Kubonga lokukhetsekile lokucondziswe kutisebenti tetfu tekunakekela ngetemphilo 


vukuzenzele unnamed

Linani lalabashone  ngenca yeligciwane lecorona  esikhatsini lesisandza kwendlula selengce sibalo se-2 000. Emkhatsini walabo labalahle-kelwe timphilo tabo tisebenti tekunakekela ngetemphilo, tingcweti letiphelele lebetinakekela labagulako, futsi betitinsika futsi tidvudvuta labo labasesibhedlela labahlukanisiwe nemindeni yabo.
 Indzaba yekutsi lamadvodza nabomake labenta lemisebenti lehloniphekile nalengcwele kwabona bayagula futsi bayashona kusishayo lesibuhlungu kakhulu.
 Ngibo labayibambe embi li lapho imphi yekulwa nalolubhubhane ishisa  khona. Basebenta ngaphasi kwekucindzeteleka lokukhulu futsi kufanele kutsi batfwale kucindzeteleka ngekwe-ngcondvo ngobe bati kutsi basebungotini bekutseleleka ngaleligciwane. Bangema chawekati nemachawe sibili emphi yetfu yekulwa naleli-gciwane le-corona.
 Sibatfulela sigcoko labantfu baseNingizimu Afrika labanesibindzi labashiya emakhaya abo, imindeni kanye nalababatsandzako kutsi baye emsebentini ngaphandle  kwekuphutsa onkhe malanga emitfolamphilo, etibhedlela kanye nakuletinye tikhungo tetemphilo. Lapho bafike ba-nike kunakekela kwetekwe lashwa, kwesekela ngetekuphatsa kanye naletinye tinsita letifanana nekuhlanta kanye nekuphakela ngekudla.
 Njengaloku nabo benta umsebenti wabo webu-ngcweti, natsi kanjalo sine-msebenti lekumele kutsi siwente kubo kanye nasemindenini yabo. Imphilo yabo kanye nekuphepha kwabo kufanele kutsi kube ngulo-kusemcoka kakhulu.
 Siyabahlonipha futsi siyabatisa njengabobabe nabomake labakhombise kutsi ba timisele kubeka timphilo tabo ebungotini kute kutsi tsine siphile.
 Kute kutsi bente umsebenti wabo lomkhulu bayakudzinga kutsi sibasekele kanye nekutsi sibavikele ngekutsi sibanike tisetjentiswa tekutsi bativikele bona (i-PPE).
 Ngekwesekelwa Sikhwama Semfelandzawonye kanye neminikelo levela kulabo bantfu labanengi baseNingi zimu Afrika, emabhizinisi, tinhlangano kanye nalabanye bohulumende, sikhonile  kutsi sitsenge tisetjentiswa tekuvikela letisebenti letinesibindzi letisebenta embili lapho kunebungoti khona. Lapho kube nekuswelakala kwetisetjentiswa tekutivikela (ema-PPE) tibhedlela tetfu tiya kulungisa ngekushesha loko kuci nisekisa kutsi tiya-tfolakala.
 Siyati kutsi kukhona ku finyelela kutfola tisetjentiswa tekutivikela akusiyo kuphela insayeya tisebenti tetfu  tekunakekela ngetemphilo letibukene nayo. Kuyo yonkhe imitfolamphilo yalelive kanye netibhedlela tibukene neku-swelakala kwetisebenti. Le-nkinga isasonjululwa.
Kwesekela lomsebenti  lowentiwa tisebenti tetfuletisebenta ebungotini  kulolonkhe lelive sitfumela Tindvuna kanye neMasekela eTindvuna kuleso naleso sigodzi kulelive titibonele tinkinga letitsite kuleto tigo-dzi kanye nekutsi tisebentisane netiphatsimandla tete-mphilo tetifundza.
 Kudzingeka kutsi sisebente kanye kanye kute sigadze hhayi kuphela timphilo tetisebenti tetfu letisebenta ebungo tini kodvwa tonkhe tisebenti.
 Kunemsebenti lomuhle kakhulu losewentiwe tinyo-nyana ekufundziseni emalu-nga eveni lonkhe mayelana nekulawula kusuleleka kanye nekuvikeleka kanye nekuhlanteka. Tiphindze futsi tisekele umsebenti weLitiko Letekucashwa Nemisebenti ekubambeni imihlanganosikolwa yekuhlola kucinise kisa kutsi kunekugcinwa kwetinchubo tetemphilo  nekuphepha letikhona taleto tisebenti letibuyako. Tinyo-nyana tetfu letinengi tiphindze futsi tinike lwatiso lweligciwane lecorona  kumalunga ato kantsi nebacashi banemikhankhaso labayentako yekucaphelisa.
Yinye yetinsayeya lebonakele kulelive letfu kubandlululwa kwalabo bantfu labatfolakale kutsi banaleligciwane lecoro na. Njengemmango, sinesibo pho sonkhe ngekuhlanganyela kutsi sikucedze nya lokuba-ndlululwa kwebantfu labasuleleke ngaleligciwane lecoro na. Kunemibiko letsikametako yebantfu labakhishwa umkhomboloti emimangweni yabo kanye nemimango leshucela tigulane letineligciwane lecorona  letingeniswe etibhedlela tendzawo kanye nasemitfolamphilo. Loko kufanele kutsi kuphele.
 Njengaloku sihlangana ekugcugcuteleni kwemuke-lwa kwalabo labaphila neligciwane le-HIV futsi sime sicine simelane nekuhlukunyetwa, kufanele kutsi sikhombise kuvisisa, kwemukelana, umusa, kuvelana kanye nekucabangela labo labasuleleke ngaleligci wane kanye nemindeni yabo.
 Kutsiwa kubandlululana kugcugcutelwa kwesaba  kwesuleleka ngesifo kanye nekweswela kuvisisa. Indlela lencono kakhulu yekuncoma kwesaba kwetfu kugula kanye nekutsatselana kutsi sigcine tinchubo tekuhlanteka letibekiwe. Kwesaba kwesuleleka kunesizatfu lesivakalako futsi kuliciniso. Ngalokufananako, siyati kutsi yini lekumele kutsi siyente kute sitivikele futsi si-vikele nalabanye.
 Siyati kutsi yini lokubange la leligciwane nekutsi yini lesingakwenta kute sitivikele kutsi singatseleleki. Siyati kutsi kufanele kutsi sichelelane nge-kwenhlalo, sihlale sodvwa na-ngabe kwenteke satsintsana nalabo labasulelekile kanye nekutsi siye esibhedlela nangabe sinetimphawu letikhomba kwesuleleka.
 Kufanele kutsi sichubeke siholwe ngemaciniso hhayi emahemuhemu.
 Sikhatsi sekutsi utsi ababati umuntfu losulelekile nome lo-tsintsekile ngaleligciwane lecorona  sesendlule kudzala. Nyalo, kakhulu kunakucala, bangani betfu, imindeni yetfu, lesisebe-nta nabo kanye nabomakhe-lwane badzinga luvelo lwetfu kwanye nekubasekela.
Kulamalanga, emaviki kanye netinyanga letitako, ngaletinye tikhatsi sitawukutikhandza sesiphelelwe litsemba futsi sesesaba nasibona emanani ebantfu labasulelekile kanye nalabo labashonako achubeka ngekwenyuka. Kungenteka kutsi tintfo tibe timbi kakhulu, kodvwa sinesiciniseko sekutsi sitawubancono. Bososayensi betfu kanye nebaluleki betekwelapha baseluleka ngekutsi lizinga lekusuleleka litakwenyuka njengaloku sisondzela esico-ngweni setfu. Kodvwa nakanjani litawuphindza futsi lehle.
 Sibonga leto tisebenti letinakekela ngetemphilo letilahlekelwe timphilo tato ngekunakekela labagulako. Ekubakhumbuleni kwetfu, asitigcine siphephile kanye netakhamuti takitsi ngekutsi sidlale indzima yetfu.
 Sitalincoba leligciwane futsi siphindze sisakhe futsi sive sakitsi. Sesike sahlangabetana netikhatsi letimatima kodvwa satincoba.
 Asingagodli emandla nome sibindzi njengaloku sisebenta ngekuhlanganyela ekusi-ndziseni timphilo tebantfu.
