Afrika Borwa e tšea kgato ya go rarolla bothata bja tlhokego ya dithušagohema

Silusapho Nyanda

SETHUŠAGOHEMA  seo se dirilwego  ka mo Afrika Borwa se tla thuša balwetši bao ba nago le dika tša magareng tša COVID-19 gore ba heme gabonolo.
Ntwa kgahlanong le bol-wetši bja coronavirus (COVID-19) ka Afrika Borwa e matlafaditšwe ke sethušagohema sa mathomo seo se dirilwego ka mo nageng.
Sethušagohema sa Continuous Positive Airway Pressure (CPAP) se thuša balwetši bao ba nago le dika tša magareng tša COVID-19 gore ba kgone go hema gabonolo ka go ba fa moya wa oksetšene gore o dire gore meelamoya ya bona e dule e bulegile. Sethušagohema se hlamilwe ke ba Council for Scientific and Industrial Research (CSIR) ka tšhomišano le E tšwelapele letlakaleng la 2O BOLOKE AFRIKA BORWAMMOGO RE KA FENYA CORONAVIRUSO BOLOKEG
batšeakarolo ba se bakae ba mo gae, gomme e tla abel-wa balwetši go phatlalala le naga bao ba nago le matha-ta a go hema mo legatong la mathomo la phetelo ya COVID-19.“Moya woo motho ao he-mago o na le dipersente tše 23 tša oksetšene. Sethušagohema sa CPAP se kgona go pompa oksetšene e ntšhi, gomme ya thuša motho go hema. CPAP e pompa oksetšene e sa emiše. O ka oketša goba wa fokotša bontšhi bja oksetšene yeo motho a e hemago,” gwa realo Molaodiphethiši wa CSIR Future Production: Manufacturing, elego Martin Sanne. Balwetši bao ba šomišago sethušagohema ba se lokelwa maskeng woo ba tla bego ba o apere Oksetšene e  gogwa go tšwa tankeng ya kgase gomme ya hlakantšhwa le moya wa tlhago ka gare ga sethušago-hema, gomme go tloga moo o romelwa maskeng gomme wa hemelwa ka gare ke molwetši. Sanne o bolela gore godi-mo ga go pompa moya wa go ba le oksetšene, CPAP e thuša gape balwetši gore ba hemele ka ntle. Sedirišwa sa CPAP se ka šomišwa mafelong a tša maphelo a theknolotši ya godimo gape le ka mafelong a nakwana a bjalo ka ma-okelo a nakwana le mafelo a boipeelothoko. Sanne a re CSIR e tla be e kgonne go dira dithušagohema tše 10 000 ge kgwedi ya Phato e fihla mafelelong. Ka tšhomišano le Siemens, Simera, Aka-cia, Gabler, Umoya le Yunibesithi ya Cape Town, CSIR e tšweleditše CPAP go ya le ka melawana ya Mokgatlo wa Lefase wa Tša Maphelo. Dithušagohema tša mathomo di tla fiwa maokelo a mmušo ao a lego bothateng bja tlhokego ya didirišwa tša go lwantšhana le COVID-19.CSIR e thomile go šomana le CPAP morago ga gore lefase le itemogele tlhokego ye kgolo ya dithušagohema. “Dikgweding tša Hlakola le Moranang go bile le tlhokego ya dithušagohema go tšwa go baabi ba tšona ba boditšhabatšhaba. Moo di bego di hwetšagala gona di be di bitša kudu, gomme ke moo mmušo o ntšhitšego thentara ya go dira dithušagohema,” gwa realo Sanne. Thentara yeo e be e le karo-lo ya Protšeke ya Bosetšhaba ya Dithušagohema ya ka Lefapheng la tša Kgwebo, Intaseteri le Phadišano. CSIR e gare e šoma gape ka sethušagohema sa Bi-Level Positive Airway Pressure seo nepo ya sona elego go thuša balwetši bao ba nago le dika tše šoro tša COVID-19Sethušagohema seo se tla thuša ka go hemela ka gare le ka ntle, e ka ba ka mokgwa wa go gatelela moya goba ka go lekola kabo ya oksetšene yeo molwetši a e hlokago, gape le go beakanya kgate-lelo ya moya go ya le ka moo e hlokegago.
