Mudzimamulilo wa Crew Juliet u ri kovhela tshiṱori tshawe

Dale Hes 

VHAFUMAKADZI vha fanela u ita zwithu zwiswa,u ralo mudzimamulilo.
Muswa ane a vha mudzimamulilo, Vuyiseka  Arendse wa miṅwaha ya (26) ndi muraḓo wa  Crew Juliet, tshigwada tsha zwa u  dzima mililo ya  ḓaka tsha u tou thoma tsha vhafuma-kadzi fhedzi kha ḽa Afrika Tshipembe. Nungo dzawe na vhuḓiimiseli hawe kha u ṱoḓa u ḓiitela dzina kha ḽifhasi ḽa mushumo wo ḓalesaho vhanna wa zwa u dzima mulilo i tou vha ṱhuṱhuwedzo ya vhukuma kha vhafumakadzi vhoṱhe.
Arendse o alutshela ḓoroboni ṱhukhu ya Kapa Vhukovhela, Beaufort West. Nga murahu o fhedza tshikolo, o lingedza u ya u guda gudedzini ḽa Oudtshoorn, fhedzi a nanga u humela hayani u tikedza muṱa wa hawe. O shuma vhengeleni lwa tshifhinga nyana, fhedzi zwa vhudzimamulilo zwa kunga maṱo awe.“Ndo vhona vhadzimamulilo vho ambara yunifomo dza-vho na maṱiraka matswuku mahulu.Nda mbo ḓi thoma u zwi takalela na zwenezwo nda vho  ṱoḓa u ḓivha zwinzhi,” u ralo Arendse.  Arendse o vha muṅwe wa  vhatelwadigirii vha mbekanyamushumo ya mveledziso ya vhaswa ya Chrysalis Academy nga muvhuso wa Kapa Vhukovhela nga 2016.  Nga murahu ha mbekanyamushumo, o shuma kha tshiṱitshi tsha zwa vhudzimamulilo ngei Beaufort West a tshi hola R1 900 fhedzi nga ṅwedzi. Fhedzi o ḓo wana tshikhala tshe tsha ṋetshedzwa nga Tshumelo dza zwa Mupo dza NCC ṅwaha wo fhiraho. “Ndo vha ndi Chrysalis Academy sa mutshimbidzi musi NCC i tshi ḓa u amba na matshudeni nga ha tshikhala tsha u ita khumbelo ya pfum-budzo ya tshigwada tsha u dzima mililo ya ḓaka tsha u tou thoma tsha vhafumakadzi fhedzi. Naho ndo vha ndi si muṅwe wa matshudeni, ndo vha na dzangalelo vhukuma nda mbo ḓi ita khumbelo ya u dzhenela kha pfumbudzo, na uri nda mbo ḓi ṱanganedzwa,” u ralo  Arendse.Arendse o ḓo ita pfumbudzo, ye ya katela masia a theori na u tou ita mushumo wa zwa vhudzimamulilo. “Ndo guda zwinzhi vhuku-ma. Tsha u thoma, ndo vha ndi sa ḓivhi uri hu na vhadzima-mulilo vha shumaho u dzima mulilo wa maḓaka. Ndo vha ndi tshi humbula u nga vhoṱhe vha shuma dziḓoroboni fhedzi u dzima mililo kha zwifhaṱo,” u ralo. Arendse o ḓadzisa nga uri zwo vha vhuḓipfi vhu mangadzaho u phasa pfumbudzo na u vha tshipiḓa tsha tshigwa-da tsha zwa vhudzimamulilo tsha vhafumakadzi fhedzi tsha u tou thoma tshi sa faniho na zwiṅwe. “Ndo pfa ndo takala vhuku-ma, nga maanḓa ngauri musi ndi tshi vhudza vhathu uri ndi khou ṱoḓa u vha mudzimamulilo, vhunzhi havho vho ri ndi nga si kone u zwi ita ngauri ndi mufumakadzi nahone ndi nga si kone u konḓelela u ita mushumo uyu. Hezwi zwo nkombetshedza u vha sumbedza uri ndi nga zwi kona, hu si u itela nṋe fhedzi, fhedzi na vhafu-makadzi vhoṱhe vha Afrika Tshipembe.”Arendse u ri u lwa hawe na mulilo muhulwane vhukuma lwa u tou thoma ngei Noord-hoek ho vha khaedu fhedzi ha dovha ha vha tshenzhemo ya mbuelo khulwane. “Ḽo vha ḽi diso ḽanga ḽa awara dza 24 dzoṱhe ḽa u tou thoma na u dovha lwa vha lwa u thoma ri tshi khou shuma roṱhe na vhaṅwe vhadzimamulilo vha vhanna. Zwo vha zwi tshi khou netisa na u fhisesa nga maanḓa ro ambara zwiambaro zwa u ḓitsireledza zwashu fhedzi ra fhedza mushumo nahone vhuḓipfi nga murahu ho vha havhuḓi vhukuma.”Arendse u ṱuṱuwedza vhafu-makadzi vha Afrika Tshipembe uri vha songo ḓidzhiela fhasi na luthihi. “Vha songo ṱaluswa nga zwine vhathu  vha ri vha nga kona na zwine vha ri vha nga si kone.”  v*U sedza zwikhala zwinzhi zwi ṋetshedzwaho nga Tshumelo dza zwa Mupo dza NCC, kha vha vha tevhele kha siaṱari ḽa Facebook. Vha nga ḓi dovha vha founela hafhu kha 021 702 2884 (Ḓoroboni ya Kapa), 010 007 5272 (Gaut-eng), 031 003 2964 (KwaZu-lu-Natal) kana 041 101 1033 (Kapa Vhubvaḓuvha). Muswa ane a vha mudzimamulilo,Vuyiseka Arendse ndi muraḓo wa tshigwada tsha vha u dzima mulilo vha vhafumakadzi fhedzi tsha u thoma Afrika Tshipembe.