Kwakha likusasa lelincono

vukuzenzele unnamed

Umuntfu lotitfobile lobekangasilutfo lobuya esigodzini sakwaNongoma, KwaZulu-Natal, Silondiwe Magwaza loneminyaka le-23 wancoba tihibe letinengi kute aphumelelise liphupho lakhe lekuba ngumphatsi wetekwakha.  Kukhula abona sakhiwo-nchanti lesingasisihle  kwakhutsata Magwaza kutsi abuke tindlela letinsha tekuphakamisa ummango wakhe. Nyalo nguye wekucala lomsikati emndenini wakhe kutfola ticu. Magwaza watfola ticu takhe Eyunivesithi YaseWitwate-rsrand ngemnyaka we-2019, watfola ticu tekucala tetifu-ndvo tetekwakha. “IkwaNongoma inesakhiwonchanti lesizingeni le liphansi futsi kuphakelwa kwaso kubonakala kuhamba ngesivinini lesincane kakhulu. Kubuka tonkhe tinsayeya letibukene nelidolobhatsi, kwangigcugcutela kutsi ngente lokutsite lokumayelana netekwakha kute ngibe ngilomunye webantfu laba-tawugucula lesimo lesikhona nyalo,” usho njalo.
Kutfola ticu takhe beku-ngasiyo intfo lemalula. Ma-gwaza utsi bekulikhuni kubeka wonkhe umcondvo wakhe etifundvweni ngenca yekuhlala akhatsatekile ngemali. Ngaleso sikhatsi, i-Ejensi Yekusekela Sakhiwonchanti Samasipala (MISA) yangenelela yamsita.
“Bengivame kukhatsateka kakhulu mayelana nemali njengoba ngiphuma emnde-nini lobewuncishwe ematfuba. Kwate kwaba ngumnyaka we-2018, lapho ngatfola khona umfundzate lokhishwa yi-MISA. Loku kwangisita kuphotfula ticu tami ngapha-ndle kwekukhatsateka. To-nkhe tifundvo tami takhokhe-lwa, konkhe bekufuneka ngi-kwente kugcila etifundvweni tami,” usho njalo.
Magwaza ungulomunye we bafundzi londlule kutinhlelo teMISA tekutfutfukisa lusha njalo ngemnyaka. Letinhlelo tinika imali nekwesekelwa futsi tincedza titjudeni kutsi titfole kubekwa emsebentini uma setitfole ticu.“Bengiwulangatelele kakhu lu umcimbi wetfu wekwe-tfweswa ticu. Bewutawuba yintfo lenkhulu uma ubuka kutsi bengitawuba wekucala kuba neticu emndenini. Ngi -sanelitsemba lekutsi sitawuba nalomcimbi, kodvwa loku kungahle kungenteki ngenca yalobhubhane weligciwane le-corona ,” usho njalo.
Imboni yetekwakha igcwele kakhulu emadvodza.
“Letinye tikhatsi, bomake bentiwa kutsi bative baba-ncane ngenca yekutsi likhono labo lekuletsa luntjintjo luya-ngatjatwa. Letinye tikhatsi livi labo alilalelwa.
“Nanyalo ngisakhetsa kuba ngumphatsi wetekwakha ngoba nginelitsemba lekutsi nginemandla ekugucula lemboni futsi ngiyitfutfukise lapho kunesidzingo khona. Ngibone bomake kulemboni bakhuphukela etikhundleni letisetulu futsi baba nema-ndla ekugucula tintfo. Ngiya-tsemba kutsi nami ngitawuphumelela,” usho njalo . Ngekuba wekucala emndenini wakhe kutfola ticu, Silondiwe Magwaza ubonga i-MISA.
Imifundzate yeMISA ikhangiswa kuwww.misa.gov.za kusukela ngeNyoni, kuFacebook @MISA, kuTwitter @MISA_CoGTA nakuInstagram  @MISA_CoGTA.


