Ku aka vutomi byo antswa

vukuzenzele unnamed

Kusuka eka masungulo ya xiyimo xa le hansi emugangeni wa KwaNongoma, eKwa-Zulu-Natal, Silondiwe Ma-gwaza wa 23 wa malembe hi vukhale u hlurile swikanga-nyisi swo tala ku fikelela no-rho wa yena wo va mini-njhere wa swa vumaki.  Ku kula a rhendzeriwile hi miako ya xiyimo xa le hansi swi hlohlotele Magwaza ku ringeta tindlela tintshwa ku tlakusa muganga wa ka vona. Sweswi hi yena munhu wo sungula endyangwini wa ka vona ku kuma digiri.  Magwaza u thwase eYuni vhesiti ya Witwatersrand hi 2019, a kuma digiri ya masu-ngulo ya tidyondzo ta vumaki.  “KwaNongoma yi na swi makiwakulu swa xiyimo xa le hansi naswona ku hluvuka swi tikomba swi nonoka swinene. Hi ku languta mitlhontlho leyi langutaneke dorobatsongo ra ka hina, ni hlohlotelekile ku endla swin’wanama yelana na vumaki leswaku ndzi ta va un’wana wa vanhu lava nga ta cinca xiyimo xa sweswi,” a vula. Ku kuma nthwaso wa yena a swi nga olovi. Magwaza u vula leswaku swi n’wi tikerile ku yingisa hikwalaho ka ku vilela hi tihakelo. Kutani, Municipal Infrastructure Support Agent (MISA) yi nghenelerile ku pfuna.
“A ndzi hamba ndzi vilela swinene hi tihakelo hikuva ndzi karhi ndzi huma evuswetini. Sweswo swi ve kufika hi 2018, loko ndzi kuma basari kusuka eka MISA. Le-swi swi ndzi pfunile ku va ndzi hetisa digiri ya mina ndzi ri hava mabibi. A ndzi hakeleriwile swilo hinkwa-swo, leswi a ndzi fanele ku swi endla a kuri ku tinyiketela eka tidyondzo ta mina,” a vula.
Magwaza hi un’wana wa madzana ya swichudeni le-swi swi pasaka hikwalaho ka minongoloko yo hluvukisa vantshwa ya MISA lembe na lembe. Minongoloko leyi yi nyika tihakelo na nseketelo naswona yi pfuna swichudeni ku kuma mitirho loko se swi thwasile.
“A ndzi languterile ntla-ngu wo tlangela ku ambala gaweni. A swi ta vula swo tala tanihiloko a ndzi tava wo sungula ku ambala gaweni endyangwini waka hina. Ndza tshemba leswaku hi ta va na nkhuvu wo tlangela ku amba la gaweni wa hina, kambe le swi swi nga ka swi nga koteki hikwalaho ka ntungukulu wa khoronavhayirasi,” a vula. Indasitiri ya vumaki yi tele ngopfungopfu vavanuna.
“Mikarhi yin’wana, vava sati va endliwa leswaku va titwa va ri lavatsongo hikuva vuswikoti bya vona byo tisa ku cinca bya soriwa. Nkarhi wun’wana a va yingiseriwi.
“Ndzi ale ndzi hlawula vu fambisi bya swa vumaki hiku va ndza tshemba leswaku ndzi na matimba yo cinca indasitiri leyi na ku yi antswisa laha swi faneleke. Ndzi vonile vavasati va ya eka swiyimo swa le henhla eka indasitiri leyi na ku va na nhlohlotelo. Ndza tshemba leswaku na mina ndzi ta fikelela,” a vula. Tanihi munhu wo sungula ku kuma digiri endyangwini wa ka vona, Silondiwe Magwaza u khensa MISA.

Tibasari ta MISA ti navetisiwa eka www.misa.gov.za  kusuka hi Ndzati, eka Facebook @MISA, eka Twitter  @MISA_CoGTA na le ka Instagram  @MISA_CoGTA.



