Molemi wa moswa o amogela thekgo ya COVID-19 

Silusapho Nyanda

 MOLEMI yo a sa thomago tša temo wa kua Kapa Bohlabela ke yo mongwe wa bao ba holegilego go tšwa Sekhwameng sa Mmušo sa Kimollo ya Coronavirus.
Nomagcinandile  Suduka wa mengwaga ye 27 o aga bohwa bja lapa la gabo le le-humo ka go beeletša temong. Mong wa kgwebo ya 4 U and 4 Me Primary Cooperative  kua motsaneng wa Mooiplaas o amogetše thušo go tšwa Sekhwameng sa Kimollo sa Coronavirus  (COVID-19) sa Kgoro ya Temo, Mpshafatšo ya Naga le Tlhabollo ya Dinagamagae ka baka la polasa ya gagwe, ya mae gagwe, diruiwa le merogo.
Kgoro e fane ka dibaotšhara tša go bitša R1.2 bilione go balemi bao ba di hlokago.
Suduka o bolela gore di baotšhara di tla mo thuša go godiša lehlakore la kgwebo ya gagwe la go tšweletša mae. “Ke amogetše dibaotšhara tše tharo tša go bitša R19 000. Tšona ke baotšhara ya R12 000 go reka dikgo-go tša go bea mae tse 100, baotšhara ya R6 500 ya go reka dijo tša dikgogo le baotšhara ya R500 ya go reka meryana.”O thomile polasa ya gagwe ya go tšweletša dikgogo ka go fepa dikgogo tša gae tša lapa la gabo ka dijo tša go di thwathwadiša mae, tšeo di di kgontšhago gore di thwa-thwatše mae ntle le gore di namelane. Dikgogo tša ga-gwe gabjale di tšweletša mae a 50 ka letšatši, gomme yena o wa rekiša beke ka beke.
Suduka, yo le yena a tsenetšego tša temo ka dipudi tše 73, dinku tše 25 le dikgomo tše 25 o thomile tša temo ka 2015 morago ga go ikhweletša Sethifikeithi sa N6 sa Taolo ya Mmušo go tšwa Kholetšeng ya Ikhala ya Thutatiro le ya Tlhahlo. Morago ga go lemoga gore mešomo ga e kaalo, a tšea sephetho sa go tšea polasa yeo ka nako yeo e bego e dirišwa ke lapa la gabo go iphediša a e fetošetša go ba kgwebo ya go dira letseno.Suduka ge a bolela o re: “Re gotše re dira tša temo, ke moka morago ga go aloga ke tšeere sephetho sa go tsenela temo legatong la go inyakela mošomo.” Se se ile sa hlatsela go ba sephetho sa hlohleletšo, kudu ka ge a godišitše dipudi le dikgomo tša palo ya go bonagala.
Polasa ya Suduka ya di hektara tše tshela ka bogolo e tšweletša mafela, matapola, dierekise le dinawa. Mafela a bjalwa dihektareng tše nne, matapola a bjalwa hektareng ye tee mola dierekisi le dinawa di bjalwa mo hektareng ya mafelelo.
Suduka o ithutile tše ntši go tšwa go COVID-19 , kuduku du ka gore thoto ye kaoneka one ke matsogo a gagwe le go šoma ga gagwe ka thata. 
  Nomagcinandile Suduka o fetošeditše polasa ya lapa la gabo ya go iphediša go ba kgwebo ye nnyane.
