U fhaṱa vhutshilo ha khwiṋe

vukuzenzele unnamed

U bva kha nyimele i nyadziseaho ngei kusini kwa KwaNongoma, KwaZulu-Na-tal, Silondiwe Magwaza wa miṅwaha ya 23 o kunda zwithithisi zwinzhi u swikela muloro wawe wa u vha mu-languli wa zwa u fhaṱa.  U aluwa o tingwa nga the mamveledziso dzi shaedza ho zwo ṱuṱuwedza Magwaza u sedzulusa nḓila ntswa dza u takusa tshitshavha tsha hawe. Zwa zwino ndi muraḓo wa u thoma kha muṱa wa hawe u wana digirii.  Magwaza o wana ndalukano Yunivesithi ya Witwatersrand nga 2019, he a wana digirii ya u thoma ya ngudo dza zwa u fhaṱa.  O amba uri: “KwaNongoma i na themamveledziso dzi shaedzaho vhukuma nahone ṋetshedzo yadzo i nga i khou tshimbila nga nḓila ya u ongo -lowa. Ho sedzwa khaedu dzoṱhe dzine dza livhana na ḓorobo yapo, ndo ṱuṱuwedzea u ita tshiṅwe tshithu tshi elanaho na zwa u fhaṱa u itela uri ndi vhe muṅwe wa vhathu vha shandukisaho nyimele ya zwino.”  U wana hawe ndalukano a zwo ngo vha zwi leluwaho. Magwaza uri o wana zwi tshi mu konḓela u futelela nga mulandu wa mbilaelo dza tshifhinga tshoṱhe dza ndambedzo. Zwo ralo, Zhendedzi ḽa Thikhedzo ḽa Themamveledziso ḽa Masipala ḽo ḓidzhenisa uri ḽi thuse.
O amba uri: “Ndo vha ndi tshi dzulela u tsikea nga maanḓa nga mafhungo a ndambedzo sa zwi ndi tshi bva kha nyi mele i si yavhuḓi. Izwo zwo vha izwo u swika nga 2018, musi ndi tshi wana basari kha vha MISA. Izwi zwo nthusa u ṱhaphudza digirii yanga ndi si tshe na muṅwe mutsiko. Nda wana zwoṱhe zwo badelwa, zwe nṋe nda vha ndi tshi tea u ita ho vha u sedzana na ngudo dzanga.
Magwaza ndi muṅwe wa matshudeni vha maḓana vha fhiraho kha mbeka-nyamushumo dza mveledziso ya vhaswa ya MISA ṅwaha muṅwe na muṅwe. Mbeka-nyamushumo dzi ṋetshedza ndambedzo na thikhedzo dza u thusa matshudeni u wana mishumo musi vho wana ndalukano.  O amba uri: “Ndo vha ndo sedza phanḓa kha vhuṱa-mbo hashu ha u ambara magaweni a digiri. Ho vha hu tshi ḓo amba zwinzhi ndo sedza zwauri ndo vha ndi tshi khou ya u vha wa u thoma u wana digiri muṱani wa hashu. Ndi kha ḓi fhulufhela uri ri vhe na vhuṱambo hashu ha u ambara magaweni a digiri, fhedzi izwi a zwi nga konadzei nga ṅwambo wa dwadze ḽa tshitzhili tsha corona.” Nḓowetshumo ya zwa u fhaṱa yo ḓalesa vhathu vha vhanna. O amba uri: “Tshiṅwe tshifhinga, vhafumakadzi vha a itwa uri vha pfe vha tshi ḓinyadza ngauri vhukoni havho ha u ḓisa tshanduko vhu a timatimiwa. Tshiṅwe tshifhinga zwine vha amba a zwi thetsheleswi.
“Ndo nanga vhulanguli ha zwa u fhaṱa ngauri ndi tenda zwauri ndi na maanḓa a u shandukisa nḓowetshumo na u khwinisa hu re na ṱhoḓea. Ndo vhona vhafumakadzi kha nḓowetshumo heyi vha tshi khou swikela maimo a nṱha nahone vha na ṱhuṱhuwedzo. Ndi tenda uri na nṋe ndi nga zwi kona.  Sa ene wa u thoma u wana digiri muṱani wa hawe, Sa ene wa u thoma u wana digiri muṱani wa hawe, Silondiwe Magwaza u livhuwa MISA.Silondiwe Magwaza u livhuwa MISA.

Basari dza MISA dzi a kungedzelwa kha www.misa.gov.za u bva nga Khubvumedzi, kha Facebook  @MISA, kha Twitter  @MISA_CoGTA na kha Instagram  @MISA_CoGTA.

