Tinkhombandlela tekusetjentiswa kwesifonyo sebuso

vukuzenzele unnamed

Litiko Letemphi-lo Lavelonkhe lincoma kutsi wonkhe umuntfu eNingizimu Afrika ku-funeka afake sifonyo (lesiphindze satiwe ngekutsi sifonyo lesingasiso sekulapha) uma asemmangweni.Bantfu labahamba nge-matekisi nangaletinye tinhlobo tetigitjelwa te-mmango, kanye nebantfu labacitsa sikhatsi baseti-ndzaweni lapho kulikhuni khona kutsi bachelelane kute bangatsintsani, bayagcugcutelwa kutsi bafake tifonyo letentiwe ngendvwangu.
Inzuzo lenkhulu yekutsi wonkhe umuntfu afake sifonyo sebuso kunciphisa lizinga lekukhwehlela kuphume ligciwane  i-corona  (COVID-19) ku-labo labatselelekile ngalo ngaloko banciphisa kusa-balala kwalo ngekuphuma kwematfonsi.
Ngenca yekutsi labanye bantfu labanaleligciwane i-corona  bangahle bangabi netimphawu noma bangahle babe bangati kutsi batselelekile, wonkhe umuntfu kufuneka agcoke sifonyo sebuso.
Kuhlanteka kwesifonyo sebuso lesiyindvwangu Tifonyo tebuso letentiwe ngendvwangu tiyanco-nywa njengencenye yekuphefumula ngendlela lenemphilo noma mikhu-ba lemihle yekuhlanteka lokuphindze kufake ku-khwehlela noma ku-tsimulela engcozeni le-gobekile noma kuthishu. Sifonyo sebuso kufuneka sivale yonkhe imphumulo nemlomo. Tifonyo tebuso akufuneki tehliswe uma ukhuluma, ukhwehlela noma utsimula.
Kumcoka kutsi tifonyo tebuso tisetjentiswe nge-ndlela lekahle. Kusetjenti-swa ngendlela lengasikahle kungabanga kutsi labatise-bentisako bafake timphilo tabo engotini yekwandzisa i-COVID-19 .
Nanoma ufake sifonyo kusafuneka kutsi:
• ugeze tandla• ulandzele kuchelelana emmangweni • ukhumbule kutsimula noma kukhwehlelela engcozeni legobekile • ugweme kutsintsa
emehlo akho, imphu mulo noma umlomo
ngetandla letingakage zwa.
Ummango akufuneki usebentise tifonyo teku-lapha noma tifonyo tekuphefumula letibitwa ngema-N-95 ngoba leti tibekelwe kusetjentiswa tisebenti tetemphilo na-letinye tisebenti tetemphilo letisebenta embili etimeni tetemphilo.  vInkhwekhweti 2020 Lushicilelo 2Ungasiphatsa njani sifonyo sakho sebuso 1. Sebentisa kuphela sifonyo lesi-washiwe sabese siya-ayinwa.2. Geza tandla ngembi kwekufaka sifonyo.3.  Beka sifonyo licala lelifanele libuke buso bakho, bese ucinisekisa ku-tsi sivala ngalokufanele kokubili timphumulo takho nemlomo.
4. Bopha tintsambo emva kwe-nhloko yakho, noma uma use-bentisa emarege, cinisekisa kutsi acinile.5. Cinisekisa kutsi sikulingana kahle.
Sihambahambise kute utfole  indzawo lesihlalisa kahle. Ungatsintsi licala lelinendvwangu.6. Uma sewusifakile sifonyo sakho, UNGAPHINDZI UTSINTSE BUSO BAKHO kute kufike sikhatsi lapho usikhipha khona.7. Uma usikhipha, khumula tintsambo, bese ngebunono ugoca sifonyo lingekhatsi laso libe ngaphandle, sibambe ngetintsambo/ngemarege bese usibeka kusimumatsi lesibekelwe kuwasha sifonyo sakho sendvwangu.8. Gezisisa tandla takho kahle bese uyatomisa ngembi kwekwenta lokunye.9. Kufuneka lokungenani umuntfu loyedvwa abe netifonyo tebuso letimbili kute akhone kuwasha sinye bese usala nasinye lesihlo-bile lesilungele kusetjentiswa.10. Tifonyo kufuneka tiwashwe nge-nsipho nangemanti lashisako, tiyakatwe kahle bese tiya-ayinwa.
Kubaluleka kwekuchelelana emmangweni Ekulweni neligciwane lelinekutselelana lokukhulu iCOVID-19 , kuchelelana emmangweni kumcoka kakhulu kusita kulwa nekucedza kwandzisa lesifo kuso sonkhe sive.Kuchelelana emmangweni kumayelana nekugcina ligeba leliphephile lelingaba ngemamitha lamabili kulabanye kute unciphise kutselelana ngeCOVID-19 . Lenchubo imcoka kakhulu ngesikhatsi sisemkhatsini kwalobhubhane lapho khona leligciwane landza lisuka emuntfwini liye kulomunye ngekusebentisa umuntfu lonalo ngesikhatsi akhipha ematfonsi ematse uma atsimula, akhwehlela noma akhuluma.Kusebentisa kuchelelana emmangweni nekuvala konkhe kuhamba eNingizimu Afrika kumcoka ekwehliseni kutselelana kwebantfu, lokukhonjiswa ngekwehla kwelinani lebantfu labatselelekile..
Lolwatiso lakhishwa Litiko Letemphilo.