Thusedzo ya vhadzulapo vhashu vha sa koni u ḓi tsireledza

vukuzenzele unnamed

Mashango manzhi u mona na ḽifhasi a kha nyiledzo dza u tshimbila nga ṅwambo wa khoronavairasi a tshi khou itela u tshidza matshilo a vhathu vhao. Ro ita zwenezwo na kha shango ḽashu, fhedzi zwa nyiledzo dza u tshimbila kha riṋe zwo dzumbulula zwithu zwi vhaisaho vhukuma zwitshavhani zwashu zwe zwa dzumbulula uri vhushai vhuhulu, tshayandingano na vhushayamushumo zwi khou ṱhukhukanya mvumbo ya vhadzulapo vhashu.
 A hu na vhuṱungu vhuhulu vhu fanaho na uho ha vhabebi vhane vhana vhavho vha lilela zwiḽiwa, fhedzi vha vha vha si na zwine vha nga vha fha.
A hu nga vhi na khaṱhulo i si kwayo vhukuma u fana na tshitshavha tshine vhaṅwe vha dzula kha vhukimvi, ngeno vhaṅwe vha tshi khou tambula u swika lufuni uri vha kone u tshila nga zwiṱuku kana vha si na tshithu na tshithihi. Ndi zwone, izwi ndi zwithu zwi sa thivhelei zwo vha-ngwaho nga ḓivhazwakale ya tshaya ndingano nahone yo tshinyadzaho vhukuma. Fhedzi hu na ngafhadzo dza u balelwa huhulu kha tshi-tshavha tshashu tshe kale tsha vha tshi kha khethululo nga lukanda. Nyiledzo dza u tshimbila dzi angaredza-ho shango ḽoṱhe ho sedzwa khoronavairasi dzo ṋaṋisa zwihulusa thaidzo ye ya vha i hone u bva kale.
Kha vhege dzo fhiraho, ro vha ro livhana na zwifhaṱuwo zwi vhaisaho zwa vhathu vho hanganeaho vha tshi khou gwalabela zwiputo zwa zwiḽi-wa sentharani dza u phakhela na migwalabo ya vhadzulapo vha tshi lwela u ṱahela ha zwiḽiwa.
Ro dovha hafhu ra tea u livhana na mavharivhari a sa ṱanganedzei nahone a vhai-saho. Mavundu a tshivhalo o ṱanganedza mivhigo ya uri vhathu vha si na mbilu dza u vhavhalela, hune vhaṅwe vhavho vha vha vhaofisiri vha muvhuso, vha khou dzumba kana u rengisa zwiputo zwa zwiḽiwa zwo vhetshelwaho vhashayi na vhathu vha si na tshithu, kana vha khou zwi isa kha khonani dzavho na kha miṱa yavho.Arali ha wanala hu na zwi fareaho vhukuma kha mavharivhari aya ri ḓo shu-mana na vhathu avho lu vhavhaho vhukuma.
 U bviswa ha mulevho wa tshiimo tsha tshiwo tsha lushaka na khombetshedzo ya nyiledzo dza u tshimbila kha shango ḽoṱhe ro dzhena kha nyimele ye ra vha ri sa athu i tshenzhema. Afrika Tshipembe ḽo vha ḽi sa athu vhuya ḽa ṱangana na tshiimo tsha shishi tsha mutakalo wa lushaka nga nḓila hei.
Ro mbo tea u shuma nga u ṱavhanya u itela u tshidza ma-tshilo. Ri tea u zwi ṱanganedza zwauri kha maḓuvha na vhege dzo tevhelaho, ṋetshedzo ya thikhedzo kha vhadzulapo vha shango ḽashu vha sa koni u ḓi tsireledza yo vha i khou ongolowa i si nga nḓila ine ya khou ṱoḓiswa zwone, na zwauri vhukhakhi ho itea.
Naho zwo ralo, mbadelo ya mindende yo tshimbila zwavhuḓi, nahone nga mura-hu ha khaedu dza zwa the-khiniki dza tshivhalo, sisṱeme ya khovhekanyo ya zwiḽiwa i khou dzudzanywa.
Khombetshedzo ya nyiledzo dza u tshimbila kha shango ḽoṱhe kha nḓivhadzo yo itwaho nga tshifhinga tshiṱuku zwo bveledza khaedu nnzhi. Ro mbo tea u ela ndivhanele ya phindulo ya lushaka na vhu-hulu ha nyiledzo dzine ra tea u dzi ita. Ro fhedzisela ro nanga u wela kha sia ḽine ḽa ri vhea fhethu havhuḓi. Sa zwe ḽi-kumedzwa nga vha Muhasho wa Mutakalo ḽa sumbedza zwenezwino, u kombetshedza nyiledzo dza u tshimbila nga tshifhinga tshe ra ita ngatsho zwo fhungudza phimo ya phirela nahone zwa ndemesa, zwo ri fha tshifhinga tsha u dzudzanya u gonya ha phirela kha dzivhege na miṅwedzi i ḓaho.
Ro tea u sedza u kwamea ha ikonomi yo no vhaisalaho kha tshifhinga tshipfufhi na tshilapfu, nahone u kwamea ha tshinyadzo khulu iyi kha matshilo a dzimiḽioni dza vhathu.  Ri tea u sedza uri vhege dza u valelwa mahayani zwi amba mini kha vhashumi vha sa nga holelwi miholo yavho ya nga misi, kha vha sa shumi na avho vhane vha khou ṱoḍa mushumo, kha avho vhashumi vha tshifhinganyana kana vha tshifhingatetshelwa, kha avho vha re kha sekithara zwadzo, kha vhashayi na vha sa koni u ḓi tsireledza.
 Khabinethe i ḓo khunyeledza mutevhe wa maga u fhindula mveledzo dza nyiledzo dza u tshimbila kha matshilo a vhathu vhashu. Hezwi zwo rangelwa nga tshivhalo tsha nyanḓano na tshivhalo tsha vhafaramikovhe zwi tshi katela vhubindudzi, vhashu-mi, madzangano a vhurereli, vhadzulapo na Khoro ya Nge-letshedzo ya Ikonomi ya zwa Phresidennde.
 Vhashumisani vha zwa ma-tshilisano vho vhea phanḓa tshivhalo tsha makumedzwa a a vhuḓidzhenisi vhune ha nga fhindula khanganeo ine ya vha hone na zwezwo ya vhashayi vha vhashayi, vhunzhi havho vha ḓitika nga thusedzo ya zwa matshilisano.
 Ri ḓo gonyisa ṋetshedzo ya vhulondoti nga tshifhinga he-tshi u thusa miṱa i tshilaho kha vhushayi vhukuma. Naho zwa nyiledzo dza u tshimbila kha shango ḽoṱhe zwa fheliswa, mveledzo yayo i ḓo dzulela u tshenzhelwa lwa tshifhinga.
 Avho vha re na mashudu a u vha na miholo yo khwaṱhaho vha ḓo kona u humela mishumoni yavho; fhedzi kha vhunzhi ha vhaṅwe uyu u ḓo vha ṅwedzi wo lozweaho une vho vha vha tshi ḓo vha vho wana mushu mo wa tshifhinganyana, vho ita vhubindudzi kha sekithara dzazwo kana vho vhulunga masheleni e vha hola u swikela vhuḓifhinduleli ha miṱani yavho.
 Thikhedzo ya zwiḽiwa ndi maga a shishi a tshifhinga tshipfufhi. Zwi ḓo tea u ṱanganyiswa na thandululo dzo khwaṱhaho dzine dza ḓo thusa vhadzulapo vhashu vha sa koni u ḓi tsireledza kha zwifhinga zwi konḓaho zwine zwa nga kha ḓi ḓa.
Ndi tama u livhuwa vhunzhi ha dziNGO, zwigwada zwa vhurere-li na vhadzulapo zwavho vhane vha khou ṋetshedza masheleni na u shuma vha sa nga wani malamba kha u thusa vha tshi fusha avho vha re na nḓala na vhashayi.
U fhelisa nḓala a si nyito ya vhuthu. Ndi ndaela ya tshi-tshavha tshiṅwe na tshiṅwe tsho thomiwaho nga ṱhonifho ya pfanelo dza vhathu.
 Ri vhukati na nndwa yashu ya u lwisana na dwadze hune u ḓigeḓa zwi nga itisa mutshinya-lo. Ndi ita khuwelelo kha roṱhe uri ri dzule ro rafhuwa, u isa phanḓa vha tshi tevhedza milayo, vha  dzule vho tsireledzea nahone vha tsireledze na vhaṅwe.
Sa muvhuso ri ḓo ṋetshedza mafhungo thwii nga nḓila ya u dzhenelela ine ra khou i dzhia kha u tsireledza vhadzulapo vhashu vha sa koni u ḓi tsire-ledza kha mathada ane a nga vha vhulaisa nga nḓala.
Kha vhunzhi ha vhukonḓi vhune vhathu vhashu vha ṱa-ngana naho tshifhinga tshino, u sa ḓivha uri zwiḽiwa zwi ḓoḓa zwi tshi bva fhi a zwi tei u vha vhuṅwe hazwo.