dinako tše tša kgašo di tla ba le mananeo ao	go	ona	batswadi	ba	fiwago	dikeletšo	ka	ga	ka	fao	ba	ka thekgago bana ba bona ba Marematlou. Mananeo a mangwe a kgašo a tla nepiša barutiši gomme kgokagano ya WhatsApp ya Teacher Connect ya Kgoro ya Thuto ya Motheo e tla romela barutiši melaetša ye bohlokwa.
Naa go tla ba le nepišo mabapi le go šoma ka kgate lelo ya monagano yeo baithuti ba Marematlou ba lebanego le yona?Ee. Go tla ba le dikgašo tše mmalwa tšeo di nepišitšego go fana ka dikeletšo mabapi le go phela gabotse ga baithuti, go kgona go phela ka kgatelelo ye le go laola letšhogo.
Go hwetša tshedimošo ka botlalo, etela wepsaete ya Woza Matrics go wozamatrics.co.za  goba romela emeile go info@wozamatrics.co.za