Go aga bophelo bjo bokaone

vukuzenzele unnamed

Go tšwa motsaneng wa KwaNongoma gola KwaZulu-Natal fao a goletšego gona ka go itshokolela, Silondiwe Magwaza wa mengwaga ye 23 o hlotše mapheko a mantši gore a fihlelele toro ya gagwe ya go ba molaodi wa tša kago.
Mananeokgoparara a go fokola ao Magwaza a gotšego a bona go potologa fao a bego a dula gona a mo file hlohleletšo ya go inyakela ditsela tše di-swa tša go kaonafatša setšhaba sa gabo. Ga bjale ke yena wa mathomo ka lapeng la gabo wa go ikhweletša tikrii.
Magwaza o phethile dithuto tša gagwe tša mošomo wo wa tša kago go tšwa Yunibesithing ya Witwatersrand ka 2019, a ikhweletša tikrii ya mathomo ya dithuto tša kago.
“KwaNongoma e nale mana neokgoparara a go fokola kudu ebile kabo ya ona e bonagala e sepela ka go nanya kudu. Ka go lebelela ditlhotlo ka moka tšeo toropo ya gešo e lebaganego le tšona, ke ile ka ba le hlohleletšo ya go dira se sengwe sa go amana le tša kago gore ke kgone go ba yo mongwe wa bao ba fetošago seemo sa bjale,” a realo. Go hwetša lengwalo la gagwe la thuto go be go se bonolo. Magwaza o bolela gore go be go le boima kudu gore a bee kgopolo ya gagwe dithutong ka baka la ge a be a dula a belaetšwa ke go hloka thekgo ya ditšhelete. Ke moka a thušwa ke Kemedi ya The-kgo ya Mananeokgoparara a Mmasepala (MISA).
“Ke be ke dula ke gatelegile kudu mogopolong ka gobane ke gotše ga boima go tloga bonyenyaneng. Tshokolo yaka e fedile ka 2018 ge ke be ke amogela pasari go tšwa MISA. Se se nkhotše go phethagatša lengwalo la ka la tikrii ntle le gore ke gatelege mogopolong gape. Dithuto tšaka ka moka di be di lefetšwe, nna ke be ke šaletšwe fela ke gore ke bee šedi yaka ka moka dithutong tšaka,” a realo.
Magwaza ke wo mongwe wa baithuti ba makgolokgolo bao ba fetago matsogong a MISA ka mananeo a ngwaga ka ngwaga a tlhabollo ya baswa. Mananeo a a fana ka thušo ya tšhelete le ka thekgo ebile  a thuša baithuti gore ba ikhwe  letše dikgoba tša mešomo ge ba fihleletše maswanedi a mošomo dithutong tša bona. “Ke be ke tloga ke emetše monyanya wa rena wa dikalogo. E be e tlaba monyanya wo mogolo kudu ka ge ke be ke tla ba motho wa mathomo wa go aloga ka lapeng la gešo. Ke sa ntše ke holofela gore re ka ba le letšatši la rena la go aloga, eupša go ka direga gore se se folotše go lebeletšwe leuba la coronavirus ,’’ a realo.
Intasteri ya tša kago e tletše kudu ka banna.
“Ka nako tše dingwe, basadi ba ikwa ba nyenyefaditšwe ka gobane bokgoni ba bona ba go tliša diphetogo bo fela bo belaelwa. Ka nako tše dingwe mantšu a bona ga a theeletšwe.
“Gontše go le bjalo ke kgeth i-le taolo ya tša kago ka gobane ke dumela gore ke nale maatla a go fetoša intasteri ye le go e kaonafatša fao go nyakegago gona. Ke bone basadi ba ba-ngwe intastering ye ba nyologela maemong a god imo ebile ba nale khuetšo. Ke dumela gore le nna nka nyologela maemong a a godimo,’’ a realo. Bjalo ka sealoga sa mathomo ka lapeng la gabo, Silondiwe Magwaza o leboga MISA.

Dipasari tša MISA di bapatšwa go www.misa.gov.za go tloga ka Lewedi, mo go Facebook  @MISA, mo go Twitter  @MISA_CoGTA le mo go Instagram  @MISA_CoGTA.



