Rasetimamollo wa Crew Juliet o hlaloša taba ya gagwe

Dale Hes 

BASADI ba swanetše ba be dipulamadibogo, gwa realo rasetimamollo.
Rasetimamollo wa moswa, Vuyiseka Arendse (26), ke karolo ya Crew Juliet, elego sehlopha sa mathomo sa borasetimamollo ba ba-sadi feela sa go lwa le mello ya mašokeng. Maatla le maikemišetšo a go itirela leina ka intasetering ye ya go tlala ka banna ke khuetšo ye kgolo go ba-sadi ka moka.
Arendse o goletše torotswaneng ya Beaufort West ka Kapa Bodikela. Ge a se no fetša sekolo, o lekile go ithuta kholetšheng ka Oudtshoorn, efela a tšea sephetho sa go boela gae go hlokomela lapa labo. O šomile lebenkelengkgoparara nakwana, efela botimamollo bo ile bja mo goga mahlo. “Ke bone borasetimamollo ba apere diyunifomo tša bona ka ditheraka tše kgolo tše dihwibidu. Ka pelapela ka ba le kgahlego gomme ka nyaka go tseba kudu ka seo,” gwa realo Arendse. Arendse e be e le yo mongwe wa dialoga tša lena-neo la tlhabollo ya baswa ya Chrysalis Academy ya mmušo wa Kapa Bodikela ka 2016. Morago ga lenaneo leo, o o ile a šoma setišing sa botimamollo sa ka Beaufort West gomme a gola feela  R1 900 ka kgwedi. Efela o ile a kopana le monyetla woo o tšwago go ba NCC Environmental Services ngwagola.“Ke be ke le go la Chrysallis Academy ke šoma bjalo ka monolofatši ge NCC e tla tla go tlo boledišana le baithuti ka ga monyetla wa go dira dikgopelo tša go tsenela tlhahlo ya sehlopha sa mathomo sa basadi feela sa botimamollo bja mašokeng. Le ge ke be ke se yo mongwe wa baithuti, ke ile ka ba le kgahlego ye kgolo kudu gomme ka dira dikgopelo tša go tsenela tlhahlo, gomme ke ile ka atlega,” gwa realo Arendse. Arendse o ile a tsenela tlhahlo yeo e kopantšhitšego makala a botimamollo a teori le go šoma ka matsogo. “Ke ithutile tše ntšhi kudu. Sa mathomo, ke be ke sa tsebe gore go na le boraseti-mamollo bao mošomo wa bona elego go tima mello ya mašokeng. Ke be ke na-gana gore ba šoma feela ka ditoropong go tima mello ka meagong,” a realo. Arendse o tlaleletša ka gore o kwele bose kudu ge a tšwelela tlhahlong le go ba karolo ya sehlopha sa mathomo sa moswananoši sa borasetimamollo ba ba-sadi feela.“Ke be ke thabile kudu, kudu ka gore ge ke be ke botša batho gore ke nyaka go ba rasetimamollo, bontšhi ba rile nka se kgone ka ge ke le mosadi gomme nka se kgo-nane le boima bja mošomo. Se se nkgoromeditše go ba bontšha gore le nna nka kgona, esego feela bakeng sa ka empa le bakeng sa basadi ka moka ka Afrika Borwa.”“E be e le šifithi ya ka ya mathomo ya bošego le mo-segare ebile e le la mathomo re šoma le borasetimamollo ba bangwe ba banna. Go be go lapiša ebile le yunifomo e fiša kudu empa re kgonne go fetša mošomo gomme maikutlo a ka morago ga moo e be e le a kgotsofalo.”Arendse o hlohleletša ba-sadi ba Afrika Borwa gore ba se ke ba inyatša. “O se ke wa ya ka mantšu a batho ge ba re o ka kgona eng, o ka se kgone eng.”  v*Go bona menyetla yeo e abjago ke ba NCC Environmental Services, latela letlakala la bona la Facebook. O ka ba letšetša mogala go 021 702 2884 (Cape Town), 010 007 5272 (Gauteng), 031 003 2964 (KwaZulu-Natal) goba 041 101 1033 (Kapa Bohlabela).  Rasetimamollo wa moswa, Vuyiseka Arendse, ke karolo ya sehlopha sa mathomo sa borasetimamollo ba basadi feela. “Women of South Africa, be proud of what you  have achieved.”Seswantšho: Alistair Burt – NCC Environmental Services