Umcimimlilo we-Crew Juliet usitekela indzaba yakhe

Dale Hes 

BOMAKE kufanele kutsi bavule indlela ehlane, kusho umcimimlilo.
Umcimimlilo lomncane Vuyiseka Arendse (26) uyincenye yelicembu le-Crew Juliet, licembu laseNingi-zimu Afrika lekucala le-bacimimlilo wetikhotsa labomake kuphela. Emandla akhe kanye nekutimise-la ekutakheleni ligama ku-lomkhakha wetekucima umlilo lobuswa ngulabadvuna kuyinshisekelo sibili kubo bonkhe bomake.
Arendse wakhulela edolobheni lelincane laseBho-folo leliseNshonalanga Kapa. Emva kwekucedza sikolo, walinga kufundza ekolishi e-Oudtshoorn, kodvwa wancuma kubuyela emuva ekhaya kuyokondla umndeni wakhe. Wasebenta esuphama-kethe kwesikhashana, kodvwa kucima umlilo kwatsatsa emehlo akhe.“Ngabona bacimimlilo bagcoke iyunifomu yabo kanye nemaloli labovu lamakhulu. Ngatsatseka ngekushesha ngase ngifuna kwati kabanti,” kusho Arendse. Arendse bekangulomunye walabaphotfula batfweswa ticu eChrysalis Academy yahulumende waseNsho-nalanga Kapa yeluhlelo lwe-kutfutfukisa lusha nga-2016. Ngemuva kwaloluhlelo, wasebenta esiteshisni sekuci-ma umlilo eBhofolo, ahola-R1 900 kuphela ngenyanga. Kodvwa wabese utfola litfuba lalinikwa Luphiko lweTemvelo lwe-NCC kulomnyaka lophelile. “BengiseChrysalis Academy njengemchubinchubo ngesikhatsi baka-NCC bafika batewukhuluma nebafundzi mayelana nelitfuba lekufaka ticelo tekuceceshwa kwelicembu lebacimimlilo we-tikhotsa lekucala labomake kuphela. Nanome bengingasuye lomunye webafundzi, ngatsatseka kakhulu ngafaka sicelo sekutsi ngiceceshwe, futsi bangemukela,” kusho yena njalo Arendse.Arendse waceceshwa, nga-lokuhlanganisa lwatimcondvo kanye netinhlangotsi talokwentiwa ngetandla mbamba tekucima umlilo. “Ngafundza lokunyenti. Lokunye kutsi, bengingati kutsi kunebacimimlilo labase-benta kucima imililo yetikhotsa. Phambilini bengicabanga kutsi, basebenta kuphela emadolobheni kucisha imililo yasetakhiweni,” kusho yena.Arendse wengeta ngekutsi wativela bumnandzi lobu-mangalisako kuphumelela kulokuceceshwa nekutsi futsi abe yincenye yelicembu le-kucala labomake kuphela lebacimimlilo baloluhlobo.“Ngativa ngijabule kakhulu, ikakhulu ngatsi nangitjela bantfu kutsi ngifuna kuba ngumcimimlilo, labanengi bangitjela kutsi ngeke ngikhone kukwenta loko ngobe ngingumuntfu longumake futsi ngeke ngikhone kumelana nalowo msebenti. Loko kwangigcugcutela kutsi ngitimise-le ngobe ngifuna kubakhomba kutsi kahle-hle ngingakhona kuwenta lomsebenti, futsi hhayi kutentela mine kodvwa ngentele bonkhe bomake baseNingizimu Afrika.”Arendse utsi kucima kwakhe umlilo lomkhulu kwekucala eNoordhoek kwaba yinsayeya kodvwa kwamnika sipiliyoni lazuza lokukhulu ngaso. “Bekukadze kulitfuba lami lekucala lekusebenta ema-awa lange-24 lagcwele futsi kukwekucala kusebenta nala-banye bacimimlilo labadvuna. Bekudzinisana futsi kushisa kakhulu kuletembatfo tetfu tekusivikela kodvwa sawu-photfula lowo msebenti noko lesakuva emva kwaloko kwa-ba yinzuzo lenkhulu emoyeni wetfu.”Arendse ugcugcutela  bomake baseNingizimu Afrika kutsi bangatikhobosi. “Ungavumi kuchazwa bantfu ngaloko bantfu labatsi ungakwenta naloko futsi la-batsi angeke ukwente.” v*Kute ubone ematfuba lamanengi laniketwa Lu-phiko lweTemvelo lwe-NCC, balandzele ekhasini labo leFacebook . Ungabashayela lucingo futsi ku: 021 702 2884 (eKapa), ku: 010 007 5272  (eGauteng), ku:  031 003 2964  (KwaZulu-Natal) nome ku: 041 101 1033 (eMphu-malanga Kapa).  Umcimimlilo lomncane Vuyiseka Arendse uyincenye yelicembu laseNingizimu Afrika lekucala labomake kuphela lebacimimlilo.  