Tlhahlo ya kgato ka kgato mabapi le go šomiša maseke wa sefahlego

vukuzenzele unnamed

Kgoro ya Bo-setšhaba ya Maphelo e  eletša motho mang le mang mo Afrika Bo-rwa go apara maseke wa go dirwa ka lešela (woo gape o tsebegago ka gore ke maseke woo esego wa kalafo) ge a le gare ga batho.
 Banamedi ba dithekisi le ba dinamelwa tše dingwe tša bohle, gape le batho bao ba fetšago nako ye ntši ba le mafelong ao eleng gore go boima go emela kgole le batho ba bangwe, ba swanetše go apara dimase-ke tša lešela.
Mohola wo mogolo go bohle ba aparago maseke wo ke go fokotša bontši bja Coronavirus  (COVID-19) yeo e gohlolwago ke bao e ba fetetšego, gomme seo se napa se fokotša go phatlala-la ga gona ka marothinyana a ge motho a gohlola.
Bjale ka ge batho ba bangwe  bao ba nago le Coronavi-rus ba se na dika goba ba sa tsebe gore ba fetetšwe, motho yo mongwe le yo mongwe o swanetše go apara maseke wa sefahlego.
Bohlokwa bja maseke wa lešela mabapi le go hema moya wa go hlweka  Dimaseke tša lešela go ele-tšwa gore di aparwe bjalo ka karolo ya go hema moya wa go hlweka goba bjalo ka setlwaedi se akaretšago go gohlolela le go ethimolela ka sejabaneng seo se ko-bilwego goba ka gare ga thišu. Maseke o swanetše go khupetša nko le molomo ka botlalo. Maseke ga se wa swanela go gogelwa tlase ge o bolela, o gohlola goba o ethimola.Go bohlokwa kudu gore dimaseke tša lešela di šomišwe ka maleba.  Tšhomišo ye fošagetšego e ka dira gore badiriši ba ipee kotsing ya go phatlalatša COVID-19 .
Le ge o apere maseke, o swanetše gore:
• o hlape diatla • o bule sekgoba gare ga gago le ba bangwe • o gopole go ethimolela le  go gohlolela ka sejaba neng• o efoge go kgoma mahlo,  nko le molomo wa gago  ka diatla tšeo di sa hlwe  kago.
Batho setšhabeng ga ba swanela go šomiša di-maseke tša go hema tša go šomišwa ke dingaka goba tšeo di tsebegago ka la N-95 gobane tšona di beetšwe feela bašomedi ba tša ma-phelo le batho ba bangwe ba go šoma ka tša maphelo .
 vMopitlo 2020 Kgatišo 2Ka moo o ka swarago maseke wa gago wa lešela ka gona 1. Šomiša feela maseke woo o hlatswitšwego ebile o aenilwe.2. Hlapa diatla pele o apara maseke.3. Lebantšha lehlakore la maleba la maseke le sefahlego sa gago, gomme o netefatše gore o khu-petša nko le molomo gabotse. 4. Bofa dithapo tša maseke ka morago ga hlogo ya gago, goba ge e le gore maseke wa gago o bofa ka direkere, netefatša gore di ngange-gile. 5. Netefatša gore maseke o go leka-na gabotse. O sokološe go fihlela o go lekana bokaone. O se ke wa kgoma karolo ya go khupetša nko le molomo. 6. Ge o se no apara maseke, O SE KE WA KGOMA SEFAHLEGO SA GAGO go fihla ge o o apola. 7.  Ge o apola maseke, bofolla mahu-to, gomme o phuthe maseke ka tlhokomelo, o o hlanole, o o sware ka dithapo/direkere gomme o o lokele ka sedirišweng seo eleng gore se šoma feela go hlatswetša maseke. 8.  Hlapa diatla gabotse o be o di phu-mole pele o ka dira se sengwe. 9.  Motho yo mongwe le yo mongwe o swanetše a be le bonnyane dimaseke tše pedi gore a kgone gore ge maseke wo mongwe o hlatswitšwe a be le wo mongwe woo a ka o aparago. 10. Dimaseke di swanetše di hlatswi-we ka meetse a go fiša a go ba le sesepe, di tlošeletšwe gabotse di be di aeniwe.
Bohlokwa bja go bula sekgoba gare ga gago le ba bangwe Ge re le gare re elwa le baerase ya go fetela batho ka bontši ya COVID-19,  go bula sekgoba gare ga gago le ba bangwe go bohlokwa kudu go re thuša go fokotša go phatlalala ga bolwetši bjo go kgabaganya naga. Go bula sekgoba gare ga gago le ba bangwe go ra go bula sekgoba seo se bolokegilego sa dimithara tšeo e ka bago tše pedi gare ga gago le batho ba bangwe gore o fokotše phetetšo ya COVID-19 . Mokgwa wo o bohlokwa kudu ka ge re sa le ka gare ga kotsi ya leuba la Coronavirus  moo elego gore baerase ye e phatlalala go tloga mothong go ya go yo mongwe ge motho yo a fetetšwego a gaša marothinyana ka go ethimola, go gohlola goba go bolela. Go phethagatšwa ga go bula sekgoba gare ga gago le ba bangwe le go tswalelwa ga naga ka Afrika Borwa go bohlokwa phokotšong ya go keka ga bolwetši, elego seo se bontšhwago ke palo yeo e fokotšegago ya batho bao ba fetetšwego.
Tshedimošo ye e tšwa go ba Kgoro ya Maphelo.