
Afrika Tshipembe ḽi khou shuma u tandulula thaidzo ya ṱhahelelo ya venthiḽeitha

Silusapho Nyanda

VENTHIḼEITHA  dzi bveledzwaho fhano hayani dzi ḓo thusa vhalwadze vha re na tsumbadwadze dza COVID-19 dzine dzi sa vhe khombo nga maanḓa uri vha kone u fema zwo leluwa.
Nndwa ya u lwa na vhulwadze ha tshitzhili tsha coro-na (COVID-19) Afrika Tshi-pembe yo khwaṱhiswa nga venthiḽeitha dza u tou thoma u itwa shangoni ḽashu.
Venthiḽeitha ya Continuous Positive Airway Pressure (CPAP) i thusa vhalwadze vha re na tsumbadwadze dza COVID-19 dzine dza sa vhe khombo nga maanḓa u fema zwo leluwa u ṋetshedza ḽevele yo linganelaho ya mutsiko wa muya u re na okisidzheni u itela uri nḓila dza u tshimbidza muya dzi dzule dzo vulea.Venthiḽeitha yo oliwa nga Khoro ya Ṱhoḓisiso na zwa Nḓowetshumo ya zwa Saintsi (CSIR) nga kha tshumisano na  vhashumisani vha tshivhalo vhapo nahone i ḓo ṋetshedzwa u mona na shango kha vhalwadze vhane vha khou sumbedza u vha na vhuleme ha u fema mathomoni a u kavhiwa nga COVID-19.“Muya une muthu a anzela u u fema u na phesenthe dza 23 dzo ḓalaho nga okisidzheni. Venthiḽeitha ya CPAP i nga bommba okisidzheni nga vhunzhi, i tshi khou thusa muthu u fema.  CPAP i bommba okisidzheni yo ḓalaho u ya ngauralo. Vha nga gonyisa kana vha fhungudza 
tshikalo tsha okisidzheni ine muthu a khou i fema, “ vha ralo Mulanguli Muhulwane wa CSIR Future Production: Manufacturing Vho Martin Sanne .Vhalwadze vha shu-misaho venthiḽeitha vha ṱumanyiwa nayo nga kha masiki wa khofheni. Okisidzheni i kokodzwa u bva kha thannge ḽa gese ya okisidzheni ya ṱanganyiswa na muya mufhe kha venthiḽeitha,une u bva afho  ya fhiriselwa kha masiki wa kona u femiwa nga mulwadze. Vho Sanne  vha ri u ḓadzisa  kha u bommba muya u re na okisidzheni, CPAP i dovha ya thusa vhalwadze u femela nnḓa.Tshishumiswa tsha  CPAP tshi nga shumiswa hoṱhe fhethu ha zwa dzilafho ḽa vhalwadze ha thekhinoḽodzhi ya nṱha na kha nzudzanyo dza tshifhinga nyana, u fana na zwibadela zwa tshifhinga nyana na zwiimiswa zwa u valela vha khou lwalaho. Vho Sanne vha ri CSIR i ḓo vha yo no bveledza dziventhiḽeitha dza 10 000 mafheloni a Ṱhangule. I tshi khou shumisana na Siemens, Simera, Akacia, Gabler, Umoya na Yuni-vesithi ya Cape Town, CSIR yo bveledza CPAP u ya nga tshilingano tsha zwa Dzangano ḽa Mutakalo ḽa Ḽifhasi.Betshe ya u thoma ya dziventhiḽeitha i ḓo ṋetshedzwa zwibadela zwa muvhuso zwine zwa khou tshenzhema mutsiko nga vhanga ḽa u sa vha hone ha tshomedzo dza u thusa vhalwadze vha COVID-19.CSIR yo thoma u shuma zwa CPAP nga murahu ha musi ḽifhasi ḽi tshi khou tshenzhema ṱhahelelo khulwane vhukuma ya dziventhiḽeitha. “Henefha nga Ṱhafamuhwe na Lambamai, ho ḓo thoma u vha na ṱhahelelo ya ṋetshedzo ya dziventhiḽeitha u bva kha vhaṋetshedzi vhashu vha dzitshaka. He dza vha dzi tshi khou wanala hone, dzo vha dzi khou ḓura vhuku-ma, ngauralo, muvhuso wa bvisa thenda ya mveledzo ya dziventhiḽeitha,” vha ralo Vho Sanne.Thenda yo vha tshipiḓa tsha Thandela ya  Venthiḽeitha ya Lushaka ya muvhuso u bva kha Muhasho wa Mbambadzo, Nḓowetshumo na Muṱaṱisano.CSIR i khou dovha ya shuma kha u bveledza venthiḽeitha ya  Bi-level Positive Airway Pressure yo sedzaho kha u thusa vhalwadze vhane vha vha na tsumbadwadze dza COVID-19 dzi re na khombo ya u vhulaha. Venthiḽeitha i ḓo thusa hoṱhe kha u femela ngomu na u femela nnḓa, hu nga vha nga maitele a ḓisaho mutsiko wa muya tshifhinga tshoṱhe kana nga nḓila ine mutshini wa limuwa nḓisedzo ya okisidzheni i ṱoḓiwaho nga mulwadze na u dzudzanya mutsiko nga nḓila yo teaho.
 