A re šireletšeng le go thekga bana ba rena

vukuzenzele unnamed

Letšatši la Boditšha batšhaba la Tšhireletšo ya Bana, leo le kete kwago ka la 03 Phupu lefa seng ka bophara, le goga šedi ya batho ditokelong tša bana le polokegong ya bona.
Ka tsela ye maleba, ka lona letšatši leo ke Letšatši la Bolefase la Ditšhabakopano la Batswadi, la go hlompha boikgafo ba batswadi le bahlokomedi polokegong ya bana.
Ke rata go leboga dimilione tša batswadi, bokoko le bora kgolo le bahlokomedi Afrika Borwa ka bophara bao ba tšwelago pele go kgatha tema ye bohlokwa mo mengwageng ya mathomo ya tlhalefo ya badudi ba bannyane ba naga ye, e lego bana. Tlhohleletšo, thekgo le tšhireletšo ye e fiwago bana go tšwa batswading ba bona le bahlokomeding ba bona e bohlokwa lethabong la bona la ka moso le katlegong ya bona. Ka la 1 Phupu 2020 naga e thomile kgato e ntshwa mo phenkgišanong ya yona kgahlanong le coronavirus. Ditiragalo tše ntši tša ikonomi le tša leago di thomile ka leswa, go akaretšwa le go bulwa gape ga dikolo ka dikgato.Re boletše gore re bula dilo ganyane ganyane, ka go hlahlwa ke dikeletšo tša boramahlale ba rena le go etwapele ke diti-ragalo tša kgonthe setšhabeng le ditherišano tše swerwego le bakgathatema.Mo dibekeng tše mmalwa tše fetilego, re itokišeditše go boela dikolong, re bile le ditherišano tše nabilego le tše tseneletšego gotee le bakgathatema ka moka sedikong sa thuto. Ditherišano tše di hlahlile lemanoga la rena mo mošomong wo o raranego ebile o le boima.Ba bantši ba bakgathatema ba, go akaretšwa barutiši le batswadi, ba laeditše ka fao ba hlobaetšwago ke seemo sa boitukišo ba dikolo tše ntši. Re ba kwele, re amogela dipelaelo tša bona ebile re tšea magato a maleba go rarolla dipelaelo tša bona le ditšhišinyo.Go a kwešišagala gore batswa di ba bantši le bahlokomedi ba nale maikutlo ao a tswaka tswakanego nakong ye mabapi le go bulwa gape ga dikolo. Go nale kimollo ya gore bana ba tla kgona go tšwetšapele dithuto tša bona morago ga go seye diphaphošing le diholong tša bofahloši. Baswa ba fišegelwa go ba ka diphaphošing gape le go bona bagwera le barutiši ba bona.Eupša go nale poifo ka lehlakoreng la batswadi, barutiši le barutwana ka bobona.Batswadi ba nyaka kgonthišišo ya gore magato a maleba a tlo go hlongwa go šireletša baru twana ka botlalo. Polokego ya bana go ya ka ponego ya tša maphelo le ya bophelo ga se taba ye re ka hlwago re ngangi le mahlaga ka yona. Ke taba ye tlago pele ga tšohle.Ge re le gare re itokišetša go bulwa gannyane gannyane ga dikolo le mafelo a thuto ya godingwana, makgotlataolo a thuto a be a šoma ga boima mešomong a hloma magato a maleba a maphelo le a polo kego. Sengwalwa seo se hlami lwego mabapi le ditshepedišo tša motheo tša go šoma di filwe dikolo ka moka. Ditshepedišo tše tša motheo tša go šoma di akaretša merero ya go swana le tlhahlo le go tsebišwa ga mafelo go bao ba tla bego ba lekola batho dikolong, peakanyoleswa ya tšhupadipaka le go fetoša sebopego sa diphaphoši gore di fihlelele dinyakwa tša go katogana.Re tšwelapele ka tshepedišo ya go tliša didirišwa tša tšhireletšo ya mmele le go netefatša go ba gona ga meetse le ditirelo tša tlhwekišo. Ge dithuto di thoma ka diphaphošing, di tla dirwa ka fase ga maemo a go tiišeletšwa letsogo ka palo yeo e theošitšwego ka tsela ye nepagetšego ya barutwana le baithuti.Bjalo ka batswadi, barutiši, makgotlataolo a dikolo (di-SGB) le mmušo, re a kwana gore ga go na sekolo seo se swanetšego go bulwa go fihlela ge go hlongwa magato a dinyakwa tša polokego. Go swanetše gore tšohle di be molaleng ka maemo a boitukišo a sekolo sefe goba sefe. Motho mang le mang yo e lego mokgathatema, e kaba motswadi, moleloko wa SGB, morutiši goba mohla nkedi wa mmušo o swanetše go kgona go ba le tshedimošo ye nepagetšego ka seemo sa boitukišo sa sekolo se sengwe le se sengwe. Ke maikarabelo a rena ka moka go netefatša gore tikologo ya go ithuta e bolokegile.Ke rata go rolela batswadi le bahlokomedi kefa, kudukudu ka tema yeo ba e kgathilego di kgweding tše pedi tša go feta. Ka ge dikolo di be di tswaletšwe, ba ile ba swanela ke go tšea maikarabelo a magolo a tšatši ka tšatši a thuto le a tlhabollo ya bana ba bona. Ba tswadi ba bantši le bahlokomedi ba ile ba swanela ke go thuša ka mešomo ya bona ya sekolo ka magaeng, gomme seo sa ba dira gore ba thabele mošomo wo boima wo o dirwago ke barutiši tšatši ka tšatši.Ge go tswalelwa ga naga go fedišwa le ge barutwana ba boela dikolong, rena bjalo ka batswadi re swanetše go tšwelapele go kgatha tema ya rena ka mafolofolo dithutong tša bana ba rena, e kaba ka go tsenela di-SGB, go ithaopa go thuša dikolo ka ditirelo goba mehuta ye mengwe ya thušo. Batswadi ba ka tsentšha matsogo ka go ithaopa go hlwekiša dikolo, go thoma ditšhengwana tša merogo le gape go ba karolo ya dikomiti tša polokego ya dikolo tša kgauswi. Se se ka fetoša dikolo gore e be dikolo tša makgonthe tša setšhaba.Le ge e le gore re ka ikwa re fišega le go boifa ge barwa le barwedi ba etšwa ka matsogo ng a rena a tlhokomelo goya dikolong, re swanetše go hlohleletšwa ke ntlha ya gore go tšeerwe matsapa ka moka go ba šireletša. Bjalo ka batswadi, le beile tshepho ya lena go rena ka pabalelo le polokego ya bana ba lena. A re a tšee bofefo maikarabelo a. Mo dibekeng le mo matšatšing ao a tlago, re tla be re beile leihlo go boela dikolong.Ge re latela ditshepedišo le go latela magato ka moka a polo kego, bjalo ka batswadi, barutiši, setšhaba le baithuti, re tla atlega go fokotša kotsi yeo e tlišwago ke coronavirus.Se se šalang ke gore ke fela magato a rena ka o tee ka o tee le magato a rena a mohlakane lwa ao a tlo dirago gore bana ba rena ba bolokege. Tšohle tšeo re tla di dirago go tloga mo, re swanetše go di dira mmogo.
