Indlela Ekhethekileko Yokuthokoza Abasebenzi Bekoro YezamaPhilo Yelizweloke 

vukuzenzele unnnamed

Abantu esele babulewe yicoronavirus  mhlaphanje sele beqe eenkulungwaneni ezimbili. Hlangana nalabo ababulewe yingogwana le kubalwa nabasebenzi bekoro yezam aphilo nabosokghono fundwa bezamaphilo abalole ke nga phezu kobukhali, abebatjheja abantu abagulako, abebabasekeli nabaduduzi kilabo abahl ukaniswe nemindeni yabo bayokulaliswa esibhedlela.
Kulinceba elidabula ihliziyo ukubona amadoda nabomma abenza lomsebenzi omkhulu nocwenge kangaka nabo baba-njwa bulwelobu bebubehlule.
 Ngibo abaphambili epini yokucitha ubulwele oburhageleko. Basebenza ebujameni obubudisi khulu begodu kufuze baqunge isibindi, babhesele ukuraga umsebenzabo basazi kuhle nje ukuthi basengozini yokungenwa ngiyo ingogwana le. Baziingorho zamambala epini yethu necoronavirus . Siwethulela ingwani la maSewula Afrika asuka emizinawo, emakhabo ayoku-sebenza ngaphandle kokuqintelisa nofana ukulova, basebenza ngamalanga ematlinigi, ee-mbhedlela nakamanye amaziko wetjhejo lezamaphilo. Lapho atjheja ngeenhlahla zokwelapha, asekele ngesizo eliphathelene neencwadi neminye imisetje-nzana efana nokubutha kunye nokuphakisa ngokudla.  Njengoba nabo basenza umse benzabo wobukghonofundwa babo nje, nathi sinesibopho phezu kwemindeni yabo. Ipilwabo nokuphepha kwabo kufuze kubekwe phambili.
 Siyabahlonipha besibethulela ingwani njengamadoda nabomma abatjengise ukuthi bazini kelele ukunikela ngepilwabo ukuhlenga yethu ipilo.
U kuthi bakghone ukwe-nza lomsebenzi wobukutani bafuna nesekelo lethu kunye nokuvikeleka ngokutholakala kweensetjenziswa zokuzivikela ( ama-PPE). Ngesekelo lesiKhwama Soku Zwelana nangeminikelo ebuya ebantwini abanengi ngamunye ngamunye abamaSewula Afrika, abosomabhizinisi, iinhlangano zezwelo naborhulumende, siphumelele ukuthola iinsetjenziswa zokuzivikela zokuvikela abasebenzi abadosa phambili kilepi nofana amaforosi. La kunetlhayelo yama-PPE khona iimbhedlela zelizwe lekhethu zikutjheja ngokurhabekileko lokho ngomnqopho wokuqinisekisa ukuthi ayatholakala ama-PPE. Siyazi ukuthi ukukghona ukuthola ama-PPE akusikuphela komraro abasebenzi bekoro yezamaphilo abaqalene nawo. Kilo loke ilizweli amatlinigi neembhedlela ziqalene nokutlhayela kwabasebenzi. Nawo lomraro-ke uyatjhejwa.  Ukusekela umsebenzi  owenziwa maforosi welizwe lekhethu abasebenzi beza-maphilo elizweni lokeli, sithumela aboNgqongqotjhe namaSe kela waboNgqongqotjhe kesinye nesinye isiyingi kobanyana bayozibonela ngewabo imiraro ekuqalenwe nayo kileziinyingi begodu bebasebenzisane ngo-kusizana neemphathimandla zekoro yezamaphilo eemfundeni ngeemfunda.  Kufuze sisebenzisane ukuphe phisa ipilo hayi yabasebenzi kwaphela, kodwana neyabo boke abasebenzi ngokuphelela kwabo. Besele vele kunomsebenzi omuhle okubabazekako owenzi we mayuniyoni ekufundiseni amalunga wawo malungana nokuthelelana nokuvikela ukuthe lelana kunye nehlanzekiso. Godu asekela umsebenzi womNyango wezokuQatjha nezabaSebenzi ekuhloleni iindawo zemisebenzi kobanyana kuzokuqinisekiseka ukuthi iyalandelwa ikambiso yezamaphilo nezokuphepha phezu kwabasebenzi ababuyele emsebenzini.  Amayuniyoni wethu amanengi asabalalisa ilwazi ngengogwana icoro na emalungeni wawo kanti abaqatjhi nabo basemajimeni wokuphandlulula.
 Omunye wemiraro evelileko elizweni lekhethwapha kunindeka kwabantu nofana ukubekwa amabala abatholakele banengo-gwana yecorona . Njengo-mphakathi, sinomsebenzi osibopho esiwuhlanganyeleko wokucitha ukunindeka kwaba-ntu abangenwe yicoronavirus .  Kunemibiko ezwisa ubuhlu-ngu yabantu abaninwakoemphakathini wangekhabo nemiphakathi etjhagalela iingulani eziphethwe sisifo esibangwa yicoronavirus ithi leziingulani azikwazi ukulaliswa eembhedlela zendawo nematlinigi wendawo. Kufuze kuphele-ke koke lokhu. Njengoba sabumbana uku khwezelela ukwamukeleka kwabantu abaneNgogwana yeNtumbantonga (i-HIV) ebanga ubulwele beNtumbantonga, sajama sasimelela besacitha ukwe nziwa kwabantu abongazimbi ngabomu, ngokunjalo kufuze sitjengise ukuzwa, ukubekezelelana, isisa, ukurhawukelana nokutjhejana kilabo abangenwe ngilengogwana nemindenini yabo.
 Batjho lokhu kunindeka kubaselwa livalo lokuthi abantu abanganangogwana yecorona nabo bazakungenwa yingogwa na le, kubaselwe nanga kutlhaye lelwa lilwazi. Indlela ehle khulu yokuqeda ivalo lethu elisukaemizweni eziphakamelako ngesifo kunye naso isifo seCO-VID-19 kuthobela imibandela yehlanzekiso ebekiweko. Ukuba nevalo ngokutheleleka kuyezwakala begodu kuyinto ekhona mbala. Kodwana ngakelinye ihlangothi nathi siyazi kobana kufuze senzeni ukuzivikela sivikele nabanye. Siyazi ukuthi ingogwana le ibangwa yini, siyazi nokuthi kufanele senzeni ukuzivikela kobana singazokutheleleka.  Siyazi bona kufuze siqalangane, sizi-khethele ngeqadi nayibe sikhe sahlangana nabantu abanesifo secoronavirus , siyazi nokuthi kufuze siye esibhedlela nayibe sinamatshayo weCOVID-19 .  Kumele ngeenkhathi zoke silandele ilwazi eliliqiniso ngezinto ezenzeka mbala, hayi izwangobatjho, kikho kokeesikwenzako. Kade sadlula isikhathi soku thi abantu bathi abazi muntu onecoronavirus  namkha oca-phazelekileko ngayo.  Nje, khulu khulu ukudlula phambilini, abangani bethu, umndenethu, abalingani bethu bomsebenzi kunye nabomakhelwana ba-dinge izwelo nesekelo lethu.  Emalangeni, eemvekeni neenyangeni ezizako, kesinye isikhathi sisezazithola siseva-lweni elikhulu, sidane singasazi ukuthi sithatheni sihlanganise nani nasibona basanda aba-ntu abangenwe yingogwana, basanda nabantu ababulawa sisifesi. Kuzabe kukumbi khulu ngesikhatheso, kodwana kuzakubuye kube ngcono. Abososayensi nabodorhodere bekhethu basitjele ukuthiinani labantu abazokungenwa yingogwana le  basazokwanda ngokukhamba kwesikhathi nasiya esiqongolweni sesifesi. Kodwana nakanjani sizakugcina sirhobhile. Siyabathokoza, sibethulela ingwani abasebenzi beza-maphilo ababhubhe basendimeni yokuhlenga abagulako. Nje-ke njengesikhumbuzo sabo, asizilonde sihlale siphephile siphephise nezinye izakhamuzi zekhethu ngokwenza okulungi leko ekufuze sikwenze. Sizayehlula ingogwana le sibe siwuvuselele umphakathi welizwe lekhethu. Sakhe sabona iinkhathi zobumnyama ezidlula lezi, sadlula kizo besaphundlukela nganeno.
Asisebenzeni ngamandla nangesibindi njengoba sisebenzisana ekuhlengeni ipilo yabantu.
